傑。斯與晴: 小JM愛玩樂

傑。斯與晴

一連兩日嘅生日廸廸尼之旅完結，轉眼下一站我地小JM家連同一班朋友仔來到冒險樂園旗下嘅新店Planet J Hong Kong！

Planet J Hong Kong位於銅鑼灣時代廣場之內，佔地約一萬呎。

不單有拋彩虹、夾公仔機、推銀機等嘅傳統經典遊戲，更加率先引入咗數款令人愛不釋手嘅新型遊戲機添！

例如VR Zone、潮流新機Beat Saber、Crazy Cars甩尾車等。

VIDEO:

新張優惠大放送

Planet J Hong Kong剛剛推出咗新張優惠，由而家起至2月28日期間，公開分享相關嘅Facebook帖文的話即可享以下優惠：(相關FB帖文: https://goo.gl/1Yatsn)

－　Planet J Hong Kong免費會籍

－　HKD$30代幣(15個)。

只需到場填妥表格再出示返已公開SHARE嘅POST就可以架啦!

Planet J Hong Kong嘅金幣係玫瑰金色，顏色好靚呢！

事不宜遲，一齊來睇下有咩好玩好之選啦！

至潮玩意之選

Beat Saber

一款著重音樂感嘅VR遊戲，亦係現時風靡萬千外國玩家嘅超人氣VR遊戲之一。

玩家講求節奏感及手眼協調，跟隨著音樂節奏，繼而揮動光劍將指定方向嘅方塊切開。

真係好巧技巧架！

除咗Beat Saber 之外，場內仲設有一個VR ZONE，

提供咗兩款啱大人同小朋友玩嘅VR遊戲「橙皮兔與時鐘怪」及「VR迷宮」！

Crazy Cars甩尾車

場內設有一個小型賽車場，提供一個刺激又好玩嘅飄移駕駛感覺俾各位大小朋友。

只要小朋友年滿九歲，身高達120cm，而體重不超過63kg的話就可以玩架啦！

爸爸媽媽們亦可以同小朋友一齊鬥快兼鬥甩尾同飄移添！

場內嘅「師傅」(即工作人員)仲會教你點操控架車，分分鐘你同我都可以變車手！

彈跳迷宮幻彩波波池

怕小朋友太細未玩到Crazy Cars？唔緊要，埸內仲有一個含多種玩樂元素嘅幻彩波波池！

不論大B小B都一樣啱玩！

波波池內設有數款投射互動屏幕，小朋友可以利用波波玩互動遊戲。

場內設有迷宮及滑梯，要搵到兩條滑梯就要先經過滿佈障礙嘅迷宮啦！

場內兩條滑梯分別為：四滑道滑梯及旋轉滑梯

四滑道滑梯可同時容納四位小朋友一同滑下，速道亦算快喔！

旋轉滑梯速度亦算不錯，而且底層有厚墊保護，安全性亦高。

而係波波池內另一個大賣點就莫過於呢個大型嘅波波瀑布！

設有五條波波傳送管道，可以俾小朋友同時將波波傳送至中間嘅收集籃之內。

待收集籃變滿滿之後，波波籃就會隨即打開，變成波波瀑布！

波波落下嘅一舜間，小朋友同大人都為之而興奮雀躍。

旁邊仲有拼圖式嘅掀牌遊戲。

經典遊戲之選

掟彩虹

要數經典遊戲又點可以少得「掟彩虹」呢!

