【媽媽的迷思】媽媽手的成因及改善方法

打從懷孕開始媽媽們就已經需要承受著各種不同挑戰，但為咗小寶寶，媽媽卻一關過完又一關。

生產後坐月時，媽媽亦不忘照顧小B，不管餵奶、換尿片還是沖涼都必定親力親為，從沒鬆懈過。

當全職媽媽以後更甚，發覺除咗要照顧小JM之外，亦要懂得「偷時間」才可以將家務遂一完成，包括要煮飯、洗衫及打掃等。

記得曾經俾小JM啜損咗一邊，攪到唔敢親餵唔敢泵，有成個星期都係用右手擠奶，結果發覺拇指及手腕感覺疼痛，先驚覺自己原來可能已經被「媽媽手」看上。

而家偶爾帶小JM外出玩樂過後，雖然換來安睡寶寶，但要抱住熟睡嘅小JM對我來講絕對唔係一件易事。

女人唔易做！媽媽亦唔易做！

不論在職或全職同樣亦背負住對小朋友及家庭嘅愛，媽媽們辛苦啦！

何謂「媽媽手」?

原名為「迪魁文氏症」，因為患者大多數都係已為人母，所以又被稱為「媽媽手」。

由於長時間大拇指伸展動作不當，就會令到手腕出現疼痛及發炎，仲會因此而影響到手部活動能力添。

「媽媽手」嘅徵狀

－ 拎嘢及轉動手腕會有疼痛感，

－ 姆指郁動時疼痛，連想俾個「讚」嘅手勢都做唔到覺得痛

－ 嚴重時患處會紅腫發熱並疼痛

*上圖就係小JM媽隻左右手，明顯地見到右手係俾唔到「LIKE」

其實想知道自己有無患上「媽媽手」係可以自行做以下伸展動作初步檢查一下嘅，步驟亦好簡單：

1.) 將手臂伸直，手指亦是

2.) 將姆指貼於掌心之內

3.) 另外四隻手指包著姆指，握成拳頭狀

4.) 將拳頭向下壓

如果係向下壓嘅時候已經覺得拇指有疼痛感，就有可能患上媽媽手架啦。

咁就可能要去求醫或做多啲以上嘅伸展運動啦！

最近係電視廣告見到鼎爺推介幾款炎痛消熱灸帶，於是小JM媽就上網八掛下啦。

原來「炎痛消熱灸帶」用咗針灸原理來幫助促進血液循環，以達致舒筋活絡以效。

而且具有熱力滲透之效，有助迅速舒緩痛楚，令關節靈活輕鬆，同時亦適合日常護理關節之用。

仲好好彩俾我揾到啱用嘅「熱灸腕痛帶」，可以舒緩一下我手腕嘅不適。

除咗腕痛帶之外，其實我仲幫小JM爸揀咗一條「熱灸肘痛帶」添。

小JM爸係喜歡打籃球嘅人，有時少不免都可能會整親撞親，

有時操完體能又會造成肌肉痛，所以肘痛帶就啱晒。

「炎痛消熱灸帶」用法簡單，只需將小圓點以水沾濕，再包裹患處就可以。

以小JM媽敷手腕位置而言，約15分鐘左右就已經感動有溫熱感，咁就可以將腕痛帶除低架啦。

閒時唔沾水其實都可以當護理式保護之用，亦算不錯喔！

產生溫熱感嘅時間亦因人而異，而且不同部位亦會有不同時間喔～

因為小JM爸用肘痛帶要大概20零分鐘先有反應喔。

小JM媽用後感：

最得意係敷完之後有啲熱熱地又桔桔地嘅感覺，
熱度都幾夠唔錯，而且好舒服架喎。

用咗個零星期，明顯姆指及手腕疼痛已經減退，

而且拎完重物都無話有特別唔舒服嘅感覺。

平時唔介意亦可以當護腕用，都唔錯呀！

最重要係我可以再俾「讚」啦嘛！

希望我可以飛甩隻「媽媽手」啦！

而小JM爸就話覺得用咗一排關節位好似輕鬆咗、靈活咗，無再咁繃緊。

【「鈣」從何來】補鈣知多少?

