【聖誕限定】華麗水晶童話@ELEMENTS

朋友係要見架嘛~何況係契媽媽！

今日我同小JM就約埋契媽媽一齊去咗Elements圓方食嘢、行街兼影聖誕裝飾添！

我地就揀咗去南小館食滬菜，雖然話就話兩大一細，但我地依然叫到一枱都係。

果然我地都係有「食力」嘅一伙！

食飽飽又點少得去行下逛下影下相～

今年Elements金區原來變咗做一個法國博物館，仲展出咗多件法國皇室水晶品牌 Saint-Louis博物館嘅水晶珍品。彷彿令人置身於法國孚日森林中嘅華麗水晶童話「A Crystal Tale」一樣，而當中最吸晴嘅莫過於懸掛於半空中、逾六米高並由水晶燈組合而成嘅聖誕樹，夠晒華麗、夠晒氣派！

場內除咗有四大打卡影相點之外，仲設有「閃爍攝影區」，可以俾大家同家人或朋友們一齊影相留念添架！

VIDEO:

場內四大打卡影相位:

1.) 璀璨星光之路

粉紅拱形頂部令星光之路添上幾分暖意，啱晒一家大細或者情侶們打卡放閃。

而係星光之路上更鋪上輕觸屏幕，只要大人同小朋友從上慢慢走過，就會見到一連串嘅星光！

2.) 法式小白屋

一間外表平實嘅小白屋，有著不一樣嘅「內在美」。

係小白屋內我地可以欣賞到Saint-Louis具歷史價值嘅Tommy系列之外，

仲可以欣賞到為Elements法式聖誕展出嘅現代系列添。

九款極具特色嘅水晶珍品盡收眼內。

3.) 冬日森林

冬日森林其實係由好多不同大小、高度不一嘅聖誕樹組合而成嘅。

只要沿小路行走，就會見到兩旁有著不同聖誕裝飾嘅聖誕樹，而且仲可以欣賞到Saint-Louis博物館嘅水晶珍品添。

企係小路中史，彷如令人置身於聖誕嘅魔幻之森一樣，有著如幻似真般嘅感覺。

而係小路嘅盡頭仲有「閃爍攝影區」可以影相留念添架！

4.) 水晶燈聖誕樹

呢個打卡點可謂全場最矚目~亦係全個主題冬日森林嘅重點所在！

水晶燈聖誕樹由 Saint-Louis 以 1,500 小時人手打造，選用咗最具代表性嘅皇室經典水晶吊燈來打造。

一共用咗 24 盞水晶燈組合而成為聖誕樹，氣派非凡。

小JM媽就試過企係水晶燈聖誕樹下望上去，可謂極為壯觀。

每一盞水晶燈都係晶瑩剔透、閃閃生輝，企係樹下彷如置身萬花筒一樣令人讚嘆不矣。

水晶燈聖誕樹資料：

聖誕樹高 6 米、闊 5 米，總重量高達 1,750 公斤。

由 24 組燈飾、共 456 顆燈由天花吊下而成。

每盞水晶燈都是由匠師親自精製而成，價值逾 8,800,000 港元。

好玩影相位: 「閃爍攝影區」

係冬日森林嘅盡頭位置設有閃爍攝影區。

可以同朋友一齊係鏡頭下影相，影像仲會幻化成萬花筒般嘅GIF圖像添！

絕對係近期少見嘅攝影手法，夠特別亦別具用心

華麗水晶童話@ELEMENTS圓方

地點： ELEMENTS圓方金區

開放日期： 2018年11月16日至2019年1月1日

開放時間： 10:00am - 10:00pm

【護髮體驗】改善脫髮問題。從根本開始！

