小JM愛玩樂。反轉九號水產。特務009體驗 + 饒之味晚餐

尋日係Happy Friday，所以我同小JM就去咗等爸爸收工，再一齊去九號水產食好西！

上次去九號水產舉辦嘅北海道秋際2018嘅時候，
發現場內貼滿咗「特務009」標示及泊車位，
所以留意到九號水產又有新活動。
於是我地小JM家就趁今晚一於同埋爸爸一齊去食嘢之餘又可以玩餐飽！

VIDEO:

之前我同朋友就帶咗小JM去九號水產食頤之味壽司吧，
今次我地就決定同爸爸試下場內另外一間日式食肆　－　饒之味（Zeppin）居酒屋！
舊文回顧：小JM愛玩樂。反轉黃埔九號水產。頤之味壽司吧+暑假玩學體驗日

饒之味亦係場內其中一間提供兒童餐嘅食肆之一，
門面及內裏格調亦具日式傳統感覺，
令人好似置身日本嘅地道食肆一樣！

話明有兒童餐，就緊係要俾小JM過下目，等佢慢慢揀下想食咩啦！

饒之味一共有三款不同嘅兒童餐可供選擇，而且價錢仲好抵，只係HKD$68咋！

我地就分別點咗：博多地雞親子丼、豚肉湯烏冬 及 迷你豚肉丼

一於就等小JM家同大家分享一下食後感啦！

博多地雞親子丼

美味指數：****

食後感：
小JM媽亦有試過呢個兒童餐，味道唔濃亦少調味，好啱小朋友食。
今次小JM仲主動追食玉子燒同親子丼添！
係平時絕少見喔～

豚肉湯烏冬

美味指數：***(3.5)

食後感：
烏冬比一般食開嘅較為粗身一啲，食落彈牙，但唔會黏。
湯嘅味道剛好，唔會過鹹。

迷你豚肉丼

美味指數：****

食後感：
媽媽覺得味道唔錯喔! 豚肉依然鮮嫩，牆汁配飯及豚肉亦相當夾！
就連小JM都忍唔住搶食。

除咗博多地雞親子丼之外，仲有另外兩款兒童餐，分別係 日式飯團餐 及 三文魚芝士炒日本白米麵！
日式飯團餐 (HKD$68-)

三文魚芝士炒日本白米麵 (HKD$68-)

食飽飯就自然有氣有力，咁就可以俾小JM去體驗一下九號水產嘅全新遊戲！
最近九號水產推出咗一個全港首創嘅實景角色任務遊戲，叫【特務009】！

【特務009】其實係一個角色扮演嘅實景遊戲，小朋友可以係九個不同角色中揀選自己喜歡嘅去扮演，並且根據任務嘅要求於場內完成各項任務。

遊戲不單止真實，同時亦極富趣味及挑戰！
可以令小朋友從遊戲中學習，從而提高小朋友嘅溝通能力、觀察力、應變及解難能力等，
同時亦有助提昇小朋友嘅自信心添架！

【特務009】遊戲資訊：
開放時間：
逢星期一至星期五4:00pm-6:30pm
逢星期六、日及公眾假期12:00noon-6:30pm

對象：3至10歲小朋友（不同角色設有不同難度）
收費：HKD$50/次（自選一個角色）
參加辦法：即場報名

2018年試玩優惠：
1) 即日起至12月31日，單一發票買三次，即送一次供即日再玩；
2) 小朋友於2018年12月31日之前集齊八張任務卡，即送多一次任務遊戲。

小JM今次就一連飾演咗兩個唔同嘅角色，分別係 酒店大廚（難度*）及 遊客（難度**）！

選定角色後，小JM就要去裝身啦！搖身一變，即時變咗一位小小嘅酒店大廚！
今次小JM嘅任務係要為小朋友開生日會而作準備，需要係場內各店舖購買所需食材。

係出發之前小JM都好乖咁聽爸爸講解路線!