女人唔易做！

從孕期到產後，媽媽們都花盡心時和精力去照顧自己嘅小寶寶，

窮盡一生嘅氣力，往往都係為咗確保小B有健康嘅身體，

但媽媽往往就忽略咗自己嘅健康。

小JM媽當媽兩年半，亦係過來人，同樣了解孕媽媽懷孕嘅辛酸。

回想起當時懷著小JM嘅頭半年，可謂辛苦至極。

認識小JM媽嘅朋友都知道我個性比較「為食」，

但當懷上小JM後卻180度轉變，完全失去食嘢嘅動力及意慾。

更甚嘅係，因為本身小JM媽屬過敏體質，飲用牛奶都會好容易造成腹瀉，

所以孕期都唔太敢飲用牛奶。

當時醫生亦建議我轉食鈣片，以補充流失嘅鈣，亦可以避免及減低出現肚瀉嘅機會，

畢竟孕媽媽都比較容易出現腰痛、腳攰嘅情況，或許係因為鈣質正在漸漸流失吧！

小JM出世後，我就開始餵哺母乳，不知不覺間已經餵哺母乳超過兩年之多。

最近亦聽到長輩們提點要注意補鈣，所以我亦開始著手查找有關「補鈣」的資料。

畢竟家中除咗我之外仲有小JM都需要注重補鈣，從骨質密度形成期開始補鈣 ，可以提升骨質密度，亦有效預防及減低出現骨質疏 鬆嘅機會。

點解人體需要「鈣」？

其實我地人體當中嘅係有多種不同嘅礦物質嘅，而其中最多嘅就係「鈣」。

體內大部份嘅鈣都係儲存咗係我地嘅骨骼同牙齒之中，少部份則會存係血液、心臟及肌肉等。

當血液嘅鈣含量少於正常水平嘅時候，原來會從骨骼同牙齒提取鈣來做補給，咁樣嘅話長年累月就好易會令骨骼同牙齒變得疏鬆脆弱，好易就會折斷或者脫落架啦。

根據衛生署資料顯示，美國建議每人每日鈣質攝取量大概如下 :

