星期三, 3月 21, 2018

【火車迷好去處】Megabox X PLARAIL繽紛鐵路派對

剛剛帶咗小JM去MegaBox參加復活節活動，小JM同一眾小朋友都玩得好開心呀。

緊係啦，MegaBox為咗迎接復活節，特意聯同 PLARAIL 為小朋友們送上一個「繽紛鐵路派對」， 當中包括咗全港首個PALRAIL超大型彈彈裝置以及大型PLARAIL 鐵路場景模型展，為一眾小朋友提供咗一個玩樂點之餘仲可以幫小朋友們鍛鍊一下大小肌嘅活動添，真係既開心刺激又好玩！

講起火車同車車可能大多數家長都會認為係男仔嘅玩意，
但對於我家小JM就剛好相反，
小JM係個「不愛公主，愛車車」之人。
所以今次見到咁多火車同車車出現喺眼前，小JM難免有啲按捺不住嘅。

不如一齊睇下有咩活動咁吸引啦！

全港首個超大型PLARAIL彈彈裝置　@MegaBox L5中庭

逾18呎高，38呎闊嘅PLARAIL列車大型彈彈裝置，以火車站為設計藍本，小朋友可以走進彈彈裝置內蹦跳，鍛練大小肌肉嘅活動能力，以及輕輕鬆鬆玩樂一番。
**有關每節遊戲時段詳情及活動細則，請參閱玩樂證及場內展板**

- 適合高度為85cm至140cm 之參加者。
- 每節遊戲時間為5分鐘

日期：3月21日至4月8日
時間：12:00nn - 8:00pm

日期：4月9日至4月20日
時間：星期一至五： 2:00pm - 7:00pm
星期六、日及公眾假期：12:00nn - 8:00pm


即扭即中大獎賞　@MegaBox L5中庭
憑玩樂證1張，即可從7呎高七彩巨型扭蛋機扭出扭蛋，
有機會獲得PLARAIL列車玩具、荷花禮券、AEON現金券或其他豐富獎品超過10,000份，
總值超過HK$180,000！
日期：3月21日至4月20日

時間：12:00nn - 8:00pm


PLARAIL復活繽紛大型模型展
@MegaBox L5中庭及L9 Kids Bazaar

展出數十部PLARAIL列車模型於路軌上及復活節佈置中穿梭，
當中包括新幹線、東京地下鐵，行駛山手線、九州及四國火車。
足以令大小朋友及粉絲們一次過飽覽多款日本鐵路，感受日本的鐵道文化。

日期：3月21日至4月20日
時間：10:00am - 10:00pm


PLARAIL期間限定店　@MegaBox L5中庭

多款PLARAIL新款列車玩具將會於期間限定店內發售，部份貨品更以優惠價發！

日期：3月21日至4月23日
時間：星期一至五：11:00am - 9:00pm   
　　　星期六、日及公眾假期：11:00am - 10:00pm


 場內其他活動介紹：

PLARAIL列車填色工作坊 *(名額有限，額滿即止)@MegaBox L9 Kids Bazaar
日期：3月24日至4月15日（星期六、日及公眾假期）
時間：3:00pm - 5:00pm

PLARAIL繽紛鐵路攝影區@MegaBox L9 Kids Bazaar
日期：3月21日至4月20日 
時間：10:00am - 10:00pm

張貼者： 於 沒有留言:

星期二, 3月 20, 2018

小JM愛玩樂。玩轉愉景灣。歷奇王國EpicLand

難得約埋一班朋友仔去玩，今次一於去遠啲，一齊衝向愉景灣！

愉景灣，其實真係一個好啱一家大細出遊嘅好地方，
有全港最大嘅臨海露天美食區，一個靚靚嘅沙灘及一座日系嘅玻璃禮堂之外，
原來仲有一間令大人同小朋友都為之瘋狂嘅Playhouse - 歷奇王國EpicLand添架！

