打機、睇劇都可以樂上半天，所以我亦算得上係半個機迷。
最近遇上Disney Tsum Tsum有新嘅Switch Game推出，
身為Tsum Tsum粉嘅當然要支持一下，嗱嗱聲叫爸爸入手啦！
剛好遇上幾日連假，正好可以慢慢玩番夠本！
其實小JM都係初次見我同爸爸打機，所以都表現得好好奇。
小JM睇完我同爸爸玩咗一輪之後都忍唔住要玩埋一份添呀。
而今次Switch Game《Disney Tsum Tsum嘉年華》就正正收錄咗收錄超過20款嘅派對小遊戲。
^應該唔會陌生啦!
包括有：邪惡派對、滑冰壺、泡泡曲棍球、冰淇淋疊疊樂 、Tsum Tsum大射擊、蛋盒飛車、閃電海盜、滴答競速、失落的寶藏、 Tsum節奏等等
^嘩!中咗大獎喔!
真係好啱開Party或者三五知己聚埋一齊玩一齊對戰，輕鬆好玩之餘仲可以引發連場笑聲添架！
唔單止咁，呢隻遊戲仲支援連線功能，無人得閒玩時都可以上線同世界各地嘅玩家一齊玩，一樣都係咁正咁好玩。
正向小分享：
長輩可能會覺得小朋友打機唔太合適，但只要時間亦需要掌控得好，處理得宜的話，其實亦可以當係舒緩壓力嘅消閒活動之一。
^節奏感唔錯喔!
打機其實都有不同程度嘅益處，不同嘅遊戲模式都有助增強腦部嘅各種能力，
除咗可以鍛煉腦力、反應力、手眼協調、記憶力、專注力和邏輯思維之外，
其實簡單嘅小遊戲都有助放鬆心情添架。
當然，最重要係玩得適宜，唔好長時間玩啦！