同樣地，係Planet J Hong Kong都一樣有。

掟中兩款指定公仔的話，嬴得嘅票數仲可以翻倍添架！

呢啲就係爸爸努力嘅成果啦！

尚算唔錯了吧？

有咁多飛又唔想入卡儲的話，可以選擇即時換領小食或Planet J主題公仔掛飾！

你睇，小JM都換咗三款公仔同幾包小食架！

如果想換領其他禮物的話，就要將所得嘅票數入返落會員卡先得啦！

推銀機

除咗掟彩虹之外，當然仲有推銀機啦！

場內有各式不同大小及玩法嘅推銀機，啱大人玩之餘亦有啱小朋友玩嘅推玩具機添。

夾公仔機

除咗掟彩虹同推銀機之外，又點少得夾公仔機呢？

場內有各款不同大小嘅夾公仔機，為數不少架。

媽媽我都玩咗，三局就成功夾到一隻米奇公仔啦！

小JM見到都忍唔住要搶。

除咗呢幾堤經典遊戲之外，當然唔少得射籃球機、保齡球機、掟波波機等，

好啱一家大細一齊玩架！

放電過後，臨走嘅時候我地仲遇見Planet J 嘅其中一位主角添，

咁就緊係要同小朋友們影返張大合照啦！

Planet J Hong Kong

地址：銅鑼灣時代廣場Square on 9F

＊只需搭升降機到9/F，係LEGO店邊電梯直上就可以到達Square on 9F＊

網址：https://www.jumpingym.com/planetjhk

Facebook專頁：https://www.facebook.com/PlanetJHongKong/

傑。斯與晴

想要時光倒流回到過去？談何容易。
但如果想回味一下惜日香港情懷的話，相信荃新天地嘅復活節展覽就可以幫到你。

尋日我同小JM就去咗荃新天地嘅復活節展覽，
今次嘅展覽除咗有微型展覽、鐵皮玩具車展覽及舊鈔展覽之外，
喺場內更設有多個影相打卡點添架，包括有福來邨公屋、涼茶館、上海理髮店、冰室及人力車。每個場景都係依照70~80年代嘅面貌設計而成，可以算係將經典重現。

而且展覽會場內仲有懷舊特色嘅工作坊俾大家參加添架!

事不宜遲，就等我同小JM為大家介紹一下場內嘅靚靚景點啦！

打卡影相點：
人力車

甫進場即刻被兩架顏色鮮艷嘅人力車所吸引。
人力車喺第二次世界大戰後劃時代嘅產物，但隨著時間嘅轉變漸漸被淘汰，人力車賣少見少。

福來邨公屋

福來邨，可算喺荃灣最有名嘅的公共屋邨。
係六十年代興建而成，亦喺當年荃灣發展成新市鎮嘅標誌。

場景以福來邨作背景，懷舊紙皮石地板、舊式家居、鴻運扇、木枱及圓櫈等，仿如黑白粵語殘片劇照。也許小JM長大後也未必有機會再接觸場景內嘅家俱啦。

懷舊冰室

老香港面貌又點少得冰室場景呢！格仔磚牆色調，木製桌椅，再配合牆上手寫嘅餐廳水牌，份外有風味！

鴻福堂涼茶館

涼茶館場景重現咗昔日嘅經典一面，現場仲展示咗歷史悠久嘅龜苓膏銅鼎、葫蘆涼茶缸、涼茶銅缸等，相當珍貴，值得打卡留念!
除咗來影相打卡外，於星期六日到臨的話更可以玩小遊戲換取鴻福堂涼茶及禮劵，趣味指數「爆燈」！

上海理髮店

上海理髮店可算係老香港特色店舖之一，場景內的理髮店大班椅、梳、剪髮刀等，都是由舊式理髮店所提供，款款都具歷史性，珍貴罕有。還不到舊式理髮店場景，扮演一代上海老師傅。

除咗以上幾個打卡熱點之外，場內亦有好多令人回味嘅擺設、裝飾及微型展覽架！

那些年回憶的味道。。。

首個微型荃灣大景

荃新天地特意與「TINY微影」合作，展出巨型老香港縮影街景模型，同時更首次將荃灣街景化成模型，將當年具標誌性嘅荃灣風貌呈現於眼前。

「回味荃灣」相片長廊

相片長廊採用咗復古味濃厚嘅紅磚色調設計，令人感覺彷如一條時光隧道，走過長廊就可以從中回顧荃灣各個地點嘅新舊照片對比，就好比上完一堂歷史堂！

美樂士多

場內嘅美樂士多出售賣多款懷舊汽水、零食及小玩具，有啲仲係小JM媽細個見過但而家已經好難買到添架。懷舊吹波糖、鑽石戒指糖同乖乖都是兒時必食糖果及零食。

另外，收銀櫃枱前方仲擺放咗字母擦膠添，童年回憶即時湧現！因為小JM媽細個好喜歡儲擦膠架！

懷舊特色工作坊小介簡：
小巴牌製作工作坊

由最後一位手寫小巴牌嘅麥師傅即場教授寫上具有荃灣特色嘅小巴牌！

中式吹糖工作坊

中國傳統手作師傅 - 糖姨，將會即場教授中式吹糖手藝。
而當日糖姨就好細心咁教小JM製作出屬於自己又獨一無二嘅小波板糖!