4~8歲　　　   每日需攝取 1000 毫 克鈣質

9-18歲　　　  每日需攝取 1300 毫 克鈣質

19歲或 以上　每日需攝取 1000-1200 毫 克鈣質

「鈣」從何來？

由細到大媽媽都會叫我地飲多啲牛奶或鮮奶補鈣，但如果好似小JM媽我咁對奶類會有過敏嘅話又可以點？

除咗奶類製品 (即牛奶、鮮奶、芝 士 、 乳 酪等)之外，原來其實深綠色葉嘅蔬菜 、可連骨食嘅 魚 、豆類製品及果仁等，亦含有豐富嘅鈣質架。

小JM媽本身對奶類有過敏，好易造成腹瀉，所以就會聽醫生講服用鈣嘅補充品，

而我又係懶得吞藥嘅人，所以就揀咗自然良坊嘅天然鈣咀嚼片，就連小JM都可以一齊食。

天然鈣咀嚼片印有動物圖案，得意可愛之餘仲好吸引小朋友注意添。

每粒嘅咀嚼片含有350mg天然牛奶鈣，1~11歲嘅小朋友每日可以食1粒，而12歲以上就可以每日食兩粒。

孕媽媽對鈣嘅需求比較多，可以每日食4~6粒當零食來補充架。

除咗就咁慢慢咀嚼咬碎服用之外，其實亦可以將天然鈣盅碎成粉狀加入飲品或食品中一同食用架！

小朋友吸收多啲鈣就自然有強健嘅骨骼，又可以鞏固牙齒，提升骨質密度添，

最重要係唔算太甜而且成份天然，有別於一般加工補充品，所以我同小JM都好鐘意食。

其實除咗飲用奶類及服用鈣片來補充鈣之外，我地亦需要多加注意以下幾點以減少鈣嘅流失架！

1.) 保持均衡飲食及汲取足夠蛋白質

2.) 要有適當嘅運動

3.) 戒除煙酒惡習

4.) 少食鹽份高嘅食物

小JM料理台。BB版番茄洋蔥炆牛肋骨

有時要分開煮大人同小朋友飯餸其實媽媽都幾攰，

幸好小JM從小就好喜歡食蕃茄及洋蔥，而且對蔬果類都特別易接受，

所以今次就決定要煮一個大人同小朋友都啱食嘅餸，

而且最好係可以百搭一啲，

配飯又得，配意粉又得，配烏冬都一樣得!

咁樣選擇就會變得多咗添！

無錯，今次我決定煮【BB版蕃茄洋蔥炆牛肋條】！

材料：

牛肋條 一條

蕃茄 兩至三個

洋蔥 兩個

紅蘿蔔 一至兩條

（可因人數而加減份量喔！）

做法:

1.) 牛肋條需要預先解凍及洗淨

2.) 煮滾一鍋水，加入迷迭香葉及牛肋條汆水，再撈出瀝乾，備用

3.) 將蕃茄、洋蔥及紅蘿蔔洗淨，並切成小塊

4.) 將嘅蕃茄、洋蔥及紅蘿蔔放入已預熱嘅鍋中稍為炒香

     *可預先留起1/3嘅蕃茄及洋蔥後下*

5.) 再將牛肋條放回鍋中一齊炆

6.) 可加入少量水、冰糖及豉油稍作調味

7.) 待大滾之後就可以轉為細火慢煮約45分鐘即可

8.) 將先前預留嘅蕃茄及洋蔥放入，再煮15分鐘即成。

小分享：

* 如果只係大人食的話，可以加入茄膏令味道更濃

* 可按個人喜好隨意加入薯仔一同煮喔

* 為免造成黏底，記得間中攪拌一下喔

* 選擇烏冬的話可以選鈉含量較低嘅品牌

【媽媽嘅居家良伴。ORBI】

【媽媽嘅居家良伴。ORBI】

以前返工要上網隨時隨地都可以盡情上，Data唔會怕唔夠用。
但做咗 #全職媽媽 後，發現原來 Data 可以去得好快，所以返到屋企例必開返WI-FI 以免 #爆DATA。

不過最近屋企個 Wi-Fi 似乎唔多聽話，時得時唔得咁。攪到Data都變到「猛猛緊」。

好彩爸爸返來即刻上網買咗隻新Router（第二日送到來勁快）。
牌子係ORBI嘅RBK 20型號，爸爸只要兩三下手勢就搞掂裝好晒。
我終於可以零死角盡情上網啦。

原來一盒ORBI RBK20入面係有2隻架，一隻插上網位，一隻放係屋中間，再用ORBI Apps去設定隻Router就成功連接。真係非常之方便。
所以都話屋企點都要有個 #超人爸爸 坐陣先得嘅。

銷售點：https://anlander.com/?afmc=wing&ls=zh

【Suite Works。個人專屬繡名圍裙】

認識小JM爸媽嘅人都會知我倆喜歡入廚，亦喜歡請朋友上來寒舍食餐無餸飯。

唔知小JM係咪睇得多我同爸爸煮嘢，閒時亦好鍾意係自己嘅「私家廚房」（扮）煮飯，仲要整到似模似樣添架。

唔單止咁，係偶然嘅機會之下，小JM亦曾經數度「入廚」，可惜爸爸就無緣見證，但小JM都好乖咁將成品留起俾爸爸品嚐。

而小JM爸就希望小JM長大後除咗識照顧自己之餘亦可以一齊煮嘢食，實行來個親子入廚樂。

為咗隆重其事，我地決定要為小JM訂製一條個人專屬嘅繡名圍裙！

今次我地揀咗由Suite Works所製作嘅繡名圍裙，因為Suite Works仲係100%香港製造添架，所以身為香港人嘅我地又點可以唔支持下呢？

Suite Works所製作嘅繡名圍裙係採用咗100%高級純綿布料，有絨毛面，所以吸水力極高。而且掛頸位用咗啪鈕設計，唔單止佩戴方便仲易於調節長度添架。

布料容易清洗及打理，又可以放落洗衣機洗，真係夠晒方便！

PopstarGlobal

Suite Works Facebook :

