媽媽亦好樂意得閒個陣整下甜品或下午茶同小JM食，
因為爸爸唔好食甜品，所以唯有搵小JM陪下媽媽，
滿足一下媽媽既為食慾望！
今日媽媽又來攪攪新意思，
整左個小小既滋味下午茶一齊同小JM嘆！
【烤焗蘋果麵包布甸】
材料：
嘉頓去皮方包 數片
雞蛋 一隻
牛奶 一盒
日本蘋果 半個
紅莓乾 適量
提子乾 適量
糖 可按個人口味調較
*小JM既下午茶係無糖版喔!*
做法：
1.) 預熱焗爐至180度
2.) 先將蘋果去皮, 切成小片
再將蘋果磨成蘋果蓉,備用
3.) 將雞蛋打勻, 再加入蘋果蓉,備用
4.) 預備好牛奶
(如需加糖, 可以加入牛奶中攪拌)
將牛奶加入蛋液及蘋果蓉內攪拌
5.) 取出數片已去邊方包,
先切成條, 再切成小塊並置於碗中
6.) 將已經預先攪拌好既牛奶蘋果蓉蛋液加入碗中
7.) 最後在面頭加上紅莓乾或提子乾
8.) 完成後即可放入焗爐烤約30分鐘左右, 即成
如果想面層脆口一啲， 蛋液可以唔駛加太滿。
而且加咗蛋液後亦唔需要按壓麵包。
對於呢個咁香甜味美嘅下午茶，小JM亦表示好喜歡，
緊係啦，表層有小JM最鍾意嘅紅莓乾同提子乾呀嘛。
歡迎追蹤 小JM 既Fanspage 「傑。斯與晴」：
如有任何查詢/合作，歡迎聯絡我同小JM 參與產品試用或者各樣活動
沒有留言:
張貼留言