星期四, 5月 31, 2018

為食蹤跡│限定開賣。鋒味拌麵食後感!

講起伴麵,應該大多數人都會即時諗起好多好正嘅台灣品牌。
今日俾我係SOGO買到鋒鋒嘜頭嘅「鋒味拌麵」呀! 
仲有三款口味,包括麻辣、三杯及櫻花蝦紅油添。

聽說鋒鋒用咗成年時間來研發呢三款「鋒味拌麵」,
仲係台灣製造,係百份百無添加、不含防腐劑,標榜「天然無添加,食完唔口乾」咁話,
所以今次我決定要會一會鋒鋒,買俾爸爸試,當然亦唔會少咗自己個份啦!

難得有新嘢就緊係即刻去試試佢啦!
爸爸鍾意食辣揀咗櫻花蝦紅油,而我就食唔辣嘅三杯!

每盒鋒味伴麵都配有醬汁或辣椒粉。

鋒味拌麵 嘅煮法亦相當簡單,啱晒為食嘅懶人們!

取出麵餅後只需放入滾水中煮三分鐘,再將麵隔水盛起,最後加入調味及醬汁即可食用。

爸爸好辣,所以選擇試櫻花蝦紅油。
小JM爸食後感:
對於食慣濃味嘢嘅小JM爸而言味道略為淡,
而辣味亦唔算太勁,要一次過食一大啖先會覺得有啲辣。
麵底質感同咬口不錯,若喜歡食較淋身嘅話就需要多煮一陣,而對男仕而言可能麵底略嫌少。
櫻花蝦的調味粉尚算惹味,所以較為特別。

小JM媽食後感:
其實我食係偷食咗一、兩啖,始終辣嘢我真係麻麻。
櫻花蝦紅油對於我而言已經算辣,但辣度尚算接受到,因為辣味來得慢而有一點麻。
食落有櫻花蝦嘅脆脆,口感幾特別。


媽媽唔食得辣,所以食三杯就剛剛好。
小JM媽食後感:
其實小JM媽本身好少食麵,因為好怕啲麵煮完擺咗一陣就成餅嘢咁痴埋,又怕淋晒無咬口。
但今次鋒味拌麵就完全無呢個問題,拌麵撈完醬汁後唔會太乾身亦唔會太濕,
拌麵亦唔會痴埋之餘即使醬汁沉晒底亦唔會令啲麵變咸,醬汁份量可以話剛剛好。有驚喜。
不過淨麵唔太滿足到我,所以配埋日本蠔及細餃最剛剛好!


而家 鋒味拌麵 限時進駐銅鑼灣崇光 及 一田百貨沙田店,每盒HKD$25。
想試嘅就要快手啦,限時嘅嘢,你懂的!賣晒就無架啦!

銅鑼灣崇光   : 2018年5月30日到6月7日
一田百貨沙田店 : 2018年5月30日到6月13日

星期二, 5月 29, 2018

當媽也要靚│水中銀。小魚親測知多啲!

上星期六(26/5) 小JM媽出席咗 水中銀x小魚親測喺九龍灣君立酒店舉行嘅分享會,當日嘅嘉賓仲有周嘉儀Venus、簡幗儀Lilian、同埋兩位懷孕中嘅靚媽。我地唔單止喺分享會了解同認識咗咩係「小魚親測」,仲認識咗好多靚媽添。

水中銀 小簡介:
水中銀係一間生物科技公司(名為:水中銀﹝國際﹞生物科技有限公司)
而當中所研發嘅嶄新技術 - 魚胚胎毒性檢測,更加可以快速篩檢超過1,000種有毒化學物質,
有別於市面上一般測試只可以測試到5到10種最常見既有害物質,
從而有助加強了解食、用、化妝及護膚品等日常消費品安全。
而測試結果亦會公佈喺「小魚親測」網站之內。(https://www.fishqc.com/tra/
過往測試包括:雞蛋、孕婦保健品、面霜、嬰兒奶粉、嬰兒沖洗用品、唇膏等。


咩係小魚親測?
小魚親測比一般傳統嘅動物測試準確性更高。
而測試可分為「鯖鱂魚胚胎慢性毒物測試」及「斑馬魚胚胎急性毒物測試」兩大項架。
測試結果主要分為三種:「綠魚」、「黃魚」及「紅魚」
綠魚 代表 品質卓越;消費者就可以更安心購買。
黃魚 代表 基本合格;消費者購買時要謹慎,因有潛在風險成分。
紅魚 代表 有待改善;建議消費者購買時特別謹慎。

有咗小魚親測之後,我地媽媽們就認住綠魚LOGO放心地選購產品,更加快捷容易及安心。
話時話,其實去完分享會之後我都有即時搜尋一下屋企用開嘅日用品係屬於邊一款魚魚架。
好好彩,暫時見到嘅都係綠魚魚多,所以我都好放心。

