顯示具有 傑。斯與晴 標籤的文章。 顯示所有文章
顯示具有 傑。斯與晴 標籤的文章。 顯示所有文章

星期日, 2月 25, 2018

帶著小B與長老們去旅行。台中。 Peppa Pig超級互動展

促成今次旅程嘅原因除咗因為係小JM嘅生日之外，
就係因為小JM媽發現咗【Peppa Pig粉紅豬小妹超級互動展】，
仲要咁啱正正係台中舉辦，而且仲橫跨小JM嘅生日添！
基於咁多嘅巧合，小JM爸媽就決定為小JM來個生日旅行去慶祝一下！
係出發之前亦都係網上預訂好門票，
到時只要憑SMS就可以入場及換領遊戲劵架啦。

*未滿一歲嘅小B係唔駛買入場卷喔*


如果未能成功於網上購票都唔駛擔心，
平日人流唔算好多，可以於到達後再買飛入場都一樣無問題。

溫馨提示：
1.)　場內係唔俾帶BB車嘅，可以先將BB車暫時停泊係BB車放置處，
　　等玩完出來先再去拎返都無問題。
2.)　基於個人衛生問題，係玩遊戲個陣記得要著襪喔。
3.)　有唔舒服就唔好去玩，要多啲休息啦。

入口處設計係彩虹，所以離遠望去已經會見到。
因為我地係SMS入場，所以只需要換領遊戲劵就可以入場啦。
每人會有一張遊戲劵，每張遊戲劵會包含四個體驗遊戲門劵，
大小朋友可以憑劵體驗遊戲一次喔！

一甫進場就已經會見到Peppa Pig 一家及朋友仔們嘅介紹及故事簡介。
場內仲設有多幅不同嘅Peppa 及 George 造型稿及家庭照添。

穿過之後就會見到幾個打卡影相熱點，可以俾小朋友影相留念。
*Peppa's Birthday Party
*Pig Family Kitchen
*城堡體驗趣

唔單止咁，場內更設有紀念品區，
可以買集章冊、明信片、遊戲劵同襪仔，
唔記得著襪都可以即時買返對呀。

小JM媽我見有得儲紀念印章，結果又敗咗一本。
不過就無買到明信片，而家有啲後悔添。
買完寫好仲可以將明信片放入郵箱，
「斑馬郵差快遞」就會幫你寄去目的地架啦。


遊戲體驗區介紹:
【泥巴好好玩】
Peppa 一家最愛就係雨天嘅時候去踩泥巴，而家小B們就可以嘗試體驗一下，
但靚媽們可以放心，呢個係非一般泥巴，係唔會污糟架，小B們都一齊來踩！踩！踩！


【羚羊老師音樂教室】
場區內準備咗高科技投影裝置，小B們只需兌換畫紙並填色及寫上字句就可以將影像投放到熒光幕上架啦。而且仲可以將小B嘅畫作印係MAG杯或T-Shirt上添架。
小JM都好努力去幫Peppa預備條靚裙架。


【爺爺豬車站】
爺爺豬今次負責開小火車接載小B們出遊。小JM都係坐上客，仲一次過要坐幾轉添。

 【農莊滑草樂】
滑草前先帶小JM去拔蘿蔔，之後再體驗刺激有趣嘅滑草活動。

今次係小JM第一次玩滑草，但竟然一啲都唔驚仲好淡定添。

【恐龍公園】
設有小朋友們最喜歡嘅充氣滑梯及大型充氣城堡！

小JM雖然未識自己爬上滑梯，但依然不停咁玩咗好幾次，夠晒過癮。

睇完又玩完晒之後仲可以去紀念品區度買返啲心頭好返屋企添架。
而紀念品區最特別嘅就莫過於係呢幾部機：鑄幣機、汽球機及影相機，
全部都係以Peppa Pig為主題架!