 

果然有爸爸指導下真係可以火速買完材料！

買齊材料後，小JM仲帶住爸爸去返起點報到！

返到去都未完架，仲要將材料分類放好先算完成！

而遊客任務呢，就需要小JM去禮賓櫃台了解九號水產內嘅特色商舖及景點，
次後仲要購物及拍照留念添架。

九號水產
地址：
紅磡德豐 街 8 號黃埔新天地第九期地下
電話: 2121 0606

小JM愛玩樂。反轉ＭegaBox。茶木 x 小丸子探險記

VIDEO:

尋日我同小JM率先去咗九龍灣MegaBox嘅茶木試新嘢！

今次茶木以小丸子為主題，為旗下三間分店設置咗一系列小丸子嘅美食、餐飲、零食及精品添！

幻化成「茶木精靈」嘅小丸子仲將銅鑼灣世貿、旺角瓊華及九龍灣MegaBox店變成三個不同場景，

分別有海洋、櫻花及草原場景添，務求想令一眾小丸子迷打卡都打到手軟為止！

唔單止咁，三間店舖亦會有唔同嘅獨家美食添架，想食齊晒、影齊晒就記得要去晒三間啦！

剛好係開幕嘅關係，場內更設有影相點、小丸子AR體驗及小丸子印水紙攤位添！

^小丸子印水紙體驗

^櫻花主題打卡點

MegaBox分店嘅主題係「小丸子一家親食大餐」，

場內最為吸晴嘅莫過於小丸子精靈與爺爺精靈真人1：1比例立體公仔，

以及場內嘅旋轉摩天輪禮物圓盒佈置，打卡呃LIKE必影！

而且場內嘅佈置亦令人感受到小丸子一家人嘅愛，係滿滿嘅愛！

不論牆身或玻璃，都可以見到小丸子一家嘅可愛笑容！

事不宜遲，即刻同大家介紹一下ＭegaBox分店嘅獨家美食啦！

小丸子番茄肉燥鰻魚飯

好味指數：****

自家熬製醬汁配日式蒲燒鰻魚，夠晒酸甜開胃，大人同小朋友都啱食！

小丸子吐司禮物盒

好味指數：****

每日新鮮製作，而且內裏香脆可口，配埋雪糕簡直就係一流嘅享受！

唔單止咁，我地仲食咗：

左起：小丸子綠茶心太軟（旺角瓊華店限定）、小丸子牛肉麵、小玉南瓜海鮮魔法（銅鑼灣世貿店限定）

*小丸子熱香餅（銅鑼灣世貿店限定）*

小玉南瓜海鮮魔法（銅鑼灣世貿店限定）

好味指數：****

南瓜海鮮盅呀係！

原個迷你南瓜內放咗龍蝦尾、青口、鱸魚及蜆等，小JM都忍唔住一食再食。

而旁邊亦配有炸花枝丸，口感一流，夠彈牙！

*花輪皇子元貝炸蝦飯（旺角瓊華店限定）*

小丸子綠茶心太軟（旺角瓊華店限定）

好味指數：***

心太軟即叫即焗，所以要預時間喔！

鬆化嘅芒果拿破崙，再加埋綠茶雪糕，簡直係為「綠茶控」而設！

主題分店亦會提供四款特式飲品，分別係：

左起：

野口竹炭仙草奶茶、花輪玫瑰咖啡拿鐵、爺爺抹茶歐蕾、小丸子櫻桃西瓜柳丁

而我同小JM就分別揀咗爺爺同小丸子，味道都唔錯，但對小JM媽我而言就有啲啲稍甜。

除咗美食及餐飲之外，仲會有一系列逾8款嘅精緻禮品發售添架！

就好似上圖嘅小丸子旋轉魔法曲奇 及 黃金鳳梨酥就係其中兩款啦，好食又精緻。

唔單止呢啲，今次就會有小丸子瓷碟、小丸子瓷杯及各式小丸子與朋友精靈造型文具、公仔、啤牌等精品添架。係咪都好吸引呢？

如果你都想帶呢啲精品返屋企就不妨下載「T-Factory」手機應用程式，並成為會員，

之後就可以優惠會員價將禮品帶返屋企架啦！

全球獨家限定手機AR虛擬實境【小丸子去哪兒】

只要到三間不同分店並且透過手機AR虛擬實境程式揾到指定角色就會有機會得到小丸子禮品或餐飲優惠。

每捕獲一款新角色，即能透過「T-Factory」手機應用程式獲得指定餐飲優惠、現金券、指定飲品食品，或紀念品等，首批獎勵總數目逾9萬份、總值超過100萬港幣！而集齊同一角色4款造型，更能獲得特別禮品，實在不容錯過！

