星期五, 6月 08, 2018

愛Baby愛媽咪親子博覽。會場優惠資訊！

BB界嘅盛事真係一年比一年多，今年六月份仲有第一屆嘅愛Baby愛媽咪親子博覽添呀！

話晒係第一屆愛Baby愛媽咪親子博覽，自然亦預備咗唔少嘅優惠俾一眾靚媽型爸。
有別於一般BB展，展商不單送出大量免費入場卷及電子門票，就連優惠券小冊子(Coupon Book)都免費送埋俾你地添! 優惠券小冊子將會喺展覽嘅入口處，於入場後免費派發俾大家。
** 每人限領一本，先到先得，送完即止喔！**
除咗每日有免費嘅優惠券小冊子派發之外，展覽期間仲會每日限量送出 Dr Diamond 限量版1卡八心八箭仿鑽石925純銀吊墜 送添架!
只要幾個簡單步驟就可以參加，詳情如下：
1) 　讚好 愛Baby愛媽咪親子博覽 專頁 
2)　喺會場嘅「影相區」同朋友仔一齊影張靚相
3)　上載靚相去自己嘅 Facebook  (記得設定為公開)
4) 　Tag 最少2位朋友
5) 　完成後交給當值職員確認，即可獲得「仿鑽石925純銀吊墜換領券」一張

憑換領券可於展位G28「禮品換領處」就可以換領吊墜一份架啦!
** 每日名額50份，數量有限，先到先得 **
**另外有預先登記到換領Hallmark Babies 精美汗墊嘅都可以係同一個禮品換領地點換取。**




雖然今日仲打緊風，但我同小JM依然風雨不改咁親身去咗BB展，仲係現場搜羅各式好物及優惠添。
你又準備好去掃貨未呢？
未嘅話都唔緊要，等我同小JM帶你睇下現場有咩正野啦！

有部份貨品仲係小JM媽同小JM嘅心頭好來添架！
當然緊係唔少得要幫小JM入貨啦！

L08 日日用.全天然母嬰護膚系列
相信有留意開小JM專頁嘅靚媽都知道我同小JM係個「惹蚊尤物」，成日都總會俾蚊蟲咬。
為咗防止小JM越抓越狠而抓傷自己，我會俾小JM用呵呵笑皇牌萬用膏。
會場優惠價：HKD$99
另外今日係場內我亦用優惠價買咗枝防曬俾小JM用，無計啦，邊個會估到自五月起已經十足夏天咁先得架，
係時候買定防曬旁下身啦！

出街街天然防曬乳　
會場優惠價：HKD$199
護B六部曲套裝　　　HKD$799
溫和潔膚保濕套裝:
洗白白溫和潔膚泡沫＋滑嘟嘟保濕乳液　HKD$299

L19, L21 煒芝有限公司
德國幼兒教具
會場優惠價HKD$29~59




M05, M06 Trade Solutions Ltd
Calibowl
12安士嬰兒防漏吸盤碗連蓋
會場優惠價HKD$119
第二件HKD$99

Konfidence
環保游泳片(FREE SIZE)
會場優惠價HKD$69.3@

Snapkis
食物研磨套裝　　HKD$199@
汽車坐位保護套　HKD$199@
保護墊　　　　　HKD$299@
會場優惠兩件8折，三件7折


L01 盈思市場拓展有限公司
係B.Duck呀! 上次BB展買唔到，估唔到而家有緣再見，咁就緊係要帶佢地返屋企啦！
今日最開心應該係小JM，因為買到個紅粉粉嘅B.DUCK小背囊呀！
場內仲有多款唔同嘅背囊，價錢都係HKD$200+ 左右

炎夏將至，當然要買返啲游水用品啦！
-　B.Duck兜形防水口水肩       會場優惠價HKD$88
- 　B.Duck全棉三角領巾２個裝     會場優惠價HKD$79
- 　B.Duck廁所墊       　        會場優惠價HKD$151
原來仲有B.DUCK飲品，係純天然果汁！
會場優惠價HKD$23@