去愉景灣除咗搭船之外，亦可以選擇係欣澳站轉乘DB03P到愉景北商場，
落車後步行數分鐘就會見到歷奇王國EpicLand架啦！

歷奇王國EpicLand，佔地面積約14,000平方呎，當中嘅遊樂設備足以滿足不同年齡嘅大小朋友，有可以空中漫步嘅Air Trek、VR體驗、考身手嘅攀石場及彈床，仲有刺激度高嘅長滑梯，亦有考驗手眼協調嘅射擊區及小型高爾夫球場。同時設小B們啱玩嘅幼童遊樂場及波波池添！
場內亦設有Cafe，玩到攰時亦可以食吓嘢抖下。

*場內設施設有高度限制，唔夠高就無得玩架啦，要聽從工作人員指示喔！*
彩虹滑梯 及 大型攀石牆　　  身高至少1米
空中漫步　　　　　　　　　身高至少1.3米
溫馨提示：
1.)　基於個人衛生問題，記得要著襪喔。
2.)　有唔舒服就唔好去玩，要多啲休息。
3.)　為咗保持整潔，場內係唔可以飲食架。

入園之前需要係接待處填寫一份豁免聲明，
如果想節省時間可以預先係網上下載填定到時帶來都得！



 聽完簡介係咪覺得好吸引呢？
不如就等小JM家為大家再作進一步嘅詳細介紹啦！

唔講咁多，即刻為大家介紹一下歷奇王國嘅好玩刺激設施啦！

一步入場館小JM首先就被一座色彩繽紛嘅滑梯所吸引，
即時連肚餓都唔理，實行玩咗先食！
彩虹滑梯一共有三條，每條30米長，滑梯形狀有如波浪。
夠快夠刺，小JM都玩咗不下五次，就連爸爸都大讚。


（圖片轉載自EpicLand）
彩虹滑梯旁邊其實仲有一條「黑洞」滑梯，
入面係完全漆黑一片，又會係另一種嘅剌激感覺。
朗爸試玩完都話有驚喜，因為你係唔會知道幾時到達地面！


幼兒小型攀石柱　及　攀石牆
係彩虹滑梯附近仲有一個專為幼童而設嘅小型攀石柱，
可以俾小朋友嘗試接觸及體驗攀石嘅感覺。


（圖片轉載自EpicLand）
如果大人想玩埋一份都無問題，
因為係另一邊亦設有可供大人攀爬嘅攀石牆，
不妨同朋友們來個比賽，睇下邊個最快登頂敲響鐘聲啦！


彈床區

呢度嘅彈床比一般玩開嘅更大，彈得更高更刺激！
有哥哥姐姐直頭打埋空翻添！
好犀利！


彈道飛球
一個滿載軟綿綿波波嘅彈道場。
場內滿佈波波，讓大人及小朋友彷如置身波波池一樣，
而且牆上更設有互動投影遊戲，
可以同小朋友一齊玩餐包。


球類運動場
一個集籃球、足球場於一身嘅多功能小型運動場
可以提供到設施俾小朋友練習一下球技。
小JM同弟弟年紀細，未夠高，所以就唯有叫爸爸幫手係啦。
迷你哥爾夫球
場內設有一個小型嘅哥爾夫球場俾爸媽們同小朋友一齊玩。
咪以為看似好簡單，其實要同小朋友一齊完成呢九條球道都唔易架。
真係要花多啲嘅耐性及時間架。


遊樂場
一個多元化又多變嘅遊樂設施。
場區內唔單止有繩網陣、迷宮、沙包及攀爬設施等，
能夠提供到一個安全舒適又可以鍛鍊體能嘅設施。
而且場區內仲設置咗幾條不同形式嘅滑梯添。
除咗有管形滑梯、旋轉管形滑梯及波浪滑梯之外，
仲有一個巨形滑梯，足以一次過俾四個人同一時間滑下架！
每條滑梯嘅速度都會有唔同，真係令人為之興奮，
最正就係管形滑梯嘅速度感，真係十分之刺激，夠晒極速！


