星期六, 1月 13, 2018

小JM愛玩樂。冬天恩物。Jouetle冬甩造型超柔爬行墊

最近天氣凍咗好多，氣溫幾乎跌到落十度。
呢排見到小JM坐係地墊玩，凍冰冰咁，媽媽都頓時覺得凍。

正因為咁，小JM媽最近就物色咗一樣好物同爸媽們分享，
就係【Jouetle冬甩造型超柔爬行墊】啦！

你可能以為小JM大咗其實可以唔駛點用地墊，
其實剛好相反就真，當小B們開始學行到識走來走去個陣反而更易受傷。
而一般塑膠地墊冬天個陣又會變得凍冰冰，所以都唔太想咁凍既天氣下俾小JM係膠墊上面玩。
但自從有左Jouetle冬甩超柔爬行墊之後，我就唔駛擔心小JM坐係地墊玩會凍啦！

想知點解？
就等小JM媽話你知呢張冬甩墊有幾咁特別啦！

Jouetle趣形超柔爬行墊有別於市面既一般膠墊，表層係滑DoDo又舒適柔軟既絨面層來架，
內層係加厚既海棉，所以對小B們嘅保護性更高，有助減低受傷機會。
底層仲配合咗防滑膠粒，咁就唔駛擔心小B玩玩下會跣親啦！
而最重要嘅係超柔爬行墊已經通過多項國際安全標準，
所以對6個月以上嘅小B們係非常適合。
就算小B玩到張爬行墊污糟晒亦一樣無有怕，直接拎去機洗或手洗一樣得！得咗！

小JM 每晚都會係冬甩爬行墊上面玩煮飯仔，夠晒暖笠笠呀！
有時小JM玩煮飯仔個陣都好鍾意『亂刀切切切』，
所以屋企嘅一般膠地墊都難逃一切，出現洞洞。
但用咗冬甩爬行墊之後就唔再怕小JM亂切，
因為爬行墊所採用嘅物料比較耐用一啲。

除咗煮飯仔之外，小JM都會玩下積木，
係Jouetle爬行墊玩積木一樣得，積木依然企得好穩，
真係玩咩都一樣咁開心！
最重要係小JM而家知道玩完要執玩具，呢樣媽媽都好感恩。

有興趣嘅爸媽們不妨參考一下Jouetle嘅FB喔!
https://www.facebook.com/Jouetle.HK/

而家荷花親子分店做緊優惠，
中size和細size 都有6折！
優惠期至2月5日!



張貼者： 於

沒有留言:

張貼留言

訂閱： 張貼留言 (Atom)