新年固然之令人為之開心雀躍，
但屋企人多添一位小公主嘅喜悅就絕對係有過之而無不及!
話說小JM舅父家再多添一名小公主，小JM亦隨之而升格。
為咗可以令禮物更具心意更特別，小JM媽決定自己動手做尿片蛋糕。
繼而再係蛋糕加上禮物盒，並附送上小衣飾及用品，務求令禮物更貼心實用。
聽落好似有啲複雜？非也、非也！
其實要整尿片蛋糕都唔難，反而仲好簡單添！
不如一齊來研究一下點整啦！
材料：
初生尿片 一至兩包
紙巾筒 兩至三個
十吋蛋糕底紙 一張
粗、幼絲帶
熱熔膠槍
可按需要添存禮物盒，及於盒內放置禮品。
做法：
1.) 先將兩個紙巾筒用膠紙連接，備用。
如有廚房抹手紙筒更佳。
2.) 將已接合嘅紙巾筒用熱熔膠槍緊貼於十吋蛋糕底紙上。
3.) 將初生尿片拆袋備用。
可預先將尿片簡單排好，以便包起。
4.) 將尿片慢慢一片接一片咁包裹住紙巾筒， 並以橡膠作輔助，將尿片初步定形。
箍緊尿片後，再慢慢逐片加入以擴大成蛋糕模樣。
5.) 完成第一層後，可以用粗身絲帶預定長度，
再以熱熔膠槍將絲帶貼緊，使其固定於蛋糕之上。
6.) 再取出幼絲帶，並將絲帶打上蝴蝶結，即完成一層！
第二層做法亦相同。
7.) 因為要將嬰兒襪穩固於蛋糕頂端，所以要用小卡遮蓋紙巾筒口。
8.) 於嬰兒襪底部貼上皺紋膠紙，並將嬰兒襪貼於卡紙之上，即成。
9.) 為咗令尿片蛋糕睇落更靚靚，我亦另購材料整咗兩個皇冠小髮夾，並夾於尿片旁邊作裝飾。
^完成圖
完成後可以透明膠／紗包裹，即可用作送禮之用。
送出時亦不妨加多張心意小卡，咁就更加 Perfect！
來緊今個月我又要再整多一個尿片蛋糕啦，
因為小JM嘅細細表妹亦即將登場～！
我地一定既興奮，又期待！
最後附上一幅 偽一家四口連婆婆嘅合照。
