認識小JM媽嘅朋友都知道以前小JM媽曾經教過Playgroup，
但好多時都總會聽到好多熱心嘅慰問，例如：
幾時返N班呀？報咗未呀？
咁有無返Playgroup呀？俾佢學下野都好嘛！
其實一開始小JM媽真係無打算要小JM返N班或Playgroup，唔係抗拒，而係唔想小朋友咁細個已經要「學習」。
我反而想俾小JM多一啲自由發展嘅空間，但另一方面又想俾小JM感受及體驗一下群體學習生活。
正當小JM媽煩惱之際就剛好收到Spring Learning嘅試堂體驗邀請，剛好可以為小JM媽舒解一下困局！
亦因為咁，小JM就上咗人生嘅第一次Playgroup！
老實說，小JM媽教Playgroup嘅年代雖然都有外藉教師，但喺記憶嘅Playgroup都不外乎唱吓歌、跳吓舞、食吓茶點咁，最多就教下畫畫，所以對於呢一類Playgroup而言小JM媽都提不起興趣。
但今次去完Spring Learning之後小JM媽就對Playgroup有令一番新嘅體會。
Spring Learning位於灣仔地段，佔地面積逾千呎，設有多個學習室，
如烹飪室、活動室、感官房、Cafe及遊戲區等，以配合不同課程嘅需要。
小JM最鍾意嘅一定非遊戲區莫屬，因為遊戲區除咗有玩具同圖書之外，
仲有一座彷樹屋設計嘅滑梯添架！
而小JM媽我就好喜歡活動室外嘅活動區同感官區，
因為可以為小朋友們提供到更多嘅探索機會及學習體驗。
聽職員講活動區嘅擺設亦會不時改變，從而增加小朋友嘅新鮮感及提升學習嘅興趣添。
試堂內容及分享：
今次試堂體驗小JM被安排參加 Discoverer Plus 嘅課程，上咗兩日嘅課堂，課程編排如下：
Day 1: Discoverer + Supersport
Day 2: Discoverer + Cooking
小提示:
上唔同嘅課堂其實爸媽都要為小朋友預備好指定嘅所需品，
而通常喺上堂之前就已經會預早通知要帶咩，所以安排上都好方便。
就小JM今次嘅體驗課而言，小JM媽就分別預備咗以下嘅所需品：
Discoverer class: 水及零食
Supersport class: 運動鞋（其實著住去就可以啦！）
Cooking class: 食物盒
事不宜遲，就等我地同大家分享一下體驗課嘅內容啦！
溫馨提示：
喺上堂之前必須要先量度體溫，消毒雙手，並且穿著襪仔上堂架！
如果身體有不適嘅話就唔好上堂，應該留喺家中休息喔！
畢竟而家流感個案盛行，大家都要為人為己著想一下嘛。
Discoverer Class:
兩日嘅體驗課分別都設有Discoverer Class，但兩堂嘅內容都唔同，
所以小JM上堂都好集中同留心聽老師講解。
每次正式上堂前老師都會先同小朋友唱吓歌及郁下手仔腳仔，
等大家可以Warm Up一下，並且喺輕鬆嘅環境下開始課堂。
第一日嘅課堂係教青蛙嘅成長過程，老師仲會自制教材俾小朋友一同學習。
而且仲會由淺入深慢慢教，等小朋友可以加深認識同了解。
呢個亦係小班教學嘅一大好處，因為老師可以兼顧到每一位小朋友嘅進度及需要。
小JM收到教材後就已經急不及待做配對，玩得好開心。
唔單止咁，老師為咗令小朋友能夠對蝌蚪有更深刻認識，
更用咗Basil Seed (奇亞籽)來模仿小蝌蚪喺水中嘅情況添。
每位小朋友都需要著上防污保護衣，老師會分發每人一碗「乾」嘅Basil Seed，
等小朋友先感受一下，再加水俾小朋友感受一下「濕咗」嘅Basil Seed。
小JM似乎有啲抗拒濕咗嘅Basil Seed，但當老師叫我地將濕嘅Basil Seed放入大水池中嘅時候，
小JM慢慢開始嘗試去「接觸」Basil Seed，仲將聽老師講將小蝌蚪放喺荷葉之上添。
玩完一輪小朋友們都玩得好開心，幾乎連落堂都忘記咗。
第二日嘅Discoverer Class又有啲唔同，今次主要係考小朋友嘅記憶力！
老師會先為小朋友介紹「窗門」，之後就會輪流問小朋友喺課室嘅窗門度見到啲咩，
再叫小朋友跟指示拎相對嘅野俾老師。
之後仲做小手工，自行俾小朋友設計一個屬於自己嘅窗門及景色添。
除此之外，小朋友仲可以體驗一下 Xylophone (鋼片琴)添!