認識小JM媽嘅朋友都知道我一直都係長直髮，簡直係十年如一日，

雖然平平無奇，但我反而覺得自然就最好。

孕初期時爸爸捉過我去剪髮，其後直到小JM出世都無再剪短過。

就係產後半年左右，我就發現原來我有產後脫髮嘅問題，

而且脫髮嘅問題仲令我覺得好擔憂同困擾。

頭髮甩周屋都係，呢頭掃完地，嗰頭又成地都係。

「產後脫髮」，我相信大部份孕媽同媽媽們都聽說過，甚至乎已經體會過，的確係令人擔心嘅一個問題。

雖然呢年幾我有不停轉換唔同牌子嘅防脫髮產品，但眼見成效唔算太大，往往只係初期稍為有些微改善，之後又再甩過。

近排聽到電台同朋友們都推薦德善健髮，於是貪靚嘅我都去咗參加免費體驗順便了解一下自己嘅頭髮問題添！

我早幾日就去咗德善健髮位於旺角雅蘭嘅店鋪度試做免費體驗。

核對好預約後，職員提供一份資料表格俾我填寫，除咗基本個人資料之外，仲有一啲簡單問題，如生活習慣及洗頭習性之類。

完成表格後交返俾職員，就會安排顧問幫我做頭皮分析檢測架啦！

入到檢測房就已經見到枱上面有部儀器，仲分別有三個不同嘅可替換鏡頭添。

等顧問細閱資料後，會再細問及了解資料內容。顧問仲同我講解咗一啲頭髮生長嘅基本知識，等我可以了解頭髮嘅生長期及生長狀況，之後就會開始做頭皮分析檢測架啦！

　

之後就會用檢測儀為我檢測頭髮，及利用儀器將毛囊放大60倍及200倍以揾出脫髮嘅真正問題所在。

頭髮生長小知識：

每條頭髮嘅生長期約為3~6年，而其中有三個星期為休息期；

健康嘅頭髮毛囊係呈凹陷狀，同時每個毛囊都有3條粗幼一致嘅頭髮架！

先來60倍嘅毛囊放大影像。

再來200倍毛囊放大影像！

OMG！一放大後發現原來髮根都有好多油脂同污穢呢！

但明明已經每晚都洗頭架啦，點解會咁架呢？

而最慘情嘅係，原來頭皮底層已經有少許泛紅，顧問話呢個情況表示有機會發生炎症喔！

媽媽表示好傷心又擔心。

^中醫師問診

聽完顧問講解之後，仲請咗中醫師來幫我問診，等我可以了解一下脫髮嘅成因會唔會同身體機能問題有關。

幸好小JM媽身體都唔算差，只係有時夜訓咗啲，醫師就建議我調節一下作息時間。

經醫師診症及處方外敷藥粉後，就可以去治療房進行中藥外敷薰蒸治療架啦！

但我頭先見到個頭皮同毛囊都被角質層及油垢所堵塞，所以就加錢試咗 O2 Jet Plus去除堵塞住頭皮及毛囊嘅雜質。

^治療房感覺好舒適，仲設有電視添。

^頭皮Peeling時間！

O2 Jet Plus係用咗高壓噴射原理清走黏係頭皮及毛囊嘅角質層及油垢，簡單講即係頭皮及毛囊嘅Peeling，而個感覺就有啲似洗牙，不過就唔會痛，仲好舒服添。

治療師仲話如果啲角質層及雜質多嘅話仲會彈出來添架！咁咪好似落雪咁？

完咗O2 Jet Plus之後，治療師會先幫忙徹底清洗乾淨頭部，之後再將純中藥敷係頭皮之上，敷完再蒸薰15分鐘就得架。

敷純中藥時頭皮會感到一陣暖意，治療師話係用咗暖水來混和純中藥粉架。

敷完之後就可以蒸薰架啦！

^治療師慢慢咁為髮根及頭皮搽上已混和嘅中藥粉。

^開始蒸薰囉!