除咗買嘢Shopping之外，B.DUCK嘅攤位仲設有遊玩區，
可以俾小朋友玩住等媽媽買嘢添！
圖中嘅三輪車都只係HKD$140-咋

K24, K26 BB開倉
Hip Seat會場優惠價HKD$499

K02, K04 Ella's Kitchen
Ella's 係小JM最愛品牌之一，當然又係要買買買啦！
係最新出品嘅小食呀!
會場優惠價HKD$100/ 5包

K10 殿堂市集-元氣飲
元氣飲虱目魚雞精　會場優惠價：
3盒組　85折　  $1734
5盒組　8折　　$2720　
8盒組　78折　  $4243
10盒組　75折　$5100

L23 紫金堂
小JM唔單止飲過紫金堂嘅經期調理組盒，係我嘅母乳路上亦因為有疏乳棒而更加「路路亨通」。
詳細分享文: https://goo.gl/dK8He8
會場優惠單項產品將會有正價85折喔！

K17 承諾國際有限公司 
白因子 - 消毒抗菌品牌
醫學級消毒抗菌防護劑 500ml　會場優惠價HKD$226
多用途消毒抗菌噴霧 500ml　　會場優惠價HKD$226
消毒抗菌搓手液 100ml x 2　　  會場優惠價HKD$176

K15 Dance Union@ Sunny Wong
*FREE* 即場提供免費證件相拍攝 及 登記免費舞蹈試堂體驗

K25, K27 開心寶寶
日本HASHY長頸鹿電子量高器
 會場優惠價HKD$199

法國蘇菲長頸鹿嬰兒護膚用品
 會場優惠價HKD$239/ 2枝(可自由組合)


Video:



第一屆愛baby愛媽咪親子博覽❤Mom & Baby Expo
日期：6月8至10日
時間：早上10時至晚上8時
地點：灣仔會展5FG展覽館
張貼者： 於 沒有留言:

星期二, 6月 05, 2018

帶著小B去旅行。台中。貝兒絲樂園。親子餐廳

認識小JM家嘅朋友仔都知道我地好喜歡遊台中，除咗因為有朋友喺台中之外，其實我地一家都好喜歡台灣嘅風土人情及各大小景點、美食等。

年頭趁著小JM生日我地亦帶同長輩一同出遊台中，台中其實亦有好多大大小小嘅Playhouse，
今次我地就帶咗小JM去一間位於台中市西屯區內，充滿粉紅色彩嘅Playhouse - 貝兒絲樂園 (魔法世界主題館)

貝兒絲樂園 (台中。魔法世界主題館)係2017年中先開幕，所以亦算係好新淨。
係出發之前小JM媽亦曾經透過FB查詢時段及收費，
仲意外發現原來我地外國旅客去玩仲有獨家優惠包套，更加抵玩！


貝兒絲樂園除咗有得玩之外場內亦設有餐廳，玩到攰時亦可以食吓嘢抖下，抖完先再玩都仲得！

外國旅客優惠方案唔單止有得玩，仲有包埋大人同小朋友嘅食物同飲品添架！
兩大一小包套內容:
1x 肉醬義大利麵
1x 磨菇里肌飯
1x 雞薯拼盤
1x 兒童肉醬義大利麵
1x 兒童果汁
紅茶/ 綠茶/ 咖啡 (3選2)