不如就等小JM媽介紹返幾隻拎咗綠魚標籤嘅好物俾一眾靚媽同小B啦!
睇下又啱唔啱大家心水~^^~

1.) La Roche-Posay: 抗敏全效修護乳 及  B5萬用修復霜
La Roche-Posay係法國有名嘅品牌,相信好多靚媽都一定有認識。
當中嘅 抗敏全效修護乳 就連懷孕媽媽都啱用。
因為已經臨床研究證實 2 星期改善敏感高達 69%,可有效抑制致敏導體釋放,杜絕敏感肌惡性循環,從根本改善極度敏感肌膚。
而 B5萬用修復霜 就有效修復大人及BB各類肌膚問題,舒緩鎮靜﹐抗菌退紅﹐修護脆弱敏感肌,
最重要係不含Paraben、防腐劑、酒精及羊毛脂,係媽媽們安心之選!

2.) Leaders Clinic:Aquaringer Mask
Aquaringer Mask 經實驗證明1小時後可以令肌膚水份提升了67%,而且不含任何化學防腐劑、熒光增白劑、重金屬、礦物油及人工色素。

小JM媽使用後感:
對於成日挨夜嘅媽媽們而言真係可以話係恩物,除可以補水仲可以幫我改善細紋及恢復肌膚彈性,等我唔駛咁快變黃面婆。

3.) Vichy Laboratoires:MINÉRAL 89火山礦物能量精華
可以強化肌膚屏障,令肌膚變得飽滿。
持續使用,每天為肌膚補充火山礦物能量,7天即可煥發飽滿水亮肌!
經皮膚科及眼科專家測試後證實,連眼部肌膚亦適用。

小JM媽使用後感:
即係咁,補濕潤膚對於夜訓嘅小JM媽來講實在太重要。
能量精華最啱就係敷面膜前搽,一剔過吸收埋,爽爽!
最重要係唔會有黏立感覺,用完都一樣咁清爽。


4.) Nivea:淨白止汗走珠香氛
Well~Well~Well...Nivea真係小JM由做女個陣已經會用嘅品牌,當然亦唔少得淨白系統嘅止汗產品。
話晒都係女生,點可以俾自己有汗臭味架,所以我都有使用止汗產品嘅。
以前大肚唔知以為唔用得,而家先發現原來Nivea嘅止汗產品都有綠魚標籤,咁下次懷孕可以唔駛再轉牌子。
Nivea嘅止汗產品係無添加酒精同香料,而且止汗同時淨白肌膚及收細毛孔添。
100%用家認同只需3日肌膚就變得嫩白緊緻喔!

5.) Biolane法國貝兒:抗敏保濕膏(面及全身)及杏仁親膚按摩油
 Biolane法國貝兒亦係法國最受歡迎嘅嬰兒護理產品,亦是兒科及婦產科專家選用嘅信心品牌。
抗敏保濕膏 有效防乾止紅止癢,而且長效保濕滋潤,連濕疹及過敏性皮膚適用。
內含嘅抗敏配方,不含香料及防腐劑同時有助預防敏感和濕疹。

而杏仁親膚按摩油 則係小JM嬰兒時期嘅佳品,質地輕柔之餘亦易於推開,最緊要係沒有黏膩感。
我就最鍾意喺小JM沖完涼之後拎來按摩用,因為按摩係可以舒緩BB嘅不安感,從而改變睡眠,
同時亦可以改善呼吸道和消化道問題添。

6.) Albion:爽膚精萃液
含天然花香氣味,ALBION在北海道栽培「北之薏仁」作為重要成分,調節肌膚新陳代謝,帶給肌膚的6大承諾!包括:健康淨膚、水潤透亮、粗糙肌膚護理、 防止暗瘡粉刺、預防脫妝、曬後安撫

7.) Skin Ceuticals - 美白修護啫喱水
說實在小JM媽從小到大都係敏感肌,好易會泛紅、起紅點,最慘係好易留印添。
而美白修護啫喱水就特別適合敏感或油性及粉刺瑕疵肌膚,具消炎抗菌功效,美白補濕同時有效改善痘印。

使用方法亦都好簡單,只需用指尖取2-3滴,搽喺有需要部位就可以啦。
搽完亦唔會覺得好黏膩,反而好清爽添。

介紹咗咁多款線魚標籤產品,當中又有無你嘅心水好物呢?
如果你都想知道自己揀嘅產品係屬於邊一種魚魚級別的話,
就記得上去 小魚親測 嘅網站睇下啦!





星期六, 5月 26, 2018

帶著小B去旅行│慳位行裝收納法。玩樂與實用兼備。旅行滑板喼

早幾星期前小JM家同一眾親朋好友去為婆婆慶祝生日,
過咗一個愉快又難忘嘅週末澳門美食之旅!

