星期五, 12月 22, 2017

全新日系幼兒遊戲室－DREAM ROOM ＠ 觀塘（含影片）

今個十二月真係停不了玩樂！
去旅行已經不停玩、不停食，
加上可能小JM已經大個左，
所以真係多左好多精力，
每一日都要花好多時間去幫小JM放電呢！

最近觀塘開左一間新既日系幼兒遊樂中心 －DREAM ROOM，
超近屋企，要去玩都好方便，
可以隨時隨地約埋朋友仔一齊去幫小B們放電或者開趴！

小簡介：
DREAM ROOM 以大自然為設計概念，
集合左森林、海 洋、陸洲、高山、小木屋等大自然元素。
而當中既遊戲設施亦以日系及木製為主。
場內分別規劃出四個不同場景既遊戲區，適個不同年齡層既小朋友：
【幼兒小木屋】、【露營 體驗區】、【高山車駅區】及【海陸遊戲區】
海陸遊戲區內更設有一個大波波池及滑梯添架，岩晒各個大小朋友！


地址：觀塘栢秀中心十樓全層( APM 旁)
電話：5540 8765
營業時間：10AM ～10PM
FB：https://www.facebook.com/dreamroom.com.hk/


DREAM ROOM 四個不同遊戲區域介紹：

幼兒小木屋
呢個區域岩晒小B們，可以隨意爬行及探索


露營體驗區
係露營體驗內設有多個帳篷，小朋友可以於帳篷內玩樂。
營區內有各款不同既玩具俾小朋友隨意玩樂，可謂動靜皆宜！
想靜態既可以選擇棋類、積木等玩具
想動態少少既亦可以，因為營區內設置左一幅約1米高既「STEM齒輪牆」，
提供左一個發揮無限創意既空間俾小朋友，
更有助提升小朋友對機械及工程學既興趣添！


高山車駅
區內放置左多款不同大小既火車，路軌仲可以隨小朋友想像力而設置添！
小JM見到咁多車車都表現得好雀躍，
玩車絕對唔係男仔既專利。哈哈

海陸遊戲區
小JM最喜歡既一個主題區之一。
用左海洋及陸洲作為主題，而整個遊戲架亦分為上下兩層，
而連接上下兩層既係一條滑梯，小朋友由滑梯而下就會落入波波池內，
被滿滿既波波所包圍著！
於波波池內設有一個小機關，原來係一個外形近似飛碟既氹氹轉！
而係飛碟旁邊亦設計左一幅攀石牆俾大啲既小朋友一展身手添架！
小JM一來到波波池就變左古惑豬，
緊係啦，想叫爸爸陪佢一齊去玩呀嘛！

DREAM Room除左有四個各具特式既遊戲區之外，
其實周邊既設備同設施亦都好完善同貼心架！

場內設布儲物櫃及設置左一個大型既鞋櫃，
要入場內玩就要除鞋仔，著襪仔啦！
另外緊記入場前要清潔清毒一下手仔呀！

場內更貼心地設置左哺乳室及育嬰間添！
唔單止咁，就連暖奶機同親子廁所都一樣有，
而且仲係廁所門口放置左大人同小朋友既拖鞋以供使用添，
貼心度真係爆燈！

一齊去片睇下有幾正啦!





張貼者： 於 沒有留言:

星期三, 12月 20, 2017

荃灣親子好去處。全新開幕Play House＠D・Park

岩岩呢轉旅行帶左小JM去左幾個唔同既親子餐廳玩，
我同小JM爸都感覺到小JM好喜歡去親子餐廳，
都岩既，有野玩又有野食呀嘛。

返到來香港之後，我地知道最近係荃灣D・Park開左一間大型既親子餐廳，
而且仲係以非洲大草原作為主題添架！
呢一間親子餐廳亦係Mikiki Play House Play Cafe既第二分店來架！