Peppa Pig粉紅豬小妹 超級互動展
展期: 2017/12/30 ~ 2018/04/08
電話: +886 4 2222 0918
地址: 台中文化創意產業園區 拾藝術
          台中市復興路三段362號


Peppa限定套組八折優惠！
活動詳情：https://goo.gl/cAqndT

展覽紀念品週週抽活動！
活動詳情：https://goo.gl/xFQyHT

☞☞購票去☜☜ 
ibon售票系統：https://goo.gl/FzSxSb
現場及ibon機台皆可購票








張貼者： 於 沒有留言:
標籤： , ,

星期三, 2月 07, 2018

小JM愛玩樂。玩轉尖沙咀。E3 Club@isquare

今次帶咗小JM出尖沙咀玩，因為要順便去拎埋啲野，一次過夠晒方便。
喺去玩之前我仲同小JM去咗食嘢醫肚，餐廳嘅哥哥姐姐們都好錫小JM，
請小JM食糖之餘仲請食私伙日本士多啤梨，最開心應該係小JM啦！

講返Playhouse先，今次我地去左位於尖沙咀iSquare五樓嘅E3 Club。

E3 Club 當中嘅 “3” 其實係相等如Cube嘅意思，
而當中嘅 “E” 就分別代表咗Entertainment（娛樂）、Education（教育）與Exchange（交流）。
iSquare分店用咗Bon Bear作為主角，場地面積約七千呎，而且仲設有私人派對房添。
場內更設有波波池、滑梯、觸控舞台、攀石牆、積木區、幼兒專區、兒童跑車等設施，放電一流！

喺Playhouse遊戲區旁邊仲設有一個商品售賣專區，出售深受小朋友們歡迎嘅玩具及用品。

一進入Playhouse，首先會見到兩個滑梯及波波池，
再來就會見到中央設有一個觸控舞台。

要去玩滑梯就先要經一番考驗，衝過重重嘅障礙先得架。


兩個滑梯中，小JM最鍾意波浪滑梯，可能貪佢夠刺激又夠快啦。

觸控舞台
最特別嘅應該係呢度嘅觸控舞台，
小JM一踏入舞台見到咁得意都忍唔住跳起舞上來。

彈道專區
Playhouse設有彈道專區，可以俾小朋友練習一下手眼協調度。
而區內亦設有數個由軟積木組裝而成嘅機械人以供小朋友玩添。
唔單止咁，係彈道專區外仲設置咗一幅攀石牆俾大少少嘅小朋友試玩，
可惜小JM太細，未有得玩住。
但隔離嘅彈彈床就可以玩，啱晒跳跳紮嘅小JM。


幼兒專區
幼兒遊樂專區提供咗各樣幼兒遊戲，有幼兒滑梯、BB滑梯、平衝木、搖搖碗等。
而幼兒遊樂專區更附設咗一個小型波波池俾小B玩添架。

而係幼兒遊樂專區旁聽仲有巨型LEGO積木俾小朋友砌添。

呢度有咁多好玩又放到電嘅設施又點可以唔帶小JM來呢！

小JM媽第一次單人匹馬帶小JM去playhouse玩，
總括而言小JM今日都算合作嘅，又無扭計亦無扭抱。
玩完一上巴士仲好快已經熄咗機，攰到趴喺我大脾度訓著添，
全過過程都只不過喺十分鐘內嘅事，可想而知小JM啲電真係秏盡晒。


E3 Club Playland (iSquare分店) 
地址: 九龍尖沙咀彌敦道63號 i-Square 國際廣場5樓501-502號舖
電話: 2151 1306   
開放時間： 
 
收費：(點擊下圖)
 



歡迎追蹤 小JM 既Fanspage 「傑。斯與晴」：
如有任何查詢/合作，歡迎聯絡我同小JM 參與產品試用或者各樣活動
媽咪既Email係： sleepyceci＠hotmail.com
張貼者： 於 沒有留言:
標籤： , ,

星期一, 1月 29, 2018

環保好物｜尿布褲使用安排及片芯配搭方法！（含Coupon Code）

轉眼間小JM好快就嚟兩歲啦,
呢幾個星期自己湊小JM之餘仲正式做咗全職媽媽,
雖然係忙咗、又攰過返工, 
但能夠見證著小JM每日成長都可以話喺一件樂事!

小JM即將踏入兩歲, 
所以最近小JM媽亦都開始為小JM添購一系列新嘅環保尿布褲,
畢竟小JM又長大不少, 喺時候要轉大一個Size架啦!