好啦，食飽飽又係時候出發去玩啦！
出發之前就緊係要睇下個場內地圖，唔係一陣容咩易迷路架。
（圖片轉載自官網）

溫馨提示：
1.)　基於個人衛生問題，記得要著襪喔。
2.)　有唔舒服就唔好去玩，要多啲休息。
3.)　要保持場內整潔。

一進場小JM已經被一個粉紅至極嘅撲克牌古堡波波池所吸引。
我同爸爸見到都覺得好正，所以就一齊衝晒入去玩。
撲克牌古堡波波池內設有多個不同區域，不單止有滑梯，仲有滿滿嘅粉紅波波。
波波池嘅牆上更設置咗一系列水管運球遊戲添。
唔單止咁，場內仲設有一個障礙物區域，足以加速小朋友放電。
同時又可以訓練一下小朋友嘅大小肌肉同體能，仲好考小朋友嘅耐性同膽量添架。
除咗障礙物區域之外，喺撲克牌古堡內仲滿佈重重機關，有車軚陣、繩網等，想要玩滑梯都唔係易事呀。

玩完波波池想玩啲靜態少少嘅亦得！
露露魔法屋其實係一間夢幻嘅魔法樹屋。
雖然屋仔細細，但幾個小朋友坐係入面傾計都一樣得。而最特別係樹屋內竟然有手風琴呀！
係樹屋另一邊出口出來之後就會見到秘境特快車！
原來呢度唔單止有遊樂設施，就連電玩都有添！

電玩區旁邊就剛好有一間魔鏡變裝屋，可以俾大小朋友一齊變裝影相留念。

而連接住魔鏡變裝屋嘅就會係魔藥調配室！
魔藥調配室之內有兩個注滿水嘅大鍋，鍋入面有各種不同嘅小昆蟲及小動物。
如果你都想調配屬於自己嘅魔法藥的話，你就要記得著返件保護衣先啦！

如果小朋友喜歡玩角色扮演遊戲就可以去貝兒料理店、大胃麵包屋、雜貨市集及危哆修車廠啦！
呢幾個區都分別提供咗不同嘅玩樂設施俾小朋友去扮演日常生活中嘅人與事，有助加強小朋友之間嘅溝通及合作性。

雜貨市集：設有手推車及各式不同嘅蔬果，小朋友完成購物要到收銀機台付款喔。
收銀機真係可以掃瞄到標籤架，仲可以計數埋單！

貝兒料理店：小JM爸很耐心陪小JM玩煮飯仔，無他嘅，爸爸想小JM大個小小就一齊煮嘢食喎。
料理店內設有多款不同嘅木製小家電及用具，上至茶杯碗碟，下至焗爐攪拌機都一應俱全。

大胃麵包屋：可以俾小朋友扮演成店員及顧客，從而增加小朋友對日常嘅認知。

危哆修車廠 ：以為男仔先鍾意整車? 小JM話你知佢其實都好鍾意砌車架!
車廠入面有各樣工具可以俾小朋友體驗維修嘅樂趣。
唔知除咗車同飛機仲會整到咩呢？

場內除咗有秘境特快車呢款機動遊戲之外，其實仲有飆速金龜車！
場內有數款不同嘅復古金龜車，小朋友可以驅車係魔法書房嘅賽車跑道飛馳真係夠晒難忘。

如果想靜態嘅其實都仲有一個選擇，可以帶小朋友去益智玩具區度輕鬆放電，有得玩又有得睇圖書。

唔單止咁，場內仲有小型迷宮(威力奇異森林)、親子興趣小組等，
真係可以令大人同小朋友樂上一整天架。

而貝兒絲樂園係台灣嘅其他地區亦有好多唔同嘅主題樂園，
最新係六月尾會有 貝兒絲樂園 (桃園) 英倫小鎮主題館 開幕添架!
來緊會去台灣親子遊嘅你地唔好錯過啦!

即刻去片睇下有幾好玩啦!




