未既話就等小JM一家帶你一齊玩轉赤柱廣場，
享受極光之下既芬蘭聖誕市集既節日氣氛啦！
（仲有免費穿梭巴士及船隻接載添架！）
但今個聖誕節赤柱廣場將會搖身一變幻化成極富聖誕色彩既北歐國家 －芬蘭！
而且仲會將赤柱廣場打造成為一個具芬蘭氣息既聖誕市集添架。
芬蘭聖誕市集有超過80個各具特色既攤檔，
當中仲不乏售賣各式經典芬蘭美食及精品既攤位添，
唔單止咁，場內仲設置左多個「打卡」位，
俾你同家人、愛人、朋友呀一齊影靚相留念，
真係唔駛飛都一樣可以享受芬蘭既聖誕氣氛呀。
一齊來睇下有咩「打卡位」可以俾你同最愛放閃啦！
【打卡位1號】：
芬蘭聖誕市集夢幻裝飾
緊係打卡影返張靚相留念一番。
【打卡位2號】：
海濱星空玻璃屋。極光之旅
完全係將芬蘭搬左來香港一樣呀！
只要戴上 VR 眼鏡係海濱仰望天空就可以欣賞到迷人既芬蘭極光！
真係唔駛飛都睇到，你仲唔快啲來試下！
【打卡位3號】：
旋轉巨型閃爍音樂盒
被各種閃爍既裝飾所包圍，
置身當中就恍如置身於私人舞台一樣。
而且仲可以手動旋轉音樂盒，一邊聽著富芬蘭特色既音樂，一邊起舞添。
【打卡位4號】：
芬蘭 Jacuzzi 影相區
而呢個打卡位就係一個芬蘭 Jacuzzi 影相體驗區，
係你影相期間仲會出現蒸氣效果添，真係好過癮架！
除左以上呢4個打卡影相點之外，聖誕節又點少得聖誕老人呢？
廣場內除左有聖誕老人隨時出現之外，
仲會有芬蘭聖誕表演添架！
你都快啲記低時間一齊同小朋友去搵聖誕老人同睇聖誕表演啦！
〖傳遞愛〗
聖誕節既然係一個舉世歡騰既日子，咁就緊係要將愛傳遞出去啦。
歡迎你同小朋友一齊去參加聯同「YMCA玩具銀行」一齊推出既 －「與眾同樂」玩具捐贈計劃。
用行動將「愛」及節日既喜悅分享給予有需要既基層小朋友。
而每位參加計劃既捐贈者仲會得到芬蘭航空攤位遊戲劵一張添架！
你都快啲同小朋友來一齊將愛傳遞出去啦！
表演及芬蘭聖誕老人現身時間:
12 月 9、10、16 及 17 日
下午 2 時至 7 時
期間限定！消費送手工原木杯！
隻杯係唔係好靚呢？很想要吧？
由12 月 1 至 17 日期間係赤柱廣場及芬蘭聖誕市集內消費滿 HKD＄600 (最多 2 張發票)，
即可換領 Kuksa 原木手工杯一隻連熱紅酒換領券一張架啦！
每日名額得 250 個，先到先得，換完即止架！
換領時間:12 月 9、10、16 及 17 日 下午 12 時至下午 8 時
換領紀念杯地點:聖誕市集禮品換領處
換領熱紅酒攤檔:Hexapi (攤檔編號:72)
特色攤位介紹:
#65 King Parrot Group
特式芬蘭酒(可選擇無酒精) HKD$50/包
小JM媽就覺得無酒精版有少少似橙汁,
小JM就好鍾意啦，但爸爸就覺得有酒精版應該正啲!
你睇呢位光頭哥哥不停手樁材料, 不停入袋就知幾吸引!
#29 Gusteau's Hong Kong
香港製造 特式香腸 (HKD$20/份)
極光飲料(HKD$38/杯)
套餐價HKD$50-
飲品有款不同口咪：檸檬／香橙／乳酸
而腸仔一杯就有齊兩款口味，
分別係：香辣蜜糖雞肉腸 及 流心芝士豬肉腸
我地就試左個套餐，
爸爸一試就愛上左香辣蜜糖雞肉腸，
因為夠晒辣，夠晒野味。
而我同小JM就愛流心芝士豬肉腸，
比一般芝士腸更多芝士，
而且味道唔會太咸！
另外會場仲有好多具芬蘭特色既攤位架，
你都一齊去睇下有咩岩啦！
活動資訊：
日期: 2017 年 12 月 9 - 10 日及 16 - 17 日 (一連兩個星期六及星期日)
開放時間:下午 12 時至下午 8 時
地點: 領展赤柱廣場天幕廣場
歡迎追蹤 小JM 既Fanspage 「傑。斯與晴」：
如有任何查詢/合作，歡迎聯絡我同小JM 參與產品試用或者各樣活動
沒有留言:
張貼留言