https://www.facebook.com/suiteworks/

Suite Works Website:

https://www.suiteworks.com.hk/

#suiteworks #suiteworkshk#handmadehk #madeinhk #personalisedbib #personalisedgifts

#繡名口水肩 #繡名 #繡名bb禮物 #百日宴禮物 #elephant#bear #象 #熊仔 #小朋友生日 #bb禮物 #口水肩 #三角巾 #三角口水肩 #香港製造

#POPSTAR #星光博客 #PopStarGlobal #popstarevent2018

【媽媽的迷思】母乳餵哺與正向心理小分享+茶聚

好開心早前參加咗由 Philips AVENTS所舉辦嘅「母乳餵哺與正向心理發展」分享會。
當日大會仲請來嬰幼兒心理學家何善韻博士同一眾靚媽作分析及分享添。

於分享會上，媽媽們都以「過來人」嘅身份分享餵哺母乳嘅迷思同壓力。

小JM雖然已經兩歲幾，但仍未斷奶，偶爾仍然會對「媽媽奶」有所需求，或者小JM需要嘅係一份媽媽所給予嘅「安全感」。

我曾經對餵哺母乳產生過迷思同壓力，亦沮喪過、氣餒過、傷心過；

可幸嘅係我喺母乳路上能夠得到小JM爸及媽媽嘅重大支持，令我可以慢慢從失落擔憂中走過來。

老實說，初為人父母定必事事擔憂，更何況我曾經因為小產而失去過，所以我同小JM爸喺知道有咗小JM之後的確比以前更小心，遇到有自己唔明白、唔清楚嘅事都會直接向醫護人員或助產士查詢了解一番。

