【我們HEA的家】安撫神器。Ultra Air 夜光安撫奶嘴

早前二寶滿月，我地就按針卡嘅日子帶咗二寶返健康院打針。

唔知係咪嚇親嘅關係，二寶由打完針果日開始就訓得好差，仲會突然扎醒繼而爆喊，成日都好似好不安咁。

作為媽媽嘅都好明白初生BB係比較容易喊，所以我地亦盡量抱下同拍下二寶從而安撫佢嘅情緒，希望俾佢多啲安全感。

但無奈地，二寶有時真係扭足全晚，半夜餵完奶要伏喺我胸前先訓得到，所以我同爸爸兩個都唔夠休息，成日都好攰。

為咗可以快速咁安撫到二寶而唔影響大家嘅睡眠質素，我決定出動到安撫神器 - 奶嘴！

我揀BB產品都會考慮大牌子，因為會有安全品質保證，咁就唔洗擔心產品用嘅物料會影響BB健康。加上奶嘴係BB嘅貼身用品，就更加要小心D去揀選！雖然價錢可能會貴少少，不過最緊要係用得安心！ 

我揀左 AVENT最新嘅Ultra Air 夜光安撫奶嘴俾二寶， 奶嘴有4 個特大氣孔，可以促進空氣流動，保持BB嘅皮膚透氣乾爽，佢哋嘅奶嘴係專為自然口腔發育而設計，咁就唔驚BB上腭、牙齒同牙床嘅發育受影響啦！

佢仲有夜光功能，半夜二寶喊時我都可以第一時間搵到奶嘴而唔駛盲摸摸咁搵或者開燈搵咁麻煩！

另外Ultra Air 安撫奶嘴有埋奶嘴盒，帶出街用都方便，用完放番入個盒度。希望依個唔用奶嘴蓋嘅方法可以令二寶唔會過份倚賴奶嘴啦，因為依家一用完就好自然咁將個安撫神器收埋落袋，唔再係隨身掛住係二寶件衫上面，亦唔會一見二寶喊就即刻塞個奶嘴俾佢，反而多咗抱下氹下佢！

如果有微波爐，個奶嘴盒仲可以連奶嘴一齊直接放入微波爐消毒。只需要加入清水，再加熱3分鐘就完成整個消毒程序架啦，既簡單又衛生！

有咗呢款安撫神器，二寶就可以輕鬆入睡，即使半夜扭計都無有怕！

【我們HEA的家】二寶有禮。初生嬰兒禮物籃

幾經辛苦二寶終於係上個月順利出世，從此小JM家又變得更熱鬧啦！

前幾日我地小JM家收到由 Give Gift Boutique 尚禮坊 送俾二寶嘅初生嬰兒禮物籃以預祝二寶滿月之喜！ 

呢個初生嬰兒禮物包裝大方得體，配埋個粉紅色嘅編織禮籃就更加精緻，而且尚禮坊仲隨籃附上心意卡添，夠晒暖心！

今次嘅禮物籃不單止靚，而且禮物仲好實用添架！

　

❤ Pampers 細碼超薄乾爽尿褲84片裝

❤ 英國mothercare100%全棉口水肩 / Piyopiyo 黃色小鴨新生嬰兒圍巾

❤ 加拿大organic natural charm 100%有機純綿毛巾(每季款式會有不同)

❤ 日本Pigeon嬰兒護膚濕紙巾80片(日本製造)

❤ 賀初生BB女小氣球

❤ 泰迪熊仔毛公仔

Give Gift Boutique尚禮坊小簡介：

尚禮坊禮品專門店係一間服務好多元化嘅禮品店，

不單提供 #鮮花花束，更有節日禮籃、專項禮品、美食禮籃 及 BB禮籃 等等不同嘅禮品及禮物以供選購

即使安坐家中亦可從網站上直接落單及揀選送貨時間，絕對可以幫你解決送禮嘅煩惱！ 

https://www.givegift.com.hk/

#媽媽唔易做。母乳路的好伙伴

二寶終於出世啦！

雖然比預期早咗差啲變早產B，幸好一切都安然過渡，總算有驚無險。

上胎成功母乳餵哺小JM 至3歲幾，所以今次我亦都決定繼續餵母乳。

有咗上胎嘅經驗，今次自然更加得心應手！一早買定奶泵傍身，咁就可以請爸爸幫忙餵二寶，爭取更多時間休息，另外都想分多啲時間陪小JM或做家務之類，實行分工合作，咁就更加事半功倍啦！