茶木分店資料：

銅鑼灣世貿分店

地址：銅鑼灣告士打道280號世貿中心P2樓P211B號舖

電話：2563 2299

營業時間：星期日至四11:30 - 23:00；星期五至六11:30 - 23:30

旺角瓊華分店

地址：旺角彌敦道628號瓊華中心10樓全層

電話：2780 2321

營業時間：星期一至日12:00 - 00:00

九龍灣MegaBox分店

地址：九龍灣宏照道38號MegaBox地下4-6 號舖

電話：2386 1510

營業時間：星期一至日07:30 - 22:30

【分享】養身好物。老協珍熬雞精

小JM媽飲用過好幾款不同嘅滴雞精，就連坐月都一樣有飲用。

但唯獨熬雞精就真係未試過。一講到熬雞精，我就即時聯想到高齡懷孕嘅美媽徐若瑄。

美媽小瑄因為胎位過低而需要係醫院臥床安胎，而徐媽媽更遠道從台灣帶「老協珍熬雞精」與「老協珍燉燕窩」到新加坡俾美媽小瑄補氣養胎添。亦因為咁，小瑄仲成為咗老協珍連續三年嘅代言人添架。

來緊我地亦有計劃想要二胎，但齋想係唔得嘅，應該要先調理好身體先係皇道。

其實八月份BB展我都有了解過「老協珍熬雞精」，亦知道老協珍熬雞精榮獲2018荷花ours《媽媽寶寶雜誌》嘅最佳孕期滴雞精品牌首選添，可想而知熬雞精係有幾大嘅吸引力。

老協珍係一個有80年歷史嘅老品牌，口碑一向不錯。

於1928年在台北迪化街發跡，一直深受台灣媽媽們信任，亦獲得不少明星名人青睞，除了徐若瑄之外，仲有王心凌及瑞莎，而最近就連周秀娜及孫慧雪都一樣有食用老協珍熬雞精添架。

何為「熬雞精」？

老協珍獨創『熬工法』利用水合作用，以高溫驅動大小分子，從深層萃取出老母雞與豬腩排中豐富嘅蛋白質、胺基酸，營養成份價值相對比一般傳統滴雞精品牌仲要高，而且熱量只有14大卡，做到養胎不長肉嘅效果，啱晒一眾靚媽們!

「熬雞精」嘅特點

熬雞精使用飼養咗12個月大嘅第二代老母雞及豬腩排，以「熬工法」萃取豐富嘅蛋白質、胺基酸及膠原蛋白。無添加中藥，適合每個年齡層跟體質，對有啲唔適合食中藥嘅就好適合，完全係天然食材營養！而且堅持不加味素、零抗生素、零防腐劑、零塑化劑，而且膽固醇含量亦係零！