有去過Mikiki Play House既媽媽們應該都知道Mikiki店係以海洋為主題既，
而今次D・Park分店就採用左非洲大草原為主題，
所以無論係場內定場外，你都一定會見到好多具有特式既設計架！
D・Park分店係新張期間仲會送DIY煮食小工具俾每位小朋友架，
要去玩就要快啲打電話去預約查詢啦！

臨近聖誕（2017年12月23至26日期間），仲安排左一連串既禮遇添：
1. 每位購買正價入場門票進場的小朋友，可免費獲贈聖誕糖果一份
2. 各分店內特設《聖誕主題DIY手工遊戲區》，可免費自由參與
3. 聖誕老人會不定時出現同小朋友見面

Play House Play Cafe @ D．Park
地址：荃灣D．PARK第二層2069b及2070a舖
電話：2778-5999
營業時間： 10AM －9PM
Facebook：https://www.facebook.com/playcafedpark

係開始玩之前一齊了解下收費～＾＾～
D・Park店同Mikiki店一樣，都有劃分時段既，
而且入場費方面含有餐飲劵，可以於店內Cafe使用喔！

入場時段劃分為：
10:00-12:30
12:45-15:15
15:30-18:00
18:15-20:45

入場門票收費：
星期一至四：
非會員$150 / 會員$130
包1位大人 及 1位1.3米或以下小朋友之入場費，
包含HKD$30咖啡廳現金券及DIY煮食小工具

星期五、六、日&公眾假日：
非會員$220 /會員$200
包1位大人 及 1位1.3米或以下小朋友之入場費，
包含HKD$50咖啡廳現金券及DIY煮食小工具

溫馨提示：
入場前要記得穿上襪仔並且將鞋仔擺入鞋櫃喔！
如果唔記得著襪仔亦可以向Cafe購買，每對HKD＄10。

另外Cafe亦有提供儲物櫃（Locker）以便儲物，
租金為每節HKD＄10 ，需另外繳付HKD＄40按金。

遊戲區介紹：

一進場擺好鞋仔就會見到一個具有非洲草原風格既波波池入口，
有長頸鹿先生在門外等候你喔！

入到波波池最先會見到一座山型既噴波波機，
小JM同嶠嶠姐姐兩個好落力咁將啲波波放入機入，
再慢慢睇住波波噴出，似乎小JM都覺得好神奇，好驚訝咁喎！

再行前少少就已經見到三條滑梯，
想上去玩就要先爬過一堆木頭囉！
波波池內你會見到有長頸鹿既蹤影，
大啲既小朋友可以使用長頸鹿於滑梯滑行喔！
（年紀太小既小朋友就唔建議使用，以免失平衡。）

滑楊既旁邊亦隱藏左另一個機關，
只要將波波放到收集機內就會被輸送到頭頂上方既籃子內，
到儲夠一定數量後就可以按制，
咁就會令波波落下，幻化成「波波雨」。
波波池其實係設上下兩層架，
上層係一個考驗小朋友平衡力、體力同膽量既障礙挑戰場地！

