「笑」出個正面來！

「笑一笑，世界更美妙」

由世到大，爸爸都會同我講：

「無論遇到幾艱辛困難既事都好，只要笑著面對，凡事都會有轉機！」

所以從懷孕到小JM出世以來，

我都一直抱著平常心，凡事開心面對，

就連醫院助產使姨姨每次產檢見到我都話我好好笑容，

係覆診報告都有提及我係一個「Happy Mum」。

雖然孕期曾經三番四次出現小問題，

但我地仍然選擇樂觀開心面對，

所以我地相信小JM長大後都會係一個樂觀堅強的小妮子。

一如我地所料，小JM的確係一個愛笑又堅強的小朋友，

笑點出奇地低，只要少少事就可以令小JM大笑。

而小JM既堅強性格亦令我感到有點意外，

即使跌倒或被嚇到也懂得自我安慰，仲會同我地講： 「無事！無事！」

媽媽真係覺得小JM長得太快，

令媽媽有啲唔捨得，

但見到小JM可以陪養出愛笑而堅強的性格又不禁有點安慰。

講起「笑」，其實笑有好多既好處，而你又知唔知呢？

笑得多唔止世界會美妙，就連健康都可能會好啲添架！

唔單止可以幫助提升免疫力同促進血液循環，

仲可以降低血糖同減輕痛楚添架！

而最重要嘅一點呢，小JM媽就認為其實笑係可以感染別人嘅，

可以帶出更多嘅正能量俾別人，仲有助促進人與人之間嘅情感同互動添。

縱使人生中總會遇到好多唔同嘅挫折、失意，

但如果我地能夠從小教會小朋友點樣去面對挫折困難的話，

至少當小朋友失意嘅時候會懂得如何面對，而唔係選擇逃避，

應該教會小朋友學懂『笑著面對失意』，

讓小朋友明白到事情終究會有解決嘅方法，一切會好起來。

作為父母，我同小JM爸都會盡量抽時間陪伴小JM，

令小JM可以有足夠嘅安全感，

更加可以於玩樂嘅同時與小JM增加溝通機會，

從而增進親子關係。

其實「愛」同「笑」一樣都可以感動人，

只要我地真心真意付出過的話，

別人終究會知道嘅。

小JM，

雖然人生中會有好多不如意，

但媽媽寄望你能夠一直保持著一顆開心樂觀嘅心。

以笑去抵抗一切。

要加油喔！媽媽嘅小寶貝。