上星期終於完成左"帶著小B去旅行"既任務，
整個旅程總算完滿結束，
所以接住苦來會為大家分享一下今次旅程所住既酒店同一啲好去處！
今次老公亦都好滿意酒店安排，
酒店雖然係臨時臨急先去預訂，
但係我一啲都無馬虎了事架，
結果真係俾我搵到一間唔錯既酒店！
台灣，大多數酒店都會比較細，
即使就算係雙人房，
可能都只係得100零呎左右，
仲要得企缸，所以會好難幫小B沖涼，
因為帶小B同行，
所以係揀酒店方面都要花少少功夫。
今次我地揀既酒店都係新開無耐，
只係開左兩年左右架咋，
每間客房都比一般台灣酒店大（有22平方尺，即係二百幾尺），
而廁所亦較為寬闊，同時設有浴缸添架！
＊＊＊ 默砌旅店。Hotel Cube＊＊＊
酒店外觀：
（相片轉載自 Hotel Cube Facebook)
外觀的確係比較具有時尚感
而且位於高尚住宅區附近
一齊睇下房既實景相：
（係，無錯，張床係King Size）
小JM同爸爸一到埗已經攤左落去，
小JM仲表示好舒服，係床度不停爬來爬去添！
再來睇下個廁所：
廁所亦可以算係今個旅程好重要既一Part，
因為平時小JM沖涼係要用盤，
我地怕如果無浴缸或浴盤既話小JM會驚驚同扭計。。。
所以真係揀左好耐呀！
有幾樣野真係不得不提，
就係酒店既服務態度，真係要俾個「讚」！
要讚既係
：
：
－ 未夠鐘Check-in時仍然幫我地Keep行李，
最重要係幫我Keep住小JM既食糧（人奶）
－ 係預訂既時候我地無Request到要BB床同浴盤
但酒店員工見到我地有小B，所以幫我地預備左BB床同浴盤
除左浴盤之外，仲附加左小膠櫈，方便我地幫小JM沖涼
－ 酒店員工服務好，而且好有禮貌
酒店免費專車
除左以上咁貼心既服務之外，
酒店原來係有免費專車接送住客前往逢甲夜市架！
每晚都會有車接送，
對於我地帶著小B們既爸B媽咪來講真係非常方便。
想坐酒店既免費專車？
好簡單，只係打個電話預約坐位就可以架啦。
大約每半個小時就會有一班，而最夜一班會係十點半，都好方便。
如果唔想坐專車想自己坐的士既話都可以叫酒店幫你Call車架！
如果玩得夜想自己係夜市返酒店都唔算貴，
唔駛跳錶，只需要 NTD＄85咋！
另外一樣想提既就係房間貼心既設計，
床既兩邊都有插頭同床頭櫃，
而插頭既設計亦睇得出係花過心思，
除左係三腳插頭以外，仲有埋USB位，
真係方便晒我呢啲 "有機會" 帶漏插頭既大頭蝦！
（相片轉載自 Hotel Cube Facebook)
整體而言，
今次既酒店性價比真係唔錯，
值得推薦～＾＾～
舒適度：＊＊＊＊
整潔度：＊＊＊＊
服務度：＊＊＊＊＊
位 置：＊＊＊
下回幾會為大家介紹今次旅程既一啲"熱點"！
敬請期待！
歡迎追蹤 小JM 既Fanspage 「傑。斯與晴」：
如有任何查詢/合作，歡迎聯絡我同小JM 參與產品試用或者各樣活
