星期一, 4月 30, 2018

當媽也要靚│護髮好物私心分享。Briogeo修復系列

之前分享咗【母乳媽媽染髮無難度＋染髮後護理需知】，
今次就要介紹返小JM媽嘅寵兒，不單止好用而且仲好受歡迎嘅洗護髮套裝，就係Briogeo嘅修復系列啦！

小JM媽都要多謝朋友嘅推介先可以好快咁擺脫一頭鞋手又「元氣大傷」嘅頭髮，
諗返起一染完髮洗完頭之後，一摸落手嘅感覺真係傷心到一個點。
無計啦，因為上一次小JM媽係一個月內染咗兩次，真係傷上加傷。
頭一次染完隻色又唔太鍾意，所以要再染過。
小JM媽都有比心機去護理返好啲頭髮，希望唔駛個頭成隻獅子咁。


 Briogeo小簡介:

Briogeo頭髮護理產品係包含有6-Free嘅理念，6-Free嘅意思係指：
不含硫酸鹽、對翔基苯甲酸酯、鄰苯二甲酸酯、有機矽、DEA及人造色素。
而且原料天然有機，大部份產品係素食及無麩質，同時不經動物測試添！

我因為染完髮怕頭髮會傷晒，所以就揀咗Briogeo嘅修復系列 Rosarco Repair Collection來幫我急救下啲頭髮。

主成份概要:
Rosarco Repair Collection嘅主要成份有玫瑰果油、堅果油、椰子油同維他命E。
每一種成份其實都具有修護滋潤嘅功效架！

其實我揀Rosarco Repair Collection係有原因架，因為呢個系列能夠有助補充水份，修復及預防髮質受損及防褪色添，啱晒染髮後使用！而今次小JM 媽我就用咗以下呢四款好物來幫助我嘅頭髮加速復原！

ROSARCO Repair Shampoo

使用個陣最好係頭髮度按摩不少於30秒先沖水！

讚指數：


ROSARCO Repair Conditioner

洗完頭之後就可以使用，建議HOLD至少2分鐘!

護髮乳既質地既較稠身，有啲似膏狀。
以護髮乳來講，唔會太過油潤，恰到好處，呢樣係有別於一般既護髮乳。
用左之後亦唔會出油，呢一點係值得欣賞既。

讚指數：


ROSARCO Milk Reparative Leave-in Conditioning Spray

呢枝Spray除咗我會用到之外，其實連小JM都好鍾意用。
ROSARCO Milk係一枝免沖洗嘅修護噴霧，無論濕髮定乾髮都一樣啱用。
有時我同小JM起身後個頭打晒結都係靠ROSARCO Milk先可以變靚架咋。


讚指數：


Don't Despair, Repair! Deep Conditioning Mask

全個系列中除咗ROSARCO Milk之外我就最喜歡Deep Conditioning Mask！
用咗短短一、兩次就已經明顯感覺到頭髮慢慢「康復」，無再鞋手鞋腳咁。
雖然話係深層修護髮膜，但真心覺得搽落唔油潤。
過水後頭髮亦唔會用油膩感！

讚指數：



小總結：
已經用咗兩個幾月整體感覺都唔錯。

用咗頭一星期已經明顯見到頭髮係明顯順滑柔順返晒，同未染前一樣。
就算即時洗完頭即用梳去梳理頭髮都唔會好似染完髮後咁易打結，
唔打結真係好好多，至少唔駛痛！

味道清新芳香，唔濃亦唔會有怪味。
髮膜同護髮素使用後頭髮順滑而不油潤，而且仲好清爽！




如果有興趣嘅不妨參考一下以下資料，睇下有無邊個系列啱用！
Website: https://briogeohair.com
Facebook: https://www.facebook.com/Briogeohk/




歡迎追蹤 小JM 既Fanspage 「傑。斯與晴」：
如有任何查詢/合作，歡迎聯絡我同小JM 參與產品試用或者各樣活動
媽咪既Email係： sleepyceci＠hotmail.com
張貼者： 於 沒有留言:

星期六, 4月 28, 2018

當媽也要靚│母乳媽媽染髮無難度＋染髮後護理需知

打從懷孕已經超過兩年幾無染過髮啦，頭髮都已經變成兩個顏色，
早前就趁著小空檔來個小變身，去咗Salon走返轉，去剪一剪呢堆亂糟糟既「草」!

好多朋友都知小JM係母乳B，朋友們都好好奇我係咪已經停餵所以可以染髮，
其實唔係架， 小JM而家雖然26個月大，但晚上有時都需要飲媽媽奶，
所以我都無諗住要刻意收奶或者幫小JM 戒奶，我同爸爸都認為要將呢個話事權還返俾小JM。

其實好多朋友同長輩對母乳媽媽染髮而有誤解，
甚至有長輩更誤以為染完髮會影響餵哺母乳及令小B 敏感!
與其估估下，不如了解多啲相關資訊裝備一下自己，以備不時之需！

母乳染髮 Q & A

1.)　餵母乳可以染髮嘛？
　　現時仲未有任何資料或證明顯示染髮劑或燙髮劑對餵哺母乳有影響。
　　使用染髮劑其實只會有少量滲入血液之中，
　　由於份量少所以被體內或血液吸收到嘅只得少量，因此對餵哺母乳嘅影響係極低。