講起餵母乳，上胎的確好多嘢都唔識，結果買咗部體積較大嘅家用機。

係屋企用固之然無問題，但講到拎返工就真係幾重，拎多幾次連膊頭都緊晒。

之後貪平買咗部細機返工粗用，但係力度過強，結果扯到乳房都痛，真係得不償失。

有咗上次嘅辛酸經歷，今次揀奶泵亦比較謹慎小心，畢竟奶泵都係母乳媽媽會經常使用到嘅貼身用品嘛！唔同品牌都有唔同好處，功能同舒適程度固之然係最重要嘅考慮因素，而今次我就揀咗體貼媽媽需要嘅Philips AVENT電動同手動奶泵作為我嘅母乳拍檔！

^好喜歡佢嘅簡約設計及色調，俾到人一種好柔和舒服嘅感覺。

唔試過真係唔知邊款好，用完Philips AVENT電動同手動奶泵俾我嘅感覺就係－舒服！佢地嘅貼心設計令我唔洗為咗遷就個奶泵而身體向前傾，泵奶時只需要放鬆咁直坐就可以確保母乳流入奶樽內，唔怕漏出喇叭，個設計完全係以媽媽嘅需要出發，真係幫到手！泵一次奶都要十幾二十分鐘，如果要彎住腰咁長時間都唔好話唔辛苦，久而久之仲會出現腰酸背痛嘅情況！如果有得揀就梗係揀個可以令你可以舒舒服服泵奶嘅奶泵啦！

另外佢地嘅喇叭設計亦有別於一般奶泵，花瓣式設計嘅按摩軟墊，只要係泵奶前啟動按摩功能就有助刺激母乳分泌，就好似BB吸吮乳房嘅動作，咁樣就自然更加容易出奶啦！ 

^設有按摩功能及三重力度選擇，選擇啱自己嘅力度就唔怕會整痛乳房。

俾個小貼士新手媽媽，揀奶泵嘅時候除咗要睇功能同舒適度之外，我通常都會選擇大牌子，品質自然會有保證，唔駛擔心好似之前咁買咗平嘢又唔敢用啲Parts啦。

係二寶出生初期時，我亦有用上手動奶泵以幫助擠奶以減輕胸部負擔。因為初生BB胃口比較細，二寶食完一邊就已經飽到想訓，結果另一邊胸太谷，需要用手動奶泵幫手，免得乳腺太谷造成發炎。手動奶泵設計小巧輕型，方便攜帶及存放，而且仲可以按個人需要調節力道而擠奶。奶量未係好多同未適應到電泵力度嘅媽媽可以用手泵協助泵奶先，等自己身體慢慢適應泵奶嘅感覺。

母乳媽媽嘅好伙伴除咗有奶泵之外，其實又點少得母乳儲存袋呢？

一個好嘅母乳儲存袋除咗品質用料好唔怕漏之餘，

最好有安全防漏雙拉鏈封口，咁就可以確保安全同衛生啦！

奶袋頂部設有書寫位置，一來唔怕筆嘅墨水滲入奶袋影響到母乳嘅質量，二來你一包包放係雪櫃嘅時候可以好方便咁睇到每一包奶嘅資料，正！

^新式儲奶蓋，可隨意轉換成奶咀即可餵哺。

作為一個二寶媽，好清楚明白到｢要爭取每一個對自己好嘅機會｣嘅道理，因為你嘅生活已經多咗一個生命你要去照顧，無論係每日30分鐘嘅ME TIME定一件又一件幫到手嘅小工具，記得把握係日常生活上令自己可以減輕負擔，放輕鬆嘅機會，因為媽媽的確唔易做！