舊有褲仔仲好新, 可以留起俾表妹或者第時小B用。


(小JM媽有八折Code, 大家一齊慳到盡! 【八折Coupon： vp1020！】)


有留意開小JM媽嘅blog都知小JM喺用緊Green Beginnings環保尿布褲嘅。
曾經有朋友問我: 點解要用魔術貼款而唔用啪鈕款呢?

小JM媽選用魔術貼款環保尿布褲嘅原因有以下幾個:
1.) 同傳統紙尿片一樣易用, 簡單方便, 長輩用都一樣無難度
2.) 能有效地緊貼小B腰圍, 唔駛怕轉側或大動作會漏尿
3.) 可以減低小B穿著時嘅不適, 唔駛怕小B趴睡會「Un」到肚仔
4.) 設計款式比較方便, 更換尿布芯時不需每次換尿布褲 (除咗小B BuBu咗!)

當然, 選擇購買之前媽媽們最好都喺去門市望清楚同摸下實物作個比較啦!
同場加映
Green Beginnings環保尿布褲體驗裝開箱小簡介:

Green Beginnings嘅理念以環保為主,
所以體驗裝嘅包裝一啲都唔花巧, 以實用簡樸為主。
以為箱仔細細, 但其實內藏乾坤。
一個體驗裝包括咗:
・尿布褲 5 件
・纖薄布片芯 8 件
・三摺式布片芯 2 件 
仲隨合附有一份小單張添!



除咗要知點揀環保尿布褲之外, 
仲有以下幾個問題可以俾大家了解一下使用環保尿布褲嘅情況:

1.) 環保尿布褲點洗?

其實小JM媽之前已經寫咗篇分享文介紹點清洗,
有興趣想了解嘅都可以自己再睇返呀!

舊文重溫: 
環保好物｜尿布褲。清洗方法好Easy！

 其實清洗環保尿布褲最重要都係兩樣法寶：
BB洗衣液同梳打粉！
2.) 小B們大概一日會用幾多條環保尿布褲及片芯呢?

以小JM為例子,
約一歲半左右開始已經大概有幾個特定時間會Bubu,
所以都會為小JM預先『打定底』, 以防萬一會出現滲漏情況。

就而家小JM日常情況而言，
普遍嚟講約每兩至三個鐘換一次尿片芯就可以。
而一般情況下如果褲仔無整濕的話就可以繼續用，
除非褲仔濕咗又或者褲仔沾有BuBu, 咁就必須要更換啦!

小JM平均每一日大約需要更換兩至三次褲仔,
而尿片芯嘅使用量約大概如下:
三摺式布片芯　　約兩至三條

纖薄布片芯　　　約五至六條
所以購買一套體驗裝 (Starter Pack) 已經足夠應付小B們嘅所需。

*初生小B嘅尿片芯使用量會比較多喔, 畢竟小B飲奶前後都有機會需要換片嘛!*


3.) 點樣安排及配搭環保尿布褲及片芯呢?

以初生小B們而言, 因為換片次數嘅密度比較高,
所以較多機會使用到纖薄布片芯，
如果唔想急於清洗嘅亦不妨多買一兩包作備用。

以小JM現時情況而言，
一般情況下較多時間使用纖薄布片芯，
因為方便小B們活動同玩；

而每逄小JM準備午睡, 我都會為小JM轉為使用三摺式布片芯, 
因為有助吸收更多尿尿, 減少造成滲漏嘅機會；

而每晚喺小JM臨訓前我亦都會再次為小JM調整一下尿片芯，
確保已經換上新嘅片芯之餘亦會為小JM將尿片芯『加碼』，
以確保大家都可以一覺訓天光而無需再半夜起身檢查紙尿片。

總括而言，小JM 嘅環保尿布褲及片芯配搭如下:

一般情況 → 纖薄布片芯


 午睡時間 → 三摺式布片芯


 夜晚訓覺 → 三摺式布片芯+纖薄布片芯
完整開箱文及清洗簡介Video: 













張貼者： 於 沒有留言:
標籤： , , ,
訂閱： 文章 (Atom)