仲係爸爸媽媽既Relax之旅！
雖然帶著小B係會忙碌一啲，
但一家三口一齊去溫泉嘆下又的確係一件賞心樂事！
既然係自駕遊，
咁就緊係去遠少少都唔緊要啦，
所以今次就去 －由。布。院！
為左今次既重點環節 － 溫泉，
媽媽我已經不停做功課，
務求搵到一間又舒服又正斗既溫泉旅館！
終於皇天不負有心媽，
俾我搵到一間位於福岡由布院既古式溫泉旅館 －山莊 四季庵！
地址： 〒879-5101 大分県由布市湯布院町塚原字黒笠木135-7
（下午三點先可以Check-In 架，記得啦！）
旅館設有停車場，方便自駕遊（但最好事前都同旅館講聲，以免唔夠車位喔！）
至於唔係自駕既旅客，
可以係湯布院駅搭15分鐘車程 或湯布院IC搭25分鐘車程 就到架啦！
因為係我訂呢間溫泉旅館個陣唔見到有代理網站，
所以媽媽我就只好自為之嘗試係溫泉旅館既日文網站訂房係啦！
係日文網訂房話易唔易，但又唔算好難，
摸左一陣，再加埋Google Translate軟件即時攪掂！
預約房間小教學：
一入到 山莊 四季庵既主網站就會即時見到有預約表單！
參考資料：
根據指示輸入資料就會見到吉房架啦。
（建議以房間類型來選擇，因為可以睇埋房既資料）
睇左一輸，結果我地揀左一個大既和室，仲包左內風呂添！
因為帶著小B，所以今次無揀到室外既露天風呂，
怕天氣太凍小B一陣冷親就唔好啦嘛！
以下就係我地揀既和室實景：
和室門前係望山景，一日出陽光就晒入房
陽光好耀眼，好好天！
一入屋就會見到有一個獨立廁所，
和室既廁所係同浴室分開，
而浴室都好大，仲會分開左浸浴位（即內風呂位置）同淋浴位，
而外邊就係梳妝既位置！
和室既廳都算大同整齊，
亦唔會有難聞既氣味！
但呢度可能因位係位於高處既關係，入夜後會比較凍，
但好好彩旅館係有安排到暖風機，
而暖風機亦分別設置係廳同房！
而房既設計同床鋪點擺側隨你喜歡！
小JM似喜好喜歡呢度，
成晚不停爬來爬去，
但就攪到媽媽執唔到行李囉！
安頓好之後話咁快就要去食晚飯，
呢度食飯唔係係自己房食既，要出返去Check-In 個邊，
個邊會有一間房係食飯用既，聽朝我地都會係個度食早餐！
以下係旅館提供既晚餐選擇！
我地就一早預訂左一泊二食（即係包左晚餐同早餐），
而且揀左食和燒豐後牛添！
因為每張枱都係分好晒房號，
所以我地好快就已經乖乖入坐，
而服務生哥哥都好Nice，
一早就為小JM準備左High-Chair同小朋友餐具添！
今晚既晚餐好豐富，有晒前菜、配菜、主菜，
牛肉的確好鮮味，
條魚都好有驚喜，因為媽媽我陀左小JM之後已經唔再食到魚，
但呢條魚好味到不得了，媽媽我三扒兩撥就食晒！
（我諗係因為條魚細者！
）
）
睇勻全場，原來最細個真係小JM！
哈哈，唔緊要啦，好彩小JM都無嘈親大家，只係鍾意不停同隔離枱Say "Hi"咁囉！
隔離枱有一枱來Relax既日本婆婆們，
不停話小JM"卡哇兒"，其實係因為婆婆未了解到小JM曳既一面者！
食飽飽，抖左一陣就帶左小JM去試試浸下風呂，
因為係小JM第一次浸，所以有啲緊張，痴到媽媽我實一實。
不過都叫做肯試下既～！
＊浸溫泉都有好多野要注要，所以最好事前了解一下先！＊
或者睇下我前一篇既文章可以解答到你～＾＾～
浸完個靚靚風呂，又飲飽食醉啦，
所以小JM好早就訓左，所以爸爸都可以去浸下風呂，輕鬆下。
（嗯...媽媽又諗起台中谷關個轉溫泉之旅，Plan下帶小JM去先得，又可以行山！）
入夜後呢度明顯係凍左好多，
好彩我地有為小JM帶來「私家睡袋」，
但係入左睡袋既小JM就好好笑，想轉身又轉唔到，會發脾氣！
不過一朝早一輪陽光由窗晒入來個下真係好舒服！
雖然係俾陽光整醒左，
但大家都覺得好正！
小JM一早起身就已經忍唔住想食野。
但媽媽見到你個朦豬樣又點捨得唔影低呢！
大家梳洗好之後我地就出發去食早餐啦。
早上係自助形式既，
都算多野食，但大多以日式為主。
房內既長枱擺滿左各式各樣既野食，
全部都好吸引呀！
但講到「最吸晴」（即係吸引眼睛呀！）就莫過於烤魚，
烤魚係可以自己親手烤架，好特別！
而餐室入面仲有平時睇卡通會見到既火爐，
真係好好Feel呀！
媽媽呢邊廂就出去左影相拎野食，
小JM另一邊原來就收禮物！
爸爸話原來隔離枱既婆婆送左兩個豆袋仔俾小JM玩呀！
（有人再次賣萌成功！呃到玩具！）
食飽飽係返去和室執野途中就緊係唔少得要自拍下！
（但係媽媽好眼訓囉！）
唔知點解覺得爸爸同小JM影既相咁似人地影緊婚照啲表情咁既？
陽光太耀眼，所以媽媽無眼睇！
酒店位置 ：
（位置偏遠適合自駕遊，但環境較幽靜）
（位置偏遠適合自駕遊，但環境較幽靜）
酒店環境 ：
酒店設備 ：
員工服務態度：
酒店清潔度 ：
整體而言尚算不俗，有機會可以再次入住。
今次好可惜睇唔到雪，如果早個零星期都仲有，但係就會更凍囉！
但由布院呢邊個市集就真係好多野行好多野睇，
真係岩晒一家大細！
下一篇就等我為大家「係咁易」介紹下我地旅程中由布院市集既時光啦！
如有任何查詢/合作，歡迎聯絡我同小JM 參與產品試用或者各樣活動