糖畫工作坊

糖畫先生將教授利用糖漿畫成唔同圖案及文字。
但因為小JM太細，唔可以自己試，於是糖畫先生分別畫咗Peppa Pig及寫咗小JM嘅名送俾小JM留念。

DIY彈珠機工作坊
懷舊玩具專家將即場教參加者DIY彈珠機，利用木條棒及波子，製成充滿小關卡的簡易木製彈珠機，令大家體驗動手做小玩具的滋味，享受當年七、八十年代純真、簡單童趣的時光！

如果有興趣參加懷舊特色工作坊的話就需要係場內最多兩間唔同商店以電子貨幣即日消費滿HK$300即可報名架啦。名額有限，先到先得架！

回味香港情
地點: 荃新天地1期中庭
日期: 2018年3月23日至 4月8日
時間: 上午11點至晚上8點

♫ ESDlife靚太Club 。 星級榮譽會員 ★ sleepyceci ♬

♩ BK Milk。親子語。駐站Blogger ★ 傑。斯與晴 ♪

♫ Mami Buy香港媽咪幫。駐站Blogger ★ 傑。斯與晴 ♬

♩ Ohpama。Oh爸媽。駐站Blogger ★ 傑。斯與晴 ♪

♫ 媽媽經 。 駐站精選Blogger ★ 傑。斯與晴 ♬

♩ Ubaby Magazine。駐站Blogger ★ 傑。斯與晴 ♪

♫ MyBB.com。駐站Blogger ★ 傑。斯與晴 ♬

歡迎追蹤小JM 既Fanspage 「傑。斯與晴」：

如有任何查詢/合作，歡迎聯絡我同小JM 參與產品試用或者各樣活動

媽咪既Email係： sleepyceci＠hotmail.com

小JM既Facebook Page：傑。斯與晴（Jolie Babe。小JM の成長印記）

傑。斯與晴

難得約埋一班朋友仔去玩，今次一於去遠啲，一齊衝向愉景灣！

愉景灣，其實真係一個好啱一家大細出遊嘅好地方，
有全港最大嘅臨海露天美食區，一個靚靚嘅沙灘及一座日系嘅玻璃禮堂之外，
原來仲有一間令大人同小朋友都為之瘋狂嘅Playhouse - 歷奇王國EpicLand添架！

去愉景灣除咗搭船之外，亦可以選擇係欣澳站轉乘DB03P到愉景北商場，
落車後步行數分鐘就會見到歷奇王國EpicLand架啦！

歷奇王國EpicLand，佔地面積約14,000平方呎，當中嘅遊樂設備足以滿足不同年齡嘅大小朋友，有可以空中漫步嘅Air Trek、VR體驗、考身手嘅攀石場及彈床，仲有刺激度高嘅長滑梯，亦有考驗手眼協調嘅射擊區及小型高爾夫球場。同時設小B們啱玩嘅幼童遊樂場及波波池添！
場內亦設有Cafe，玩到攰時亦可以食吓嘢抖下。

*場內設施設有高度限制，唔夠高就無得玩架啦，要聽從工作人員指示喔！*
彩虹滑梯及大型攀石牆　　身高至少1米
空中漫步　　　　　　　　　身高至少1.3米

溫馨提示：
1.)　基於個人衛生問題，記得要著襪喔。
2.)　有唔舒服就唔好去玩，要多啲休息。
3.)　為咗保持整潔，場內係唔可以飲食架。

入園之前需要係接待處填寫一份豁免聲明，
如果想節省時間可以預先係網上下載填定到時帶來都得！

聽完簡介係咪覺得好吸引呢？
不如就等小JM家為大家再作進一步嘅詳細介紹啦！

唔講咁多，即刻為大家介紹一下歷奇王國嘅好玩刺激設施啦！

一步入場館小JM首先就被一座色彩繽紛嘅滑梯所吸引，
即時連肚餓都唔理，實行玩咗先食！

彩虹滑梯一共有三條，每條30米長，滑梯形狀有如波浪。
夠快夠刺，小JM都玩咗不下五次，就連爸爸都大讚。