雖然旅程只係短短幾日,但大家都玩得好開心,
有得食又有得玩,又可以放鬆一下。
令大家對七月嘅家庭旅行更加期待添呀。

講起「旅行」最頭痛莫於過要執拾行裝,
特別係帶小朋友出門,衣衫都要預多一、二兩以備不時之需。
為咗可以更慳位同節省襯衫嘅時間,我通常都會將小JM嘅衫褲同襪仔一份份收好,
即使我「忙緊」,爸爸都一樣可以快快手幫小JM輕鬆「變身」!
今之旅程我地會為小JM帶三套衫褲同兩套睡衣,仲有大毛巾添架!
想知咁多嘢可以點塞晒入一個 (30cmX20cmX12cm) 分隔袋?
一樣來睇下小JM媽嘅方法啦!

只需要幾個簡單步驟就可以好慳位咁分配好小B每日要著衫架啦!
1.) 先預先挑選或配襯好衣服,並預備一件夾衣
2.) 將夾衣左右兩側向內摺,以包裹其他衣物
3.) 將夾衣慢慢卷起,預留啪鈕位置以包裹整套衣物
4.) 最後只要將啪鈕扣好便告完成!
就係咁簡單就可以簡單快捷咁執好小JM嘅行裝啦。
見仲有位就可以擺埋泳衣添!

只要你有密實袋亦可以做到收納嘅效果。
將泳衣同游水片片一同放入密實袋,再壓走多餘空氣即刻攪掂!
你都快啲試下啦!



不過係旅程開始嘅時候都發生咗段小插曲架!
話說原本屋企有兩個細喼,我地打算用其中一個來去澳門,
點知發現有一個喼已經爆咗碌,而另一個就壞咗拉鏈。

係我地灰爆嘅時候,朋友仔借咗個喼俾我地,而個喼原來係可以當滑板玩添架!
爸爸同小JM知道咗都覺得好過癮,緊係忍唔住就試玩啦!
我返到屋企仲發玩原來呢個喼仲有好多功能添架,
攪到我都想叫爸爸買返個。

不過講到最吸引到爸爸同小JM嘅一定唔係個喼嘅功能,而係個喼會變身!
會變成一架大人同小朋友都為之而雀躍嘅 - 滑板喼!
我地三個見到都驚訝咗一陣,何解個喼咁過癮識變身?真正嘅用得又玩得。

不過講返正題先,其實個喼嘅功能都唔嘢少架!
外殼夠晒堅固,而且內層有大大小小嘅分隔位,仲有放電腦用嘅夾層添!
喼身有兩個俗稱「紅點」嘅美國海關認證密碼鎖,夠晒安全。
唔單止咁,係喼嘅上方仲有一個USB位方便將「奶媽」收藏於內添架。

你叫媽媽點樣唔心動呢?係咪?
去旅行有咗呢個「喼神」爸爸話可能唔駛帶BB車喎,哈哈!






歡迎追蹤 JM Fanspage 「傑。斯與晴」:
如有任何查詢/合作,歡迎聯絡我同小JM 參與產品試用或者各樣活
媽咪既Email係: sleepycecihotmail.com

星期五, 5月 25, 2018

小JM愛玩樂。玩轉沙田石門。KidsKiss Kingdom

位於沙田石門新開嘅Kids Kiss Kingdom早前已經正式開幕啦!

我同小JM喺開幕禮當天亦有到埸,場面十分熱鬧,
而且仲有醒獅助慶,大人同小朋友們都睇到目不轉睛,真係好吸引!

Kids Kiss Kingdom佔地面積約9000平方呎,當中更有十多個不同嘅遊戲區,可以滿足不同年齡嘅大小朋友,同時亦有多種創意工作坊可供參與。而且場方更不時邀請資深註冊兒童心理學家係特定時段為家長解答幼兒教育問題。
場內設有小B們啱玩嘅親親寶寶區添架!

同時亦設有餐廳,玩到攰時亦可以食吓嘢抖下,抖完先再玩都仲得!


Kids Kiss Kingdom採用咗日本殿堂級嘅知名消毒品牌Five Hertz作為波波池內膠波及牆身漆油原材料,殺滅高達99.9%細菌添架。媽媽們就可以放心俾小B係場內隨意跑跳同爬行啦。

溫馨提示:
1.) 基於個人衛生問題,記得要著襪喔。
2.) 有唔舒服就唔好去玩,要多啲休息。
3.) 要保持場內整潔。



事不宜遲就等小JM為大家詳細介紹一下Kids Kiss Kingdom嘅好玩設施啦!

