傑。斯與晴: 人人都講「滴雞精」，滴雞精功效你又知幾多？

傑。斯與晴

滴雞精係台灣好普遍，滴雞精功效又好顯著，無論大人定小孩，以至懷孕媽及母乳媽媽都適合飲用滴雞精（特殊體質除外喔）。

最初係因為台灣朋友介紹，先了解到有關滴雞精嘅功效。後來知道原來滴雞精對孕媽同胎兒都有益處而開始接觸嘅，而且滴雞精仲有效地可以做到「肥B唔肥媽」嘅功效添，所以懷孕後期以及坐月我已經有飲用滴雞精嘅習慣。

其實自從全職湊小JM後明顯個人攰咗，可能同休息時間少咗有關啦。而最明顯係感覺到奶量亦因此而下降，所以都係時候要急救一下。
的確滴雞精係好有功效，有飲用滴雞精嘅日子精神會比較好，感覺無咁易攰，而且奶量亦有提升添。

所以媽媽做完手術後，我都買咗晨露滴雞精俾媽媽補身，同時亦都買多盒留來自用添。
媽媽飲完滴雞精都覺得精神好咗，體力都好咗。最緊要係滴雞精功效對傷口復完有幫助呀嘛！

而且最新嘅滴雞精有埋常溫版，儲存仲更方便添。最緊要唔駛攪到冰櫃無晒位！

滴雞精知多少？
「滴雞精」三個字成日都聽人講，但到底你又知唔知係咩一回事？

滴雞精其實就係老人家口中所講嘅「滴雞湯」，雞肉經過長時間蒸煮之後就會滴取出精華，因而被稱為「滴雞精」。

滴雞精功效知多少？
滴雞精當中所含嘅蛋白質係經過長時間加熱，變成人體更易吸收嘅細小分子蛋白質－必須胺基酸，所以滴雞精對於手術後、懷孕媽、產婦或老人用作調理係相當合適嘅，而且仲有助上奶添架。

必須胺基酸包括：（*資料轉載自網絡*）
1.）苯丙胺酸（Phenylalanine）：維持清醒、改善記憶及對抗憂鬱.
2.）纈胺酸（Valine）：協調內分泌、改善肌肉協調功能及安定情緒.
3.）蘇胺酸（Threonine）：維持蛋白質平衡、協助肝功能
4.）色胺酸（Tryptophan）：改善睡眠、穩定情緒、加強免疫功能、減少心臟血管疾病機會
5.）異白胺酸（Isoleucine）：調解血醣與能量,能修復古投、皮膚、肌肉組織
6.）白胺酸（Leucine）：降低血糖濃度、刺激大腦提高注意力
7.）甲硫胺酸（Methionine）：促進消化系功能、防止頭髮、皮膚及指甲之病變、以及降低膽固醇濃度、降低肝脂肪
8.）離胺酸（Lysine）：幫助鈣質吸收、促進膠原蛋白形成,是孩子正常發育或骨骼發育所需
9.）組胺酸（Histidine）：人體血紅素組成元素之一、對嬰兒和兒童成長重要

此「雞」不同彼「雞」?
一般滴雞精會以肉雞或老母雞作為主要原料嘅，但晨露滴雞精就特意選用咗台灣土雞做原料！

原來台灣土雞嘅營養價值足足比一般嘅肉雞或老母雞高好多，所以滴雞精功效都會特別顯著。。
晨露滴雞精嘅營養成分唔單止有 20% 蛋白質，仲蘊含人體所需嘅(18種)氨基酸、膠原蛋白、鈣﹑磷﹑鐵﹑維生素等。
台灣土雞嘅飼養週期大約為三個月左右，而重量約3.3公斤，所含嘅蛋白質量亦較高，但脂肪卻較少！而台灣土雞嘅肉質可以用「皮Q肉甜」來形容，同時亦極具咬勁添，而最重要就緊係相對較為低脂但凝集性則較佳啦！

咩時間飲滴雞精最好時間呢？
飲用滴雞精功效既最佳時間就係朝早一起身咩都未食（空肚）個陣飲，會比較易於吸收；
但如果朝早無時間就可以係晏晝五、六點前空肚飲滴雞精都得

如果補身或個人比較攰嘅可以一日一包，坐月個陣仲可以一日飲2包。
因為土雞氨基酸含量豐富，而且正常飲食中亦會攝取到蛋白質，所以都唔駛飲用太多，以免身體無法吸收造成浪費嘛，畢竟滴雞精都唔係平架嘛。
（但如果有發燒、發炎、支鏈有機酸尿症既話就唔適宜飲用）

點樣加熱滴雞精？

要翻熱滴雞精其實最好就係將滴雞精隔水加熱，咁就係最「原汁原味」嘅！