又到聖誕~又到聖誕~!
話咁快聖誕節仲有個零月就到，各個地區嘅商場都例必換上富節日色彩嘅佈置。
而今年荃灣廣場更首度以Pompompurin 布甸狗作為主題，特別為一眾布甸狗迷及大小朋友們打造一個「Pompompurin 部屋聖誕派對」來迎接聖誕節添！
今日終於輪到我帶小JM來荃灣廣場朝拜一下布甸狗啦！
部屋內每個角落都滿佈著布甸狗嘅蹤影，果然係經過一番精心打造，而且場內仲充滿住濃厚嘅聖誕氣氛添！
講到最吸晴嘅又點少得全港首個 16 呎高嘅巨型戶外布甸狗充氣裝置，以及高11呎而且擺滿布甸狗嘅聖誕樹啦！絕對稱得上「打卡熱點」！你又點可以錯過呢？
VIDEO:
事不宜遲，即時為大家介紹下場內嘅各個打卡影相熱點啦！
布丁粉絲招手區
一來到就已經見到換上聖誕裝束嘅布甸狗係門口迎接我地啦！
門口仲有一架載滿禮物嘅雪橇車同閃閃令嘅聖誕樹添架！
布甸狗放空專屬天地
入到廳就聖誕布甸狗同聖誕小鹿倉鼠 Muffin 係度訓緊覺呀！
就連小JM一坐上梳化都訓著埋呀！我地都係唔好嘈醒佢地啦！
布甸狗七彩繽紛禮物山
嘩～原來布甸狗特登將啲禮物疊到成座山咁高！
啱晒小JM入去禮物堆度影相！
「饞嘴是這樣煉成」的密室
話明係布甸狗，唔多唔少都要識整下布甸先得架嘛～！
所以布甸狗就為大家親自預備布丁蛋糕，你睇佢幾努力！
小JM係Video度都有跟住學架~
布甸狗極速裝扮室
既然係聖誕節，又點少得開Party呢？布甸狗為咗隆重其事，就緊係要好好打扮下先同大家見面啦！
不如你又幫手諗下著咩衫襯佢多啲啦！幫手揀套靚靚戰衣，實行閃爆全場！
11 呎高軟綿綿聖誕樹
聖誕節又點少得聖誕樹呢？
呢度就有一棵擺滿布甸狗公仔而且高達 11 呎嘅7 層高聖誕樹啦！
拍埋去係咪係咪自己都即時細粒咗呢？
眼明手快電視機
原來呢個係布甸狗嘅遊戲房來架，呢度有一個經典嘅電擊棒遊戲，而且圖案仲係布甸狗聖誕造型添架。
一場來到緊係要露返兩手試下玩下啦！
小確幸補眠睡房
狂歡過後又到咗休息嘅時間啦！
布甸狗已經換上藍白間條睡帽享受補眠時光呢～就連小JM都話要一齊訓。
16呎高巨型戶外充氣布甸狗
巨型戶外充氣布甸狗可以話係場內矚目嘅景點之一，景點設置於場內L5 太空樂園，務求令一眾布甸狗迷及大小朋友們可以係近距離影相打卡！
而係L5 太空樂園內亦有一條星光閃閃嘅布甸狗隧道添，影相打卡一流！
荃灣廣場聖誕限定禮遇
日期：2018年11月13日至2019年1月1日
換領時間： 上午10時半至晚上9時半
換領地點：L3顧客服務中心
換領活動：
TWP VIP Club會員憑即日電子貨幣消費滿HK$3,000及300積分，可換領「布甸狗暖笠笠抱手枕」乙個。
TWP VIP Club會員憑即日電子貨幣消費滿HK$1,500及300積分，可換領「布甸狗多用途收納袋」乙個。
顧客即場下載新地商場手機應用程式 及 讚好荃灣廣場Facebook專頁/追蹤荃灣廣場 Instagram，即可換領「布甸狗文件夾」乙個。(禮品數量有限，換完即止。)
荃灣廣場×Pompompurin部屋聖誕派對
日期：2018年11月9日至2019年1月1日
時間：上午10時半至晚上10時
地點：新領域廣場二樓中庭
沒有留言:
張貼留言