傑。斯與晴: 小JM料理台。爸爸愛的夾餅。紫薯夾餅

傑。斯與晴

小JM爸都係一個為食之人，所以都好喜歡入廚。
閒時亦會幫手下廚煮返幾味。

而今次就因為「為食癮」起，
小JM爸就突然決定要整傳統小食 - 格仔餅 (夾餅)
唔單止有傳統版本格仔餅，小JM爸仲特意炮製咗紫薯口味俾小JM添!

不如就等小JM媽為大家介紹一下今次小JM爸嘅愛心製作啦！

【傳統格仔餅。紫薯格仔餅】

材料：
雞蛋
紫薯
鮮牛奶
低筋麵粉
無鹽牛油

做法：
1.) 先取出雞蛋，打開並打勻，備用

2.) 將紫薯隔水蒸熟並去皮，備用

3.) 預備20g砂糖，將砂糖加入至蛋漿，並打勻

4.) 將去皮嘅紫薯壓成蓉，並預備200ml牛奶，
　倒入牛奶與紫薯蓉一齊攪勻，並加入蛋漿中再次打勻

小提示:
　若想保留紫薯粒，可用叉壓成紫薯蓉；
　如想格仔餅滑溜啲，就要用攪拌機將牛奶及紫薯攪勻。

（下圖為傳統格仔餅做法）

5.) 預備120g低筋麵粉並以篩慢慢將麵粉加入蛋漿中，再輕輕攪勻

6.) 將60ml無鹽牛油預先加熱座溶，並加入蛋漿中

7.) 蛋漿完成後，可先預熱夾餅機，再將蛋漿倒入即可。

小JM食格仔餅係無落配料架，有料嘅係我同小JM爸食嘅。
大人食嘅就可以加入煉奶、花生醬及沙糖，口感會更豐富，更加滋味。
真係大人同小朋友都啱食！