考驗平衡力既網陣！

考驗體力既障礙物！

考驗膽量既透明橋！


唔好話考驗小朋友，其實都好考驗爸爸媽媽既體力架，
一個唔留神就好可能會被拋離架啦！

除左波波池同障礙路段外，
底層其實仲設有一條通道比小朋友騎下獅子同斑馬既。
可惜小JM有啲驚，唔係既話騎獅子都應該幾型！XD


唔單止咁，場內既另一端更設有彈床添呀！
岩晒活潑好動既大小朋友！

小JM同爸爸都玩得好開心。

場既另一邊設有一間獨立房，入面放置左各式各樣既玩具，
岩晒文靜既小朋友。
房間裝飾同外面環境貫徹，都係以非洲草原為題架！


用餐區亦很寬敞，有足夠的空間。

旁邊更設有洗手枱，方便爸媽們用餐前後帶小朋友洗手。
洗手枱則亦設有調味品區，可以自取享用。
但記得用餐後要放回及自行回收餐盤喔！

當日因為我地有食過下午茶先進場，
所以於場內沒有點餐，只係叫左一杯水果茶，
好好飲，值得推薦喔！


DIY親子煮意
入場費已經包括左DIY煮食小工具，
家長可以同小朋友一齊參與，實行親子好煮意！

小JM首次以廚師碌現身，
爸爸話外型一流，要好好教育小JM成為一個愛煮食既小女孩。

今日既煮場係教整Cookie，
可以話係小JM既第一次入廚～＾＾～
還可以吧？

整完之後仲可以拎走喔，記我自備食物盒呀！
唔記得帶既就問職員拎保鮮紙連鋁盒一齊包住拎走啦～＾＾～





張貼者： 於 沒有留言:

星期日, 12月 10, 2017

小JM料理。至營流心芝士西多〖1Y＋〗

難得放假可以輕鬆放鬆休息一下，
緊係要為小JM預備一個好味又有營養既下午茶小食啦。

今次為小JM所預備既下午茶就係營養極高既 【流心芝士西多】。
做法簡單功序少，但好味指數同營養指數就極高，
唔駛半個鐘就已經有得食，連小JM呢個為食豬都食唔停。
係放假同小B High Tea既首選！

材料： 
方包 數片
BB芝士 適量
雞蛋 一隻
無鹽牛油  適量

做法：
1.）先將雞蛋打勻，備用
2.）取出一片方包，並將BB芝士放於麵包一端
       用叉稍稍壓實麵包邊緣，以防麵包打開即可。
3.）將已包好BB芝士既麵包放入蛋漿之中，
       令麵包兩面均勻吸收蛋漿，備用。
4.）以少量無鹽牛油預熱平底鑊，
       再將已沾上蛋漿既麵包放入鑊中，
       以慢火煎香即成。

5.）稍為煎至兩面都金黃色即可上碟。
       因為係俾小JM食，所以我就幫小JM切開成8-10件，
       方便小JM自己用叉或簽進食。


俾小朋友食可以再加啲生果做伴碟都得，
感覺會清新一啲，
而且有助消除芝士既膩。

如果唔想整芝士夾心，仲可以改成果醬、鮮果等，
都一樣咁好味架！
只要花少少心思就可以變出一個美味又有營養既茶點架啦！






張貼者： 於 沒有留言:
標籤： ,

小JM愛玩樂。聖誕好去處｜赤柱廣場芬蘭聖誕市集

聖誕節轉眼間就到啦，諗好要去邊慶祝過聖誕未呢？
未既話就等小JM一家帶你一齊玩轉赤柱廣場，
享受極光之下既芬蘭聖誕市集既節日氣氛啦！
（仲有免費穿梭巴士及船隻接載添架！）
平時既赤柱廣場你一定去過，
但今個聖誕節赤柱廣場將會搖身一變幻化成極富聖誕色彩既北歐國家 －芬蘭！
而且仲會將赤柱廣場打造成為一個具芬蘭氣息既聖誕市集添架。

芬蘭聖誕市集有超過80個各具特色既攤檔，
當中仲不乏售賣各式經典芬蘭美食及精品既攤位添，
唔單止咁，場內仲設置左多個「打卡」位，
俾你同家人、愛人、朋友呀一齊影靚相留念，
真係唔駛飛都一樣可以享受芬蘭既聖誕氣氛呀。


一齊來睇下有咩「打卡位」可以俾你同最愛放閃啦！

【打卡位1號】：
芬蘭聖誕市集夢幻裝飾
難得來到體驗芬蘭聖誕市集，又點可以唔係入口處打卡呢？
緊係打卡影返張靚相留念一番。




【打卡位2號】：
海濱星空玻璃屋。極光之旅
呢個「異國極光玻璃屋」打卡位真係不得不讚，
完全係將芬蘭搬左來香港一樣呀！
只要戴上 VR 眼鏡係海濱仰望天空就可以欣賞到迷人既芬蘭極光！
真係唔駛飛都睇到，你仲唔快啲來試下！