【我們HEA的家】二寶睡眠恩物。GRO嬰兒睡袋及嬰兒包被

GRO嬰兒睡袋及嬰兒包被相信好多爸媽都已經聽過、用過，絕對係小寶寶們嘅睡眠良伴。

雖然小JM已經踏入四歲，但仍然好喜歡使用GRO睡袋訓覺，可見GRO睡袋嘅吸引力有幾高。

距離二寶 出世嘅日子不遠，係時候要幫二寶準備不同嘅日用品啦！

早前見到 Tommee Tippee  推出登記優惠，只要成為會員就可以得到 #購物優惠碼，買GRO產品可享6折優惠，而Tommee Tippee 套裝仲有9折添架。

我呢啲慳媽媽就緊係第一時間登記啦!

登記傳送門：https://bit.ly/34lZWla

既然有優惠，當然要為二寶添置返一、兩件GRO嬰兒睡袋啦！

今次入手咗兩件GRO系列，分別係0-3m嘅嬰兒包被 及 3-9m嘅二合一包被嬰兒睡袋。

兩款不同嘅嬰兒睡袋都係以包裹住寶寶為主要，務求令寶寶減少驚跳反射，可以訓得安心啲，有更佳嘅睡眠質素。寶寶訓得好媽媽都輕鬆一啲。

小JM媽咁喜歡GRO系列包被睡袋係有原因架

簡單易用：唔駛左包右包咁繁複，只須放好寶寶包好手仔就可以拉上拉鏈

方便雙拉鍊設計：包被設有雙拉鍊，即使寶寶訓咗換片一樣無難度，而且拉鍊仲有布遮蓋，唔怕會整到小B

質料舒適：包被以棉質製成，夠晒柔軟而且有彈性，好啱小B用

國際級認可設計：GRO系列嬰兒睡袋都得到<國際關節發育不良研究所>  International nternational Hip Dysplasia Institute認可，小B腳仔可以於睡袋內自然擺放

唔單止咁，二合一包被睡袋 仲可以隨時俾小B伸返隻手仔出來，咁小B就可以自由活動 啦！

而家趁住Tommee Tippee Eshop著數賞第二激快啲去掃返一、兩件啦!

只要係網店購物仲即時獲贈小禮品一份添架！　*先買先得 送完即止*

優惠期到4月23號咋，手快有手慢無架啦！

小JM料理台。簡易下午茶。迷你酥皮檸檬撻

疫情未退就唯有係屋企搵嘢玩

既然閒賦在家，最啱就係同小主一齊整甜品，實行以 #正能量 對抗疫症！

從飲食著手增強勉疫力 以對抗惡菌！

小JM最鍾意食果撻，今次我地就整 檸檬酥皮撻 來對抗疫症啦。

一顆小小嘅檸檬就已經含有豐富嘅維他命，絕對係增強勉疫力之選！

今次都遇到有個難題，就係行咗好幾間鋪都買唔到酥皮呀！

不過呢少少野係唔會難到媽媽嘅，我已經諗好兩個方法：

1.) 自己搓皮

2.) 用印度餅皮

結果又好好彩俾我地買到印度餅皮，媽媽我又可以懶下啦～

材料:

印度餅皮

雞蛋 三隻

檸檬 兩個 (用作整檸檬皮及檸檬汁)

糖 40g

無鹽牛油 40g

水 15ml

做法:

1.) 先將檸檬洗淨，再將檸檬皮磨出，備用。

小提示：

記住只要黃色檸檬皮，白色部份會澀喔！

2.) 將已磨皮嘅檸檬柞汁，預留40ml檸檬汁備用。

3.) 預備三隻雞蛋，備用。

4.) 將檸檬皮、糖、水及檸檬汁加入蛋中，並攪勻備用。

5.) 蛋液稍為打勻後，隔水以細火加熱，並持續攪伴。

6.) 將蛋液加熱需要持續攪伴，待蛋液稍為凝固即可取出。

7.) 將無鹽牛油加入至剛加熱好嘅蛋液中，並攪伴至牛油完全融化。

　 待蛋液冷卻後就可以加入蛋撻中。

8.) 取出印度餅皮，並以模具CUT出形狀。

9.) 將印度餅皮放入錫紙兜中，慢慢按壓至完全覆蓋。

　 焗之前記得要係餅皮桔小孔喔!