小JM媽後感:
感覺比舊有嘅Playgroup更具吸引力，而且互動性高，
小朋友就更能投入課堂中，相對提高咗小朋友嘅學習興趣及動機。
俾小朋友親身體驗及感受，亦有助加深記憶。
Supersport Class:
呢堂Supersport所學嘅嘢好多都係小JM第一次接觸，
雖然係首次接觸，但亦無抗拒，相反仲好留心聽老師嘅指令添。
今堂主要以訓練小朋友嘅體力及平衡力為主。
等小朋友可以適應喺不同障礙物上學習穩定重心而取得平衡。
另外老師亦有教小朋友們點玩「Boxing」嘅撃拳，
係一個訓練手握力及手眼協調嘅好機會。
小JM媽後感:
一個不簡單嘅運動課，有令媽媽們意想不到嘅課程。
既可提升體力及平衡力，亦有助訓練手眼協調性，
真係一舉幾得。
而最重要係課堂完結前亦會教小朋友要一齊幫手擺好用具及排隊落堂，
呢個正好可以做到「活學活用」嘅效用。
Cooking Class:
其實我同小JM爸都係一個喜歡食嘢同煮嘢食嘅人，
所以我地都希望將來會有機會同小JM一齊煮嘢食，順便親子一下嘛。
而今次竟然有機會俾小JM自己親手學習整麵包，
我同小JM一樣都覺得好興奮，但一方面我又擔心小JM會抗拒。
誰知小JM竟然好主動聽老師講解再跟住指示做，
媽媽都表示驚訝！
見到小JM合緊嘴巴努力搓麵糰嘅樣真係好吸引。
（果然專心工作嘅人特別Charm！）
整個過程小JM都好努力去完成，
媽媽我當然都有在旁提點啦，
但最後都係由小JM自己一一完成架。
喺等待麵包出爐嘅時間，
老師仲教小朋友們唱Rainbow Song同畫圖畫添。
到麵包出爐之後，老師又會教小朋友認識一下餐具，
擺好餐具後老師就會派返自己整嘅麵包俾小朋友架啦。
小JM亦急不及待要馬上試食添。
一路食亦一路同老師繼續交流，真係令媽媽好意外。
小朋友仲可以將食唔晒嘅包用食物盒包好拎返屋企同家人分享架。
小JM仲將今次嘅成品分享咗俾爸爸、爺爺同麻麻添。
小JM媽後感:
呢一堂有意想唔到嘅收獲，
亦增加咗我同爸爸第日教小JM煮食嘅信心。
見到小JM能夠細心觀察再跟著指令嘗試整出花花麵包覺得好驚訝。
媽媽真係估唔到小JM會咁有耐性去完成，
而且仲會記得叫我留俾爸爸及家人添。
其實俾小朋友學習煮食都有助訓練小手嘅靈活度，
而且更可以訓練小朋友對「步驟」嘅記性，有助腦部發展添。
今次上完呢兩日堂，小JM媽真係大開眼界，原來Playgroup已經發展到咁多元化，咁多變。
仲提供到多種不同嘅訓練俾小朋友，做到活學活用嘅效果，等小朋友可以係日常生活中應用出來添。
有興趣了解或參與試堂可以到以下鏈結參考喔:
Spring Learning Centre
Website: https://spring-learning.com.hk
Facebook:https://www.facebook.com/SpringLearningCentreHongKong/
歡迎追蹤 小JM 既Fanspage 「傑。斯與晴」：
如有任何查詢/合作，歡迎聯絡我同小JM 參與產品試用或者各樣活動