【打卡位3號】：
旋轉巨型閃爍音樂盒
一座彷如巨型音樂盒既「雪地奇緣音樂舞台」，
被各種閃爍既裝飾所包圍，
置身當中就恍如置身於私人舞台一樣。
而且仲可以手動旋轉音樂盒，一邊聽著富芬蘭特色既音樂，一邊起舞添。


【打卡位4號】：
芬蘭 Jacuzzi 影相區
芬蘭人最鍾意就係浸芬蘭浴，
而呢個打卡位就係一個芬蘭 Jacuzzi 影相體驗區，
係你影相期間仲會出現蒸氣效果添，真係好過癮架！


除左以上呢4個打卡影相點之外，聖誕節又點少得聖誕老人呢？
聖誕老人仲會不定時出現係赤柱廣場架，你都一齊來搵芬蘭聖誕老人影相啦！
廣場內除左有聖誕老人隨時出現之外，
仲會有芬蘭聖誕表演添架！
你都快啲記低時間一齊同小朋友去搵聖誕老人同睇聖誕表演啦！

〖傳遞愛〗
聖誕節既然係一個舉世歡騰既日子，咁就緊係要將愛傳遞出去啦。
如果你都想將「愛」傳播出去既話，
歡迎你同小朋友一齊去參加聯同「YMCA玩具銀行」一齊推出既   －「與眾同樂」玩具捐贈計劃。
用行動將「愛」及節日既喜悅分享給予有需要既基層小朋友。

而每位參加計劃既捐贈者仲會得到芬蘭航空攤位遊戲劵一張添架！
你都快啲同小朋友來一齊將愛傳遞出去啦！

表演及芬蘭聖誕老人現身時間:
12 月 9、10、16 及 17 日
下午 2 時至 7 時



期間限定！消費送手工原木杯！

隻杯係唔係好靚呢？很想要吧？
由12 月 1 至 17 日期間係赤柱廣場及芬蘭聖誕市集內消費滿 HKD＄600 (最多 2 張發票)，
即可換領 Kuksa 原木手工杯一隻連熱紅酒換領券一張架啦！
每日名額得 250 個，先到先得，換完即止架！

換領時間:12 月 9、10、16 及 17 日 下午 12 時至下午 8 時
換領紀念杯地點:聖誕市集禮品換領處
換領熱紅酒攤檔:Hexapi (攤檔編號:72)


 特色攤位介紹:
#65 King Parrot Group
特式芬蘭酒(可選擇無酒精) HKD$50/包

小JM媽就覺得無酒精版有少少似橙汁,
小JM就好鍾意啦，但爸爸就覺得有酒精版應該正啲!
你睇呢位光頭哥哥不停手樁材料, 不停入袋就知幾吸引!

#29 Gusteau's Hong Kong
香港製造 特式香腸 (HKD$20/份) 
極光飲料(HKD$38/杯)

 套餐價HKD$50-
呢度既香腸同飲品都好正，好吸引。
飲品有款不同口咪：檸檬／香橙／乳酸
而腸仔一杯就有齊兩款口味，
分別係：香辣蜜糖雞肉腸　及　流心芝士豬肉腸

我地就試左個套餐，
爸爸一試就愛上左香辣蜜糖雞肉腸，
因為夠晒辣，夠晒野味。
而我同小JM就愛流心芝士豬肉腸，
比一般芝士腸更多芝士，
而且味道唔會太咸！

另外會場仲有好多具芬蘭特色既攤位架，
你都一齊去睇下有咩岩啦！


活動資訊：
日期:         2017 年 12 月 9 - 10 日及 16 - 17 日 (一連兩個星期六及星期日)
開放時間:下午 12 時至下午 8 時
地點:         領展赤柱廣場天幕廣場








張貼者： 於 沒有留言:
標籤： , ,
訂閱： 文章 (Atom)