小JM出世以後我亦曾經因為長輩們對母乳有所誤解而有壓力，長輩們無心嘅說話頓時令我傷透心，亦曾經擔心重投工作後奶量大跌。

所以懇請長輩們「口下留情」，千萬唔好衝口而出講咗類近嘅說話：

1.) 「你咁瘦，邊有奶架？餵奶粉好過啦！」

2.) 「俾盡你餵到三個月都好啦！」

3.) 「BB要照燈即係食唔夠啦，要補下奶粉，去黃疸快啲架！」

4.) 「母乳唔夠營養，唔好味，所以BB唔食！」（剛好正值小JM厭奶期）

5.) 「BB成日口仔郁郁，一定係唔飽，補下奶粉好啲。」

6.) 「（對BB講）都一歲／兩歲啦，仲食人奶？好醜呀！快啲戒咗佢！」

7.) 「已經一歲／兩歲就唔好鬼餵啦，咁痴身。第時點返學？」

分享會之上小JM媽舊事重提，依然有所感受因而一時感觸，以致眼紅鼻酸，真係失禮啦。

今次分享會其實小JM媽亦有所得著，令我明白到餵哺母乳之路雖然艱辛，但只要以平常心去面對餵哺母乳所遇到嘅問題及困難，母乳路就自然更得心應手。

而且聽完專家及其他媽媽分享之後，亦明白到餵哺母乳嘅產品都會影響到餵哺嘅成效，所以喺選擇產品之前可考慮一下：舒適度、相容性高及切合個人需要嘅產品。

我亦寄望如果再生小B嘅時候亦可以繼續堅持以母乳餵哺。

小JM媽嘅小小心得分享：

產前篇：

1.) 遇有疑問時，不妨向助產士或醫護人員查詢及了解

2.) 向其他媽媽取經

3.) 了解如何準備餵哺母乳

4.) 多讓爸爸參與及了解餵哺母乳嘅資訊

產後篇：

1.) 切忌太完美主義，壓力影響心情，心情影響奶量

2.) 應維持正常社交，擁有屬於自己嘅「Me Time」

3.) 盡可能多休息，照顧好自己先可以有能力湊BB

4.) 多讓爸爸參與照顧小B、做家務等

除咗以上嘅小分享以外，其實餵哺母乳亦機會需要預備一啲周邊產品以作輔助，例如電動奶泵、母乳儲存杯、熱敷/冷敷護乳墊、乳頭保濕滋潤霜等，對當時仲係在職媽媽嘅小JM媽亦有好大幫助喔。

小JM媽好開心可以參與今次嘅分享會，亦好欣賞今次活動嘅概念，真正可以提供到一個機會俾準媽媽及一眾靚媽去互相分享及交流喺餵哺母乳上所遇到嘅問題及憂慮之處，同時亦俾機會我地向專家了解及尋找意見，係一個好值得參與嘅活動，希望日後仲有多啲同類型嘅分享會啦。

大家有興趣都可以Click去睇下個活動嘅精彩片段呀!

#媽媽坐埋一齊傾下計 #媽媽經

#只有媽媽有共鳴 #心情開朗奶量自然多#沒有人天生會當媽媽

#爸爸不要再做豬隊友　#別做緊張大師　#別做完美媽媽

孕期小貼士。孕婦及母乳奶粉知多少？

最近喺FB見到靚媽鍾嘉欣介紹安滿孕婦同母乳奶粉，不禁又令我諗返起當時陀小JM嘅時候，起初完全食唔到嘢咁滯，而且體重仲不升反跌，結果嚇親小JM爸，攪到爸爸勁擔心我同小JM。

 

當時婦科醫生建議我飲用孕婦奶粉去幫助吸收營養，而我都好聽話乖乖咁試咗好幾款不同嘅孕婦奶粉，試完晒之後幸好終於都揀到一款啱自己口味嘅，最重要唔太甜又易入口，呢款就係安滿孕婦奶粉啦！只需要每日飲兩杯就可以提供到全面嘅營養俾我同小JM，結果終於令體重漸漸穩定返，爸爸亦都放心返晒！

其實除咗飲用孕婦奶粉幫助吸收營養之外，懷孕期間都需要注意一啲事項嘅，咁樣就可以做個靚靚孕媽啦嘛！

小JM媽嘅孕期小貼士：

1.) 保持均衡飲食以吸收懷孕期所需

2.) 注意飲食衛生及個人健康

3.) 多注重休息

4.) 應保持適量運動

5.) 多加留意體重，以免過輕或過重

6.) 保持心情開朗愉快

 

睇完嘉欣媽媽介紹就知道佢啱啱仲推出咗母乳奶粉，另一方面我都聽到身邊媽媽朋友們極力推薦，

仲話依款奶粉原來依家喺私立醫院都有派俾啱啱生咗BB既媽媽飲，攪到我都有啲心郁郁想試下喔！

其實試之前我都有做咗資料搜集架～原來安滿授乳期奶粉係全港首隻專為餵哺母乳嘅媽媽們所研發嘅奶粉，當中嘅營養組合係專為母乳媽媽而調製嘅，每日同樣飲用兩杯就可以補充母乳媽媽所流失嘅營養，幫助製造母乳。

小JM媽飲後感：

一直以來小JM媽飲食方面都堅持少鹽、油、糖，就連孕期都一樣。但可惜有部份孕婦奶粉真係太過甜，所以小JM媽真係覺得「難以入口」，幸好當時試咗咁多款之後終於都俾我揀到合適嘅口味。

所以今次呢款授乳期奶粉我都好放心飲用，最重要係甜度適中易入口，飲完都唔會覺得太膩。

每日飲用兩杯四平匙嘅授乳期奶粉就已經可以補充到母乳媽媽每日嘅所需，小JM媽誠意推薦俾大家！