是咁的，前排同小JM爸傾計個陣講開裝修，話想拆除雜物房再裝修，及更換新門鎖、門鐘等周邊設施，所以我閒時同小JM行經呢類型店舖個陣都會入內逛逛，順便打發一下時間。
前幾日咁啱約咗朋友喺旺角，但朋友臨時有事要遲啲先到，於是我地又去逛逛，好奇之下走咗入PLC 行。
今次就俾我遇到兩位好好人嘅店員，所以想藉此一讚。
話說當日我帶住小JM又諗住去睇下燈、鎖之類，誰知咁啱遇著小JM扭眼訓扭抱，仲喊埋添，剛好店員叔叔見到，仲幫手氹小JM同送咗隻公仔俾佢，等我可以放心繼續帶住小JM睇野。
其實當日我都睇咗好幾樣心水好物，不過全部都要等小JM爸拍板先得。
1.) 睡房 及 飯廳燈
老老實實，其實而家用緊嘅房燈係淘寶買嘅，但連埋運費都至少五百，話平唔平。
當時都擔心過飾燈品質及運送途中會有損壞嘅問題，但就係懶得行街睇。
點知前排盞燈壞咗，問題就出現啦！原來係好難打開來更換！真係激死人！
正因為前車可鑑，所以今次都係落鋪睇再慢慢揀。
今次喺PLC我同咗店員講出以上問題，佢地就俾咗幾個提議我：
泰國品牌Lamptitude，設計著重工業風格，而且價錢比較大眾化，較為合理。
配埋屋企原有嘅水管層架真係別有一番格調。真係好想入手。
簡潔嘅房燈亦有，店員話有啲燈罩原來係非玻璃，真係唔講都睇唔出。
Vistosi喺歐洲品牌，而且以Handmade為主，每一盞燈都可以話係獨特嘅。
呢幾款入面我就覺得呢盞吊燈稍為特別啲。
其實除咗Vistosi之外，當日我見到嘅呢一款歐洲燈都好靚。
除咗有掛牆款，仲有坐枱款。而掛牆款仲係磁石原理裝卸，十分方便。
而且物料仲可以隨時清洗，易打理。
而店員亦有提及燈飾係包安裝及保養服務嘅，所以真係好貼心。
最重要係呢幾款壞咗都可以拎個燈膽去配就得，唔駛壞咗又唔知點換咁無從入手。
如果樓底夠高的話店員亦提議飯廳燈可使用吊燈，增加空間感。
2.) 燈掣
燈掣可能對其他人來講無咩特別，但自從小JM出世後，我就覺得一個有得調光暗嘅燈掣好重要。
小JM想訓就調暗啲或者訓咗就熄，如果自己要起身半夜泵奶或做嘢就真係好方便，唔駛摸黑或者開燈嘈住爸爸。
可惜新屋呢邊個掣整咗三段光度，真係好想換埋個掣。
不過咁，店員都有提醒我，原來唔係每個燈都可以裝呢類燈掣架，今次真係長知識！真係唔可以亂來。
3.) 電子門鎖
老老豆豆，其實我試過幾次出街無帶門匙而罰企，所以我好明白無無鎖匙嘅無奈。
亦因為試過工人姐姐唔見鎖匙而幾乎要換鎖，好彩最後搵返。
所以小JM爸就提議不如換電子鎖，因為無帶鎖匙佢都唔駛再飛車返來湊我。
今日睇咗幾個款，原來電子大門鎖有分大鎖同附加鎖：而大鎖又可細分為推拉式及橫柄式
如果換大鎖，就需要將現時的大門鎖成把拆下來一換一，
如果唔想成把鎖換，而度門本身又有手把，就可以考慮加裝附加鎖。
我自己就幾鍾意推拉式手把，又靚又方便。
最重要係有得用密碼或指紋，啱晒我呢個失暈魚。
唔單止咁，原來啲鎖都仲配埋卡同匙，又可以用app 開門，真係好方便。
4.) 智能門鐘
唔好問我點解，但聽完又覺得好正喎啲功能。
因為遇著無人喺屋企但又有人送郵件/速遞來，都幾麻煩；
再者之前工人姐姐試過亂開門，真係俾佢嚇到個心都離一離。為咗唔想再有呢啲事情發生，我地已經裝晒CAM以防萭一。
咁啱同店員傾計講開，佢就介紹咗呢個系列俾我，仲要係新貨添。
Ring智能門鐘原來內置攝錄鏡頭及雙向對講嘅咪，通過手機或平板APPS就可以隨時監控家門狀況。
而最特別係門鐘設有感應器，偵測到有訪客/動態時，仲會透過APP通知我添，外遊都無有怕。
產品小簡介：
- 1080全高清超廣闊視野角度，可實時視像監控
- 內置揚聲器及麥克風，可即時與訪客雙向通話
- 可自設動態感應範圍
- 配備紅外線夜視功能
- 訪客到訪通知
其實呢個系列嘅門鐘同CAM最吸引的地方，係可以用充電式電池，唔駛用線架。真係省卻咗拉線嘅麻煩，少啲明線間屋都靚仔啲。而且換電又容易，同你換電視遙控的電池一樣咁簡單。
唔知我揀嘅又啱唔啱爸爸心水呢?
PLC
https://www.facebook.com/theplcgrouphk/
http://www.plc.com.hk/
九龍旺角道8號C一樓全層
電話: +852 2396 0077 / 6822 2055 (WhatsApp)
營業時間: 09:00 - 19:30 (星期一至日)
沒有留言:
張貼留言