Kids Kiss Kingdom設有四個不同嘅歷奇遊樂園區域,共十多個不同嘅體驗專區。
分別為:好動專區、視覺觸感區、實景互動區、認知發展區
每個區域都可以提升小朋友嘅不同官感發展,以及訓練身體各個機能。

好動專區


《抗菌波波池》
Kids Kiss Kingdom嘅波波池用咗自家特製波波,而且仲係用日本殿堂級消毒品牌Five Hertz作為製作膠波原材料添,有效持續抗菌長達五年之多。
而且波波池內嘅波波為數不少,小朋友玩起上來就更加開心。

特式:
大小肌肉、手眼協調及整體協調

官感發展:
觸覺、本體感、前庭覺


《巨型編織繩網》
全場最吸睛嘅莫過於場內色彩繽紛嘅編織繩網,小朋友可以任意爬上爬落,亦可以係繩網中自由攀爬及晃動,可以滿足小朋友無窮無盡的好奇心。

特式:
大小肌肉、手眼協調及整體協調

官感發展:
觸覺、本體感、 (吊球)前庭覺


《攀爬管道》
係設計獨特嘅管道內遊走,可以俾小朋友感受歷奇。而消防員滑桿則可以鼓勵小朋友跨越心理障礙成功滑下,幫助建立自信心。

特式:
大肌肉及整體協調

官感發展:
視覺、本體感



視覺觸感區


《大風吹氣球》
網內佈滿咗色彩繽紛嘅大氣球,而且仲會有氣流吹出,將氣球吹起。
小朋友想要捉住啲氣球就要夠眼明手快先得啦!

特式:
有助訓練專注力、大小肌肉、手眼協調及整體協調

官感發展:
視覺、觸覺、本體感、前庭覺


《感官黑房子》
從旋轉滑梯一滑而下隨即進入感官黑房子,
房子內360度都係由電腦編程、感應器、投影、燈光、互動動畫/遊戲及音樂效果所組成嘅。
小朋友可以隨意係房內走動、拍打觸控而產生互動效果。

特式:
有助豐富創造力、想像力、解難能力

官感發展:
視覺、觸覺、本體感、前庭覺


實景互動區


《賽車道》
Kids Kiss Kingdom嘅車車有別於一般常見嘅車款,車車都係走復古型格路線,影相一流。
而且場景如真實社會,玩樂嘅時候小朋友都必須遵守交通安全規則,除咗玩之餘仲可以俾小朋友學識建立紀律和自我控制能力。

特式:
有助提升想像力、專注力、控制力,
以及訓練大小肌肉、手眼協調、整體協調

官感發展:
前庭覺


《警局及郵局場景》
俾小朋友處身模擬場景之中,可以令小朋友更徹底地探索世界及加深了解日常事物。

官感發展:
想像力


《迷你市集》
模擬商店內設有各式食物、貨架及用具,可以俾小朋友扮演收銀員、店員或顧客,鼓勵互動和交流。

特式:
創造力、想像力、專注力

官感發展:
小肌肉、手眼協調


認知發展區

《巨型蠟筆畫廊》
小JM平時最喜歡畫畫,剛好場內設有一個巨型蠟筆畫廊可以俾小JM盡情放任地畫畫塗鴉。

特式:
創造力、想像力、專注力

官感發展:
小肌肉、手眼協調


《原木火車玩具》
特式:
有助提升創造力、想像力、專注力及訓練小肌肉、手眼協調

官感發展:
視覺


《親親寶寶區》
場內有專為0~2歲嬰幼兒而設嘅親親寶寶區。可以俾小B慢慢試普探索環境,促成發展爬行、站立、行走等。親親寶寶區更設置咗一幅Masterkidz牆面遊戲系列,富有感官、遊戲、運動技能訓練及科學等不同主題元素,有助刺激小B腦部發展。

特式:
大小肌肉、手眼協調、整體協調

官感發展:
觸覺



一個地方融合咗多種不同元素及主題,而且又可以訓練小朋友嘅體能同官感添,
最重要係有埋餐廳,食飽再繼續玩又得!
真係啱晒一家大細同朋友一齊歡聚嘅好地方!

來緊下個月會去頒獎禮,地點咁啱又喺石門,睇來又可以早啲帶班小朋友去放下電啦!
不過記得來之前要預約喔!




KidsKiss Kingdom
地址:
沙田石門安群街3號京瑞廣場一期1樓162號舖
(港鐵石門站C 出口)

電話:
2882  2779

網上預約服務:
http://www.atj-tech.com/kidskiss/booking.php

收費:
星期一至五(公眾假期除外)
身高125cm以上:最低消費HKD$180-
身高125cm以下:入場費HKD$88-

星期六、日及公眾假期
身高125cm以上:最低消費HKD$200-
身高125cm以下:入場費HKD$108-


*六個月或以下而不佔座位者免費*




歡迎追蹤 JM Fanspage 「傑。斯與晴」:
如有任何查詢/合作,歡迎聯絡我同小JM 參與產品試用或者各樣活
媽咪既Email係: sleepycecihotmail.com