貝兒絲樂園 (台中。魔法世界主題館)
營業時間：10AM ~ 8PM
電話：+886 (04) 2251-2859
地址：台中市西屯區市政路480號3樓(禮客百貨)

交通資訊：
客運/公車
1.第六分局
  統聯75、台中客運60、69往市政路方向步行約1分鐘。
2.河南市市政路口
  台中客運27，往惠來路方向步行約5分鐘。

開車 
1.中山高（國道1號）
  中港交流道右轉環中路，
  再左轉市政路於市政路惠來路口迴轉。
2.中彰快速道路
  市政路出口下交流道，市政路惠來路口迴轉。
3.中投公路
  文心路往北屯路方向，左轉市政路。
張貼者： 於 沒有留言:

星期一, 6月 04, 2018

BB敏感肌恩物│天然護膚有辦法。Fleurance nature Baby Cream

曾經有朋友問我：小JM啲皮膚真係好靚，我都想我小朋友好似佢咁。

其實小JM 的靚靚皮膚嘅背後都下了一番功夫，而家見到BB的皮膚變返滑嘟嘟，媽咪自己都覺得好開心。
曾經，當小JM仲係手抱嬰兒的時候是醜小鴨一名，兩邊臉泛紅之外仲有好多暗粒及痘痘，皮膚好乾燥。
小JM成日都忍唔住手去抓，甚至會抓損添。

見到小JM皮膚咁差，我地當時好心痛，試過好幾款嘅2合1沖涼洗髮沐浴露都未見有起色。
幸好有朋友介紹咗我地用有機嬰兒修護潤膚霜 Fleurance nature Baby Moisturizing Cream，小JM嘅皮膚先有好轉，Keep 住用左一排而家皮膚變得滑嘟嘟，她而家仲識得自己拎黎用添。

呢枝有機嬰兒修護潤膚霜嘅主要成份有金盞花、蘆薈及有機乳木果，氣味好清香自然；我最鐘意它採用天然配方，不含香料，減少過敏情況，嬰兒同孕媽媽都啱用。質感都好幼滑，極易推開，滲透力高，好快吸收哂，最重要是一點也不黏膩，皮膚Keep住清爽，夏天都可以用它。

小JM沖完涼之後我用來按摩全身皮膚，即刻可以紓緩到皮膚乾燥同痕癢不適。同系列的仲有Fleurance Nature 機嬰兒潔膚乳Baby Cleansing Milk 和有機嬰兒潔膚啫喱Baby Cleansing Gel，可以同時洗頭髮同洗身，咁樣用好方便。

小JM用有機嬰兒潔膚啫喱時好開心，沖涼洗頭2合1，可以一枝走天涯。
透明狀的啫喱，性質溫和，泡沫有微香，但又唔會澀眼，沖涼唔洗就住就住咁。
有機嬰兒潔膚啫喱都是100%天然，不含香料，可以話係敏感肌寶寶恩物。


有機嬰兒潔膚乳係清潔保濕2合1嘅乳液。
好多人都話剛剛出世頭幾個月唔駛成日沖涼會破壞小B幼嫩肌膚嘅保護層，
但在於媽媽角度又可能會覺得唔沖涼又唔得，有咗呢枝 機嬰兒潔膚乳就解決到呢個問題，
既可清潔又可以護膚，仲唔駛過水添，真心推介。
質地就好似平時俾小B搽嘅潤膚咁，只要加少少水溝一溝就可以用來抹面同身，而且仲好滋潤添。
當然，亦可以因個人需要睇下要唔要再過多次水啦。



#飛媽生活 #femumliving #試用 #試用活動 #fleurancenaturehk #芙樂思天然 #成分天然 #滋潤嬰兒幼嫩敏感皮膚 #有機天然產品 #金盞花 #蘆薈 #乳木果 #不含過敏原的香料 #babycream #babycleansing #babymilk #cleansinggel 

張貼者： 於 沒有留言:

私心推介│夏日居家好物。呵呵笑皇牌萬用膏

是咁的，本身小JM媽我都係對蚊過敏嘅體質，自小就俾蚊咬到「遍體鱗傷」要去睇醫生添。
唔知小JM係咪遺傳咗我嘅過敏嘅體質，同我一樣一俾蚊咬就紅卜卜，又痕又腫咁。
前排朋友介紹咗一隻韓國品牌「日日用」嘅萬用膏俾我同小JM，叫HOHO Balm 呵呵笑皇牌萬用膏。
單聽到個名已經令人好開心。
其實之前都有用開一隻澳洲嘅茶樹油軟膏，但係就係香港揾唔返所以都無再用啦。