幼兒天地
場內設有一個為三歲以下小朋友而設嘅幼兒天地及小小遊樂場。
唔單止同小屋、波波及攀爬設施，
仲設置咗幾組唔同類型嘅滑梯，分別有木屋滑梯、戰機滑梯及幻彩滑梯。
當中最特別嘅可謂幻彩滑梯，滑梯有木製成，滑道滿佈幻彩閃燈，
一滑而下彷如置身星空之中。

而另一樣比較特別嘅就一定係呢個水池外形嘅彈彈床。
彈床內裏設計成小魚池一樣，有魚仔、水草、小燈等。
小朋友每跳一下都會翻起波浪添架！


歷奇王國EpricLand唔止係一個小朋友玩樂嘅好去處，亦都係一個令大人重拾童真嘅天地。
場內亦有數個刺激好玩嘅活動啱大人玩添架，只要你夠膽量就可以啦！


空中漫步 Air Trek
呢個可以話係全日活動嘅焦點環節之一。
今次由朗朗爸媽上陣試玩呢個考膽量、考定力同耐力嘅空中漫步！
小JM媽就負責側拍同大家分享！（戰地記者mode!）

係出發之前，每位參加者都必須要配戴好安全帽、安全帶及防滑鞋，
督導員會再三檢查以確保安全！

Air Trek 一共有八個Stage，要完成晒都唔係一件易事，
真係要有勇氣同膽量架！


不過聽返朗朗爸媽分享返，原來踏出第一步先係最驚，
克服咗之後就會慢慢習慣，仲會越行越順。
但尾段就比較考驗平衝力啦！


 VR體驗館

VR體驗館設於Cafe之內，係需要付費參加嘅項目，每款收費HKD$25。
場內設有三款不同嘅VR體驗：
Capsule
Arena VR
The Lazer Maze (3 Round)



兩位爸爸都揀咗試玩槍Game！
又真係幾好玩咁喎。


360VR體驗
呢度同樣係VR機，但就可以將你反轉再反轉，真係同個遊戲名一樣！


Cafe 小食部
玩到咁上下就緊係要抖吓，再食吓嘢飲吓水補充一下精力啦，
唔係一陣點繼續玩呢？
呢度設有Cafe，提供各式小食及飲品，而且Cafe設計好特別添架。
食物嘅選擇亦算多，小至燒賣肉太，大至漢堡熱狗都一樣有。
小JM媽我就最鍾意火腿芝士三文治，麵包有別平時食到嘅，
而且仲好脆口添！正！


呢度唔單止有Cafe，仲有三間派對房，用來攪下聚會或者幫小朋友開生日會都一樣得！

即睇小JM家嘅Video分享啦!



歷奇王國EpicLand
地址：愉景灣愉景北商場地下G31
電話： +852 2441 0098

收費：（按此）

日票:
平日: (星期一至五 ，公眾假期除外)
兒童（1–12歲）　　：每位港幣$148（已包括一名陪同家長或助理）
成人（13歲及以上）：每位港幣$168

週末：（星期六、星期日及公眾假期）
兒童（1–12歲）　　：每位港幣$188（已包括一名陪同家長或助理）
成人（13歲及以上）：每位港幣$200












張貼者： 於 沒有留言:
標籤：

星期六, 3月 17, 2018

小M愛玩樂。玩轉大埔。鳳園蝴蝶保育區

早排我地小JM家去大埔參加由扶輪社舉辦嘅植樹活動。
而活動舉行嘅地點就係位於大埔市郊嘅鳳園蝴蝶保育區！

小JM媽雖然係大埔人，但係就未去過鳳園蝴蝶保育區。
去鳳園一啲都唔難，係大埔火車站搭20P小巴就可以去到附近，
落車後沿路步行就會見到凰園架啦！

凰園小簡介：
凰園係香港唯一為蝴蝶建立嘅保育區，
於1980年被劃入「具特殊科學價值地點」，
2004年更成為政府公佈12個優先加強保育地點之一，
係2005年環保協進會得到環境及自然保育基金資助，以「管理協議計劃」模式建立凰園保護區。