 

10.) 將已桔小孔嘅餅皮放入AF，以180度焗10分鐘，即可取出再加入檸檬蛋液。

　　加好蛋液再焗 5分鐘即成。

 

^酥皮波波檸檬撻 及 迷你檸檬撻

^一出爐呢個人仔就已經快手KO咗4個啦！

^親子迷你酥皮檸檬撻製作成功! ^_^V 

如果你都好似小JM爸一樣唔好甜品，但又想增強抵抗力的話，就可以選擇有55年歷史，而且日本製嘅「#奧樂蜜C」。

一枝「奧樂蜜C」就含有相等於 11個檸檬嘅維他命C，而且仲可以一次過滿足晒一日維他命C＋B嘅所需添架！

銷售點：

惠康超級市場、百佳超級市場、一田超級市場、AEON超級市場、Don Don Donki、OK便利店、7-11便利店、Vango便利店、HKTV Mall

【我們HEA的家】二寶媽沖奶恩物。Ulmuka恆溫水機

今次陀二寶比起之前陀小JM已經好好多，

至少食得訓得，已經算唔錯。

最近收到朋友送來俾我同二寶嘅禮物 - Ulmuka恆溫水機，

話可以方便第時要沖奶俾二寶飲可以唔駛浪費時間溝冷暖水，

只需一個按鍵就有70度嘅水出，即使半夜要沖奶都一樣無有怕。

我仲開心到即時拆咗出來試機添！

無計啦，原先用開個個係儲水式長期滾住嘛，所以想話快手沖奶或熱飲都難！

用咗一排之後，我覺得Ulmuka嘅恆溫水機真係唔錯，

機仔細細夠的骰，而且外型簡潔，係慳位之選。

最重要係唔駛好似舊式水機咁長期滾住啲水， 

Ulmuka恆溫水機會將水煲到100度「全滾」之後再煲30秒以確保無菌再轉為恆溫，

所以較舊式水機較為安全可靠。

Ulmuka嘅恆溫水機設有Auto/Fan按鍵，

可以係煲滾水後用風扇降溫，夠晒方便！

而我亦因為咁而家終於可以忙裡偷閑飲返杯，抖一抖，輕鬆一下啦。

銷售點： 

沙田&荃灣一田

友和Yoho

Ready Go易購網

熊孩兒

新都城百貨

BabyHK 

@Ulmuka Hong Kong

http://www.facebook.com/UlmukaHK

http://www.ulmuka.com

#UlmukaHK #Ulmuka #水機 #沖奶

【小JM料理台】簡易黑糖小蛋糕

漫長嘅停課之路踏入第四星期

阿媽俾小主玩到有氣無得抖。

對住電力寶寶小JM，我呢個孕媽都要退避三舍。

為咗可以俾小主有啲勢毅，決定一齊整下蛋糕仔。

小主指定小食 - 黑糖薑小蛋糕

簡單易整，用AF焗十分鐘就有得食，仲要外脆內軟。

轉眼間呢個為食豬就已經清晒碟添。

自己tea自己整，無嘢做搵嘢來攪真係可以消磨到時間。

屋企勝在有廚師機可以玩下，都叫做多一個親子活動。

黑糖薑小蛋糕

材料：

雞蛋 三隻

豆奶 150ml

黑糖薑粉 120g

吉士粉 30g

梳打粉 5g

低筋麵粉 200g

無鹽牛油 30ml

做法：

1.) 將低筋麵粉用篩慢慢篩好備用

2.) 要將梳打粉、吉士粉及黑糖薑粉篩入廚師機中，攪勻備用

3.) 將無鹽牛油預先加熱座溶，備用

4.) 將蛋加入已攪勻嘅粉中

5.) 再將豆奶及牛油加入

6.) 以廚師機將材料攪勻備用

7.) 最後將粉漿倒入蛋糕仔模具，再以180度AF焗10分鐘即成

以AF烘焗小蛋糕其實都好方便，亦唔怕小JM會多手整到。

小蛋糕焗完可以有外脆內軟嘅感覺，好岩小朋友食。