​做咗媽媽後，好多時買嘢都唔止係買俾自己，大多數時間都係買嘢僻小朋友，
但講真，而家嘅產品種類繁多，想話搵一隻啱大人又啱小B用嘅都唔易，
都要花啲時間去尋找一下，好彩同朋友傾計交流之下發現呢一款好物，小JM媽就可以輕鬆選購。

呵呵笑皇牌萬用膏嘅主要成份包括有機蜂臘、濟州紫草根油及濟州枇杷葉提取物，
成份大多以天然為主，無添加劑亦無香料，致敏度同時亦相對大幅下降，所以我亦好放心俾小JM使用。

皇牌萬用膏唔單止大人可以用，連小B們嘅嬌嫩皮膚都一樣用得，即使極度乾燥嘅肌膚都啱用，亦唔會有半點「嗱住」皮膚嘅感覺。而呢一點亦係我在意嘅一環，畢竟小朋友肌膚幼嫩，不適宜使用太刺激嘅產品。
盒裝皇牌萬用膏設有扭蓋，便於攜帶而且不易被小朋友打開，放係手袋同背囊都一樣咁方便。
有時出街遇到蚊叮蟲咬時，亦可以即時使用止一止痕。
只要扭開盒蓋取適量嘅萬用膏搽喺係患處，再慢慢輕力按摩一下就得架啦。
你知啦，畢竟小朋友俾蚊咬就會不停抓，抓得勁嘅話分分鐘會損同流血架嘛。
而萬用膏當中亦含有尤加利葉油，可以止痕之餘都可以防下蚊，都唔錯呀。
小JM家用後感：
包裝：**** (3.5)
包裝及外觀可愛，小朋友亦較為易接受；
扭蓋設計不易被小朋友打開，亦不怕會被誤開而倒出來；
但外型略嫌有啲大，如果有小盒裝就更方便及易於攜帶。

氣味： ****
原本用開嘅澳洲品牌成份含有茶樹油，所以味道會比較濃烈一啲，所以小JM比較抗拒。
而呵呵笑皇牌萬用膏則味道較為清淡一啲，只會聞到一陣陣清幽尤加利葉味，用力聞感覺可以通鼻塞添。
小JM亦相對較為喜歡呵呵笑皇牌萬用膏。

質感：****
使用方便，可以用小勺幫助或用手指沾一啲皇牌萬用膏再搽係患處。
皇牌萬用膏質感細滑易於推開，雖然由精油所制但唔會有太油潤嘅感覺，易於吸收，尚算清爽。

用咗來搽蚊患處之後的確無再痕癢，而且有助消腫，效果亦算唔錯。
最重要係小朋友搽完即使唔小心摸到眼睛附近位置亦唔會有澀眼嘅情況出現，
呢一點都係我喜歡嘅原因之一。



日日用小簡介：
日日用 所出品嘅全天然母嬰護膚系列產品，原來係出自韓國濟州媽媽Eun Young架。
以「強保護，零傷害」為宗旨，實行將對子女嘅愛由友營堂傳開去，令更多媽媽受惠咁話添。
而一系列嘅全天然母嬰護膚產品都係零添加劑、零有害成分、零致敏、零香料，
保證完全天然，當中90%仲係有機材料，再以精工手作生產架。
唔單止咁，全天然母嬰護膚產品系列仲得到ISO 14001國際認證添架！




張貼者： 於 沒有留言:

星期六, 6月 02, 2018

當媽也要靚│CHOBS有機護膚系列。大人小孩一樣啱用！

唔經唔覺做咗全職媽媽五個月啦! 