包裝及內袋採用咗日本知名製袋廠技術合作，專利4層不透光內袋，有助完整保存營養及風味，並確保檢驗無塑化劑，重金屬殘留，隔水加熱就自然更放心。

「熬雞精」嘅加熱方法有兩種，我就比較鍾意用保溫杯來加熱，因為係最省時。

起身就可以加熱水泡浸，刷完牙就已經飲得，夠晒方便。

電鍋加熱法

1.) 取出包裝剪開熬雞精內袋

2.)  放入可加熱容器 並加上蓋子

3.) 外鍋加水一碗，蒸約5分鐘後即可飲用

隔水加熱法

1.) 熬雞精不拆袋 放入保溫杯中

2.) 沖泡熱水 溫熱約 3～5分鐘

3.) 撕開包裝 倒入杯中即可飲用

小JM媽飲後感分享：

飲用咗一星期，明顯覺得面色好咗，個人亦無咁易攰，精神相對好咗。

老協珍熬雞精味道濃郁香醇，飲完後咀巴會有少許嘅黏膩感，或者係因為加咗豬腩排一齊熬嘅關係啦，滿滿嘅膠原蛋白，對女生非常好，口感好正！！

朝早餐前飲用，令身體有暖暖嘅感覺。最重要係低卡路里，啱晒貪靚一族及一眾靚媽。

有興趣嘅都可以去佢地網站睇吓，香港有得直接買啦

老協珍香港官網：https://lxz.com.hk 

老協珍香港粉絲團：https://www.facebook.com/laoxiezhenHK/

【家居清潔好幫手】Frosch產品試用

不論做全職媽媽或在職媽媽，清潔家居、廚房同廁所都幾乎係每日或每星期嘅必備「節目」。

曾經試過長輩買左某牌子強力清潔劑俾姐姐抹爐具，

點知姐姐以為唔駛沖水，結果我就中咗招。

自始我都唔敢用太高濃度嘅清潔用品，以免沖唔淨危害到健康。

最近收到Frosch嘅產品試用，我好喜歡Frosch 德國綠蛙嘅品牌理念，所以就決定試試。

Frosch 德國綠蛙嘅產品以不傷害人、環境及動物為基本目標，更採用天然油活性成分以提高清潔和護理效能

，不單止不含有害化學成分（如MIT、CMIT、BIT、磷酸鹽、硼酸鹽、甲醛、NTA、EDTA 等），仲減少使用防腐劑和香料以達至親膚目的添架！

今次我地收到Frosch 德國綠蛙嘅其中三個系嘅清潔用品，分別係：餐具清潔系列、浴室、廁所清潔系列 及 潔衣液系列。

我地又一齊睇下小JM媽嘅用後評價啦！

餐具清潔系列：

Frosch 綠蛙 蘆薈滋潤洗潔精　（容量：500ml 價錢：HKD$29.9）

Frosch 綠蛙 梳打強效洗潔精　（容量：500ml 價錢：HKD$29.9）

小JM媽用後感：

有蘆薈嘅清香，而且泡沫豐盈，清潔起上來都好方便，去油程度亦唔錯，洗完嘅碗碟都唔會油。

最重要係有蘆薈成份，可以滋潤雙手，啱晒我呢啲唔用手套洗碗碟嘅媽媽們。

洗完雙手都唔會忟緊同乾，可以放心洗碗。

浴室、廁所清潔系列：

Frosch 綠蛙 檸檬浴室清潔劑　（容量：500ml 價錢：HKD$32.9）

小JM媽用後感：

噴霧泡沫夠方便，一噴再輕輕刷就已經可以去除殘舊污垢，令浴缸邊及去水位光潔如新。

夠晒省時方便，最重要係唔會有難聞氣味，仲有陣陣檸檬香添。

潔衣液系列：

Frosch 綠蛙 蘆薈低敏潔衣液　（容量：1.5L 價錢：HKD$79.9）

小JM媽用後感：

爸爸閒時打波啲衫洗完都會有陣怪味，

呢排幫爸爸轉用綠蛙情況有所改善，

洗完仲有淡淡清香，

而且仲有低敏配方，就連小朋友嘅公仔都一樣洗得。

Frosch 德國綠蛙‧銷售點

Market Place by JASONS、ThreeSixty、AEON

Frosch 德國綠蛙‧香港及澳門代理

遠東進出口有限公司

客戶服務熱線：+852 2581 9950

小JM愛玩樂。反轉黃埔。北海道 × 九號水產 2018秋祭

認識小JM家嘅朋友仔都知道我家有個「小吃貨」！小JM唔單止係為食，仲好鍾意食日式嘢添。

撞啱九號水產正好舉辨緊「北海道 × 九號水產 2018秋祭」，緊係要同小JM過來一齊食嘢刷餐勁架啦！

北海道 × 九號水產2018秋祭　活動小簡介：

九號水產聯同北海道多家知名農家漁師，將當地秋收嘅「海の幸」及「山の幸」帶來香港，並舉辦盛大秋祭，有得吃喝玩樂之餘仲可以等大家大飽口福，及感受北海道年度盛事熱鬧氣氛 。

除了兩邊嘅美食市集之外，仲有傳統遊戲攤位、日本太鼓及歌舞表演、免費DIY腸仔班及日本浴衣體驗。

*下星期要留意九號水產Facebook，將會送DIY腸仔班名額喔!*

日期: 9月21日至25日（星期五至二）

時間: 1pm – 9pm

地點: 紅磡德豐街8號黃埔新天地第九期地下九號水產

VIDEO: 