蒸薰嘅時候就開始聞到陣陣嘅中藥氣味，但對我而言唔算太濃烈。

完成蒸薰洗完頭之後真係覺得頭髮輕盈咗，無咁重，而且好清爽。

完成治療後，治療師叮嚀24小時內盡量唔好洗頭住，等中藥可以慢慢滲入頭皮，而中藥氣味一般會持續約兩、三日左右。

做完晒療程之後，顧問再幫我照多一次頭皮。

^頭髮毛囊終於凹陷狀，顧問話黃色嘅原來就係中藥粉，會慢慢滲透喔。

今次終於都見到頭髮毛囊係凹陷狀啦，當然仲有啲角質層未完全清除晒啦，因為一次唔可以清太深架，唔係就會適得其反，傷到頭皮架啦。

顧問都講過，要真係令到頭皮變到靚靚仔仔嘅話，一般要做五、六次O2 Jet Plus及大約八次蒸薰治療先得架。

要慢慢循序漸進，不宜心急喔！

^完成後留影~^^

而家仲有免費體驗，有興趣可以自行參加喔！

完成後仲會有小禮物喔~^^~

免費生髪體驗： http://bit.ly/2EhLMHq

德善健髪

官網: http://www.chineseessencehc.com/

Facebook: https://www.facebook.com/ChineseEssenceHC/

【把握機會】Shopping媽媽。反轉荔枝角。嬰幼兒用品開倉

話咁快又到年尾，BB展貨都去得七七八八，係時候要再上倉啦！

你地又準備好未？

小JM媽我收到消息話荔枝角有嬰幼兒用品開倉，今日我就即刻帶咗小JM一齊陪我去上倉！

無他嘅，買嘢又係女人嘅天性，Shopping緊係快手好，唔係「蘇州過後無艇搭」，怨都無用！

不過有樣嘢要注意嘅，場地唔算太大，所以都唔太建議帶BB車同行。

但呢度地方細得來種類都算幾齊全，上至嬰幼兒用品、食品，下至清潔用品及孕媽好物都一應俱全！

講多都無謂，即刻為大家介紹一下場內嘅心水好物 及小JM家之選啦！

VIDEO:

先同大家介紹一下今日小JM家嘅大愛之選：

雖然話場地細細，但為娘都幫小JM入咗唔少貨，一次過拎住兩大袋返屋企都咪話唔攰。

好彩有車直返到屋企樓下，唔係實散晒！下轉先再叫爸爸來買學習褲仔先。

1.) Lamoon嬰幼兒清潔用品系列

小JM媽's Choice：

Lamoon都係我同小JM喜歡嘅品牌之一。

係泰國著名嘅天然有機嬰兒洗護用品品牌，係信心保證，自然用得安心又放心！

因為屋企嘅都用得七七八八，所以今次來到見到就買住少少先！

唔夠就再叫爸爸來幫手「托」！

第一行左起：

Lamoon天然有機洗衣液 750ml　　　　　 　HKD$100-@

Lamoon 天然有機地墊及地板清潔劑 750ml 　HKD$75-@

Lamoon 天然有機奶樽清潔液 500ml　 　　　 HKD$70-@

第二行左起：

Lamoon 有機沐浴及洗髮泡沫 250ml　HKD$115-@

Lamoon 有機嬰兒牙膏 25g　　　　　HKD$65-@

Lamoon 有機乳頭和唇膏 10g　　　　HKD$45-@

其他Lamoon產品優惠：

Lamoon 天然有機洗衣液 2L裝

Lamoon 天然有機玩具及物件清潔劑 500ml

四款優惠套裝：

2.) Bruno Choice小熊寶樂系列

小JM's Choice：

今次我地已經算係好輕手，入手咗三包分意粉及10包粒粒乾乳酪！

上至下：

太空意粉、恐龍意粉、小兔意粉

原味粒粒乾乳酪、藍莓粒粒乾乳酪

蘋果粒粒乾乳酪、士多啤梨粒粒乾乳酪

*買夠兩件產品仲可以獲贈「餐桌隔熱墊」添! 一共有四個款添架!*

其他產品優惠：

小JM同表妹仔都好鍾意食Bruno Choice嘅意粉，除咗造型可愛、選擇多之餘，仲係有機添，好啱小朋友食。

而小JM最鍾意就係恐龍造型意粉啦！

初初都係朋友係BB展介紹小JM媽先知有恐龍造型，緊係要嗱嗱聲俾小JM試啦！

小熊寶樂有機意粉　HKD$60/2包　或　HKD$110/4包

【限定優惠】小熊寶樂太空意粉 HKD$15-@

限售100包　每人限購兩包

其實來開倉嘅另一個原因就係因為可以俾小JM試埋Bruno Choice新出嘅粒粒乾乳酪啦！

價錢比食開嘅更平更抵之餘，味道亦較為優勝，甜道適中而且乾乳酪帶有果蓉碎，食落口更香滑！

小JM仲毫不客氣地一試再試，你叫為娘點忍心唔入貨呢？

熊寶樂粒粒乾乳酪　HKD$80/2包　或　HKD$150/4包

**另外亦備有聖誕禮品包裝喔! 送禮一樣咁好睇!**

3.) 韓國OnO2有機食品系列

小JM's Choice：

講到食，真係唔可以睇少小JM嘅「食力」！

明明已經飲住一包果蓉，點知見到OnO2果蓉又話要，真係為食到一個點！

不過又咁，好彩呢度都好抵買，即時又入手咗！

韓國OnO2有機營養脆米條 HKD$38-@ 

*買3送1*

韓國OnO2菜蔬+果蓉2合1纖維營養飲料(共六款口味) HKD$100/10包

場內除咗以上呢幾樣小JM家之選外，其實仲有好多心水好物架！

不過真係礙於小JM媽我單人匹馬帶住小JM，好難可以盡情掃貨，

所以唯有睇咗當買咗，等爸爸放假再來過係啦！

好啦，即睇心水好物介紹：

1.) 嬰幼兒用品系列

唔駛多講，小JM媽已經係第N次介紹Infantino嘅呢條揹帶!

爸爸用完都話正，而家小JM都仲有用緊，出去玩完成日有條揹旁身的話，對手就自然無咁酸！

最正係夠輕、夠細、唔焗又方便！

HKD$235-@  比BB展更抵

四合一多功能揹帶，HKD$395-@！

Karibu 摺疊式浴盤 HKD$480-@ (*連安全浴網)

有三款顏色選擇

Ezpz 系列:

Mini Mat HKD$156-@

Happy Mat HKD$188-@

Happy Bowl HKD$148-@

*小JM初試BLW時都係用Mini Mat架！*

韓國Gio Pilow

枕頭對保護小朋友及頭型塑造都好重要，Gio Pilow亦係一眾媽媽熱捧嘅品牌之選!

細碼、中碼：HKD$340-@

大碼：HKD$370-@

小黃鴨七件裝嬰兒床品 HKD$798-@

七件床品包括:

護頭圍、床圍、枕頭套、枕芯、被套、被芯及床單

B&H系列

奶樽消毒及烘乾機 + 3合1暖奶器  HKD$860-@ (附送奶樽夾)

3合1暖奶器  HKD$270-@

不銹鋼雙耳保溫碗 

大: HKD$63-@

細: HKD$55-@

矽膠湯匙 HKD$55-@

兒童有機草本精華系列: 

 

Twinkle Baby嬰幼兒身體護理系列

讚好專頁而家可享買兩件九折、三件八折優惠!

兒童足球鞋系列: 

上: (左至右) HKD$299-@   /   HKD$328-@

下: (左至右) HKD$299-@  /   HKD$258-@   /   HKD$299-@

場內仲希多款不同品牌嘅紙尿片及褲仔出售，記得要叫埋爸爸來「托」啦！

另外，GOO.N紙尿片(齊碼)  HKD$105-@     HKD$400/4包

*場內購買4包或以上尿片/學習褲，即享有「免費送貨」喔!*

2.) 嬰幼兒玩具及食品系列

Infantino除咗揹帶就緊係要介紹玩具啦!

平平地買俾小朋友玩嘅亦有:

如果想送禮嘅亦有兩款心水推介:

嬰兒遊戲墊連波波池　HKD$399-@

一個玩具墊三款不同玩法

升級版嬰兒遊戲地墊 HKD$499-@ (*送動物探索奇趣球)

唔單止咁，場內消費仲可以換購牙膠喔！

Bruno Bonbon跳跳兔 HKD$530-@

Paws Bear水果乾系列

每款口味 HKD$35-@

有六款口味可供選擇!

韓國OnO2營養乾果(香梨)  HKD$50/2包

3.) 孕媽之選

優合系列:

【組合優惠】

The One 雙泵 + Handsfree 泵奶杯 HKD$980

娘家滴雞精有得現場試飲喔~未試過嘅媽媽們可以試試呀!

準媽媽必備走佬袋 HKD$248-@

場內仲有好多準媽媽恩物，好似U型枕、防妊娠紋乳霜等亦有售喔！

MBStore + MB Family 開倉聯盟（荔枝角站）

優惠期：2018年12月7至16日

時間：10:30a.m. ~7:30p.m.

地址：荔枝角長順街1-3號新昌工業大廈7樓706室

(荔枝角鐵路站A出口/長沙灣廣場側)