難得今次活動咁有意義，我地就緊係要帶埋小JM一齊去啦，
一來可以親親大自然；
二來又可以教導小JM要愛惜大自然；
三來仲可以親手植樹。


鳳園係活動前播放咗一段動畫短片俾大家睇，等大家了解一下蝴蝶會遇到嘅問題及蝴蝶嘅種類添。動畫片段既吸引又生動，小朋友們都睇得好認真。

而喺開始分組前，國際扶輪3450 地區 馮興宏總監 分享道:「能夠俾眾多蝴蝶棲息嘅地方就係鳳園蝴蝶保育區(鳳園)，呢度更被喻為蝴蝶天堂，係一個好值得保育地方。因此，自2017年起扶輪積極籌備植樹計劃，為香港保育盡一分力。」

原來扶輪社計劃在四月前到鳳園種植，期望種出3,000多棵灌木，以助蝴蝶棲息及繁衍下一代。所以今次能夠參與呢項活動真係極具意義架。


簡單講解完之後就開始分組，準備出發去植樹。
因為同行亦會有一班小朋友，所以會分開唔同組別，有小朋友嘅組別就會相對去近少少嘅園區。
係出發前每個家庭都會幫手拎盆栽及工具上去種植區，就連小朋友都有份出力。

到達後指導員會教家長使用工具除草，小朋友就幫忙將雜草丟棄。
過程中大家都分工合作，所以尚算順利。


除草過後就到重要環節 - 植樹。
工作人員好仔細咁按步驟教我地植樹。
先將泥土掘鬆，再將樹苗放入泥土，然後用泥蓋好根部。
最後就緊係要為樹苗淋水，等樹苗可以茁壯成長啦。


完成咗植樹活動之後，我地就跟隨工作人員一同去「賞蝶」！

唔講你可能唔知，原來香港一共有大約250個品種嘅蝴蝶架，數量係佔咗全中國嘅11%。
而當中約210個品種嘅蝴蝶喺鳳園都有架，佔咗全港80%之多，
其中約80個品種屬於本港不常見嘅添，
另外仲有大約30個品種更加係屬於罕見添架！

而講到鳳園最有名嘅明星蝴蝶就莫過於「裳鳳蝶」及「燕鳳蝶」。
當日我地小JM一家亦有幸見到「燕鳳蝶」嘅真身添！


完成導賞之後我地亦慢慢沿路折返鳳園休息。

其實係鳳園入邊仲有一個教育中心架，
入面仲放咗好多關於蝴蝶嘅資訊及演化進程添加
唔單止咁，係鳳園仲可以食到懷舊小食 - 菠蘿冰！

當日天氣都算幾熱下，所以我地都有俾小JM食菠蘿冰，
小JM表示凍冰冰好好食！


鳳園蝴蝶保育區其實只限會員先可以入去參觀架，
凰園每年都會招收會員嘅，如果唔想入會一樣無問題，
可以係丁訪當天俾HKD$20成為臨時會員都得架。



扶輪社　小簡介:
扶輪宗旨為「在世界行善」，1917年設立首個基金，名為「扶輪基金會」，成為國際扶輪內部一個獨特的組織。1929年，扶輪基金會捐出第一筆500美元善款予國際殘障兒童協會，以助有需要之孩子。而早於1905年，扶輪已逐漸發展自己的分社，由扶輪社員身體力行，為世界服務。至今扶輪的分社已遍及全球220個國家和地區，並以「We are leaders who act responsibly and take action to tackle some of the world's most pressing challenges.」為核心價值。

關於國際扶輪3450地區　小簡介:
國際扶輪3450地區是國際扶輪其中一個成員區，其範圍包括香港、澳門、蒙古國以及中華人民共和國廣東省在內，共有90個扶輪社，超過2,400名社員、76個扶輪青年服務團、81個扶輪少年服務團 以及 15個扶輪社區義工團。














張貼者： 於 沒有留言:
訂閱： 文章 (Atom)