2.)　染髮後要相隔幾耐先餵哺母乳？
　　其實係無明確時間嘅。
　　如果選用嘅染髮劑味道唔太刺激或濃烈的話其實染完都已經可以餵哺母乳。

3.)　染髮劑會有影響嘛？
　　不同染髮劑當然成份亦會有不同，孕媽或人奶媽媽可以選用成份天然嘅染髮劑。
　　可以揀選草本或植物染髮劑，但同時亦要注意所謂「天然」染髮劑有無添加化學成份。



除咗孕媽及母乳媽媽之外，其實大家都要係染髮前「做足功課」嘅。
有好幾點我地都要留心注意架！


染髮小貼士：
1.)　要先做皮膚過敏測試
　　即使係家用染髮劑都好，使用說明都會提你做呢個小測試，
　　可以了解自己會唔會對相關染髮劑產生敏感。

　　其實測試好簡單，只要將少量嘅染髮劑搽係手腕內側或頸後方呢啲皮膚較為幼嫩嘅
　　地方再等48~72小時即可。如果無過敏反應就可以染髮架啦。

　　當然，如果唔想煩次次試嘅亦可以去醫院做測試，咁就更加一目了然添。


2.)　唔好染眉毛及睫毛
　　雖然小JM媽唔會咁做，但係認識嘅朋友中亦有曾經試過染眉毛。
　　其實眉毛及睫毛嘅皮膚比較薄同敏感，醫生一般都唔建議使用染髮劑，以免造成過敏。


3.)　遇有不適需立即求醫
　　如染髮後出現不適就應該立即尋求醫治療，以免悄況惡化。

4.)　建議使用口罩
　　

不過話時話，每次染完髮總係覺得啲頭髮「元氣大傷」咁，摸落硬係鞋手嘅。
今次小JM媽仲要一個月內染咗兩次，真係傷上加傷，無計啦，頭一次染完隻色又唔太鍾意嘛。所以小JM媽都落足心機去護理返好啲頭髮，希望唔駛個頭成隻獅子咁。

我都要多謝朋友俾咗啲小貼士我去護理染完嘅頭髮，同介紹我用Briogeo嘅修復系列。


染髮後護理小貼士：
－　建議使用具鎖色護色功效、性質溫和嘅洗護髮產品
－　盡量避免經常吹頭、參與水上活動及被陽光照射
　　因為呢啲都會破壞頭髮鱗狀表層，令頭髮容易褪色，損害髮質、失去光澤架！






歡迎追蹤 小JM 既Fanspage 「傑。斯與晴」：
如有任何查詢/合作，歡迎聯絡我同小JM 參與產品試用或者各樣活動
媽咪既Email係： sleepyceci＠hotmail.com
張貼者： 於 沒有留言:

星期日, 4月 22, 2018

「我是好手」親子體驗活動。自己蚊磚自己DIY

認識小JM媽嘅朋友都知道小JM媽係個喜歡做下手作仔、DIY及小手工嘅人。

難得今次有機會俾我同小JM一齊去參加由『In good hands of』所舉辦嘅「我是好手」親子體驗活動做下啲手作仔嘢喎，就緊係去睇下玩下學下嘢啦!
何況母親節臨近添，又可以借啲依同小JM一齊整份小小嘅禮物俾婆婆，等婆婆開心下嘛。

『In good hands of』小簡介:
其實係一間網上嘅生活小店，會為大家搜羅最好而又無害嘅生活產品，
由個人清潔、護膚、家居護理，以至嗅覺/ 情緒護理都一應俱全！
而且仲有好多唔同嘅手作人品牌，就好似mommy A+b、Witch's Secret、Ella Private及Approx Simple。

喺活動體驗當日我同小JM一共製作咗四款天然無害而又好啱平時用嘅好物，
分別有：
－　啱晒夏天用而且造型可愛嘅嘅驅蚊香磚、
－　用來放喺房間或廁所吸走濕氣同異味嘅擴香火山石
－　出街必備嘅天然抗菌搓手液
－　母親節送禮必備嘅天然美肌霜

係咪聽到都好想整埋一份呢？

其實要自己動手整或同小朋友一齊整都唔算好難，
但係如果靚媽們太忙無時間嘅話都可以係佢地嘅網上平台買到心頭好物架。
講真，同兩位MommyA學完點整之後，可以清楚了解到每樣產品所用嘅材料，真係會安心好多，始終小JM年紀仲細，都好怕小JM會接觸到有害嘅添加劑，但經過今次之後就真係無有怕，可以少一份擔心！


好啦，事不宜遲，就等我同小JM同大家分享一下我地整嘅成品及蚊磚嘅製作過程啦！
真。自己蚊磚自己做！


D.I.Y. 驅蚊香磚
材料：
顏料　　　　　　
硬脂酸　　　　　30g
有機蜜蠟　　　　10g
檸檬尤加利精油　4ml

用具：
模具
紙杯
雪條棒
電子磅

製作過程：
1.)　先將硬脂酸、有機蜜蠟及自己喜歡嘅顏料放入紙杯中
　　再將材料隔水加熱煮溶至水狀即可。
趁熱加以攪拌以混合顏料。

2.)　加入檸檬尤加利精油後再次攪拌混合。
3.)　完成後可以將溶液倒入模具
4.)　待模具冷卻後即可取出使用


其他D.I.Y.好物嘅製作花絮:

天然美肌霜
擴香火山石
天然抗菌搓手液


In good hand of
https://www.facebook.com/ingoodhandsof
https://ingoodhandsof.boutir.com/


張貼者： 於 沒有留言:
訂閱： 文章 (Atom)