未做全職媽媽時返工都仲叫做有個歇息嘅時間，食晏又可以放空一下；
但做咗全職媽媽真係好難可以話隨時叫「停」，想話抖一抖去個廁所都有難度。
想話要返啲自己時間就可能要等小JM訓咗先可以，
攪到幾乎都成兩、三點先訓，自己都覺得啲皮膚明顯差咗，
變得乾燥暗啞咗，最慘係有痘痘同好似出現小小嘅細紋呀~~~~~(HELP!)

老老豆豆，呢幾個月的確係少咗「打理」自己，還好爸爸未出聲~XD
為咗唔想嚇親爸爸同朋友們，以及令情況變得「一發不可收拾」，都係時候急救一下。

當媽之後不論係買咩都好，都總會留意有關商品嘅成份及原料。
而CHOBS剛好使用有機及天然原料，同時標榜無防腐劑、無人工色素、無人工香料、無礦物質油及無合成界面活性劑，所以我對品牌嘅信任度亦大大提升，因而決定用CHOBS嘅有機護膚品幫幫手!
就喺我煩惱緊應該揀邊款嘅護膚用品嗰陣，朋友介紹咗我用CHOBS嘅有機辣木美白抗皺霜。

辣木係近年新興嘅護膚用品原料之一，我同小JM都好喜歡辣木嘅清香氣味。
而CHOBS有機辣木美白抗皺霜含有有機辣木葉嘅提取物，
有助減少色素沉澱，平衡肌膚美白，令到皮膚可以變得有光澤及回復水潤嫩滑，
最重要係有效預防、撫平及修復肌膚細紋添!
使用方法亦好簡單，
只要早、晚喺搽完Cream之後取適量嘅有機辣木美白抗皺霜均勻咁搽喺面上，
再慢慢輕輕按摩至吸收就得架啦！
CHOBS嘅有機辣木美白抗皺霜不單唔油膩，而且容易被皮膚吸收，
加上清香嘅辣木香氣可以令人更易放鬆心情。

嗱～唔好話媽媽自私Shopping，我都有預埋小JM個份架。
有好嘢就緊係預埋小JM，實行一齊靚靚咁示人嘛。
而小JM用嘅就係CHOBS有機嬰兒護膚品嘅 有機嬰兒二合一沐浴及洗髮露 及 有機嬰兒潤膚乳!

小JM嘅皮膚仲係好幼嫩，所以係揀選沐浴露及潤膚乳嘅時候都會額外小心。
而CHOBS有齊晒認證，所以我亦好放心俾小JM使用。

CHOBS有機嬰兒二合一沐浴及洗髮露內含有機薰衣草提取物，氣味天然幽香。
而有機薰衣草有助放鬆及舒緩精神及肌肉緊張，同時又可以深層保護及滋潤肌膚、毛髮及頭皮。
只需將小量嬰兒二合一沐浴及洗髮露放於手心或頭髮，再加少少水慢慢搓就好容易形成泡沫。
泡沫遇水後就會被自然分解不殘留，但薰衣草香卻仍在。

CHOBS有機嬰兒潤膚乳亦係小JM嘅大愛，即使夏天用亦唔會過於黏膩，質感細滑水潤易於被吸收。
而有機母菊花水有舒緩功效，同時亦具有有清熱、消炎及抗菌之效用，可以令傷口加快癒合並有鎮靜作用。



CHOBS 小簡介：
CHOBS其實係一個有機護膚品品牌，而且製作用嘅原料都係已經獲取認證嘅有機草藥及天然原料（USDA, COSMOS, ECO-CERT），可以話係有保證嘅優質品牌。
CHOBS唔單止有護膚產品，仲有嬰兒護理產品添架，同樣採用已認證原料，以確保有效保護小B們嘅幼嫩肌膚，為小B們提供最好最舒適嘅保護。



張貼者： 於 沒有留言:
訂閱： 文章 (Atom)