事不宜遲，等我同小JM一齊同大家睇下有咩好嘢食啦！

既然將當地秋收嘅「海の幸」及「山の幸」帶咗來九號水產，無理由唔試下架嘛！

所以我地小JM家一於出發去「食食食」！

同上次鮑魚節一樣，今次亦係需要使用 儲值通行証(food pass)嘅，每張「秋祭美食通行卡」售價為HKD$100。

只要我地拎住卡仔就可以喺場內攤檔按菜式及飲品 定價蓋印來使用 架。

而且一次過購買兩張「秋祭美食通行卡」即送HKD$10印章一個添架！

唔單止咁，去「食材專賣店」購買任何北海道產品滿$500(以淨貨價計算)，仲可以獲贈精美紀念品一份喔。

*數量有限，送完即止*

中庭美食市集:

由「饒之味」居酒屋大廚主理，即場炮製近廿十款美食，主攻家禽蔬菜及飯麵

上：角切煙火腿

中：縞蝦 + 南蠻蝦 + 牡丹蝦、咖哩湯豚肉、波子汽水

下：十勝豚肉、唐揚魔鬼魚塊、帶広北の匠餃子 (豚肉 / 蝦肉 / 芝士味) 

小JM家必食推介包括: 

高橋水產海鮮 (縞蝦 + 南蠻蝦 + 牡丹蝦) (HKD$40) 

*炸咗嘅外脆內軟，而且蝦肉仲好彈喔！*

^縞蝦、牡丹蝦、南蠻蝦

咖哩湯豚肉 (HKD$20)

*爸爸話味道夠辣，豚肉嫩滑，仲有少量配菜可以食添*

十勝豚肉 (かみこみ豚/ Kamikomi Pork) (HKD$40)

*煎完嘅豚肉外邊微脆，肉質爽嫩鮮美*

角切煙火腿 (HKD$20)

帶広北の匠餃子 (豚肉 / 蝦肉 / 芝士味) (HKD$20/三隻) 

*用料十足嘅餃子，蝦餃子仲有幾隻蝦在內添架！*

唐揚魔鬼魚塊 (HKD$20) 

*口感好特別，外表金香可口，內裏肉質細滑，夾雜爽口嘅軟骨，更加有咬感*

除咗「中庭美食市集」之外，仲有小JM家都好鍾意嘅海鮮大街市集，

由壽司吧「頤之味」大廚所主理，炮製近十款海鮮美食架！

上：炒北海道蟹件、黑松露北海道北寄貝海膽醬黄金燒、牛油煎北海道帆立貝

下：芝士半殼帆立貝海膽黄金燒、燒北海道皇帝蟹腳

必食推介包括：

炒北海道蟹件 (HKD$60) 

*係幾惹味，但要趁熱食。凍咗會變硬喔*

燒北海道皇帝蟹腳 (HKD$100)

*超讚!蟹味濃郁，啖啖蟹肉嘅鮮味*

牛油煎北海道帆立貝 (HKD$30 / 兩粒)

芝士半殼帆立貝海膽黄金燒 (HKD$40) 

黑松露北海道北寄貝海膽醬黄金燒 (HKD$20) 

*呢兩款都係必食推介*

單睇相同VIDEO係咪已經心郁郁想快啲試下呢？

如果係9月21號(星期五) 六點半去到九號水產嘅話，

你仲會見證到祭典特別節目　–　「人氣吞拿魚解體表演」添架！

小JM媽就有幸睇到師傅劏魚時手起刀落、快而準嘅技術啦。

睇完吞拿魚解體表演，我地仲即場買咗兩個新鮮即製嘅吞拿魚手卷添！

價錢只需HKD$20，簡直就係激筍價錢去享受新鮮吞拿魚。

食飽之後亦不妨去試玩一下期間限定嘅日本傳統攤位遊戲（HKD$20/舖）及租借浴衣喔！

遊戲小簡介:

1. 釣水球

        需要係限時內順利以小鉤針勾住色彩繽紛嘅水球，

        並成功將水球吊離水面放入碗中而鉤針嘅紙繩沒有斷，

       就可以將水球帶返屋企架啦!

2. 射擊遊戲

        攤位架上放著各個分數牌，使用玩具槍擊倒分數牌，按累積之分數可換取指定獎品