為嘅都只係想確保小JM所使用嘅物品已經被徹底消毒，可以安心使用。
從前只用作消毒奶樽，功能較為單一化，時至現在，我地想要嘅會係多功能一啲，
想要連小JM嘅餐具用品都可以消毒乾淨為主要。
我地用過最舊嘅一款消毒機可以話係最簡單嘅，只係單純消毒，而沒有烘乾功能，
每次烘乾後總需要除去殘留樽上嘅水珠及水氣先可以使用，真係無咁方便。
所以先要一轉再轉！
消毒機功能大比併
一般市面上嘅消毒機大致上可分為兩大類：UV消毒機 及 蒸汽烘乾消毒機
蒸汽烘乾消毒機優與劣：
優：
－只次需要加入清水以產生蒸氣作消毒
－不打開蓋可保溫三小時
劣：
－長期使用後會令底坐留有水垢痕跡
－以蒸汽方式消毒要小心避免觸碰，以免灼傷
－消毒後若打開蓋多次就失去消毒效用，需再作消毒
－非密封式儲存，有機會整濕組件
最初時用無烘乾功能嘅消毒機時已發覺不便，
後來改用蒸汽烘乾消毒機，使用方法上大致一樣，都係需要加入開水以產生蒸氣而消毒。
因為需要烘乾，所以時間上會相對變長，整個消毒及烘乾過程需時約45~50分鐘不等。
一般蒸汽烘乾消毒機機身都以PP塑膠製造，較容易老化。
其實爸爸最初係想買UV消毒機 嘅，只係當時有啲心大心細，所以卻步。
經過了解及比較之下的確好快立見高下，所以都係選用咗UV消毒機。
優：
－紫外線燈以作殺菌，唔需要額外添加水份
－使用時不會噴出蒸汽，會比較安全
－不打開蓋可維持12小時自動消毒狀態
－上揭式設計容易使用，無需組裝
我同爸爸用完UV消毒機後都覺得較為方便易用，而且無需擔心如何儲存小朋友用品／奶樽等。
以前消毒完烘乾晒就會放入盒再放入雪櫃，到用時先拎返出來～
而家相對就方便好多，就咁存放係UV消毒機就可以！
UV消毒機係採用歐洲製造紫外線燈，而且仲係雙燈管設計，殺菌高達99.99%架！
唔單上咁，部機仲係用咗304食品級鋼材製成添架！
^輕觸式版面設計
Kidcoo紫外線UV消毒烘乾機備有四個不同功能選擇，以符合不同嘅日常需求。
包括：全自動功能(AUTO)、UV紫外線消毒(UV)、烘乾功能(DRY)、12小時維護功能(Maintain)
功能小簡介：
全自動功能(AUTO)
同時烘乾及進行UV紫外線消毒程序，而且有三個不同時間長度可供選擇。
UV紫外線消毒(UV)
單一嘅UV紫外線消毒程序，有兩個不同時間長度可供選擇。
烘乾功能(DRY)
單一烘乾功能，有四個不同時間長度可供選擇。
12小時維護功能(Maintain)
呢個功能的確唔錯，不單可以每兩小時進行UV紫外線消毒，
即使係打開蓋取物件之後，亦會即時進行消毒添，真係安心又放心。
同時係蓋面仲會有倒數時限作提示添，好啱忙碌嘅爸媽。
首次使用UV消毒機小提示：
以前用蒸汽烘乾消毒機我地會用檸檬來辟除新機嘅膠味，
而UV消毒機亦然，不過相對就簡單一啲，至少唔駛全部部件洗一次先。
1.) 先用微濕嘅清潔布輕輕抹一下機嘅內部各個部份
2.) 將層架抹淨後就可以安裝好
3.) 再將檸檬切片，放置於機內
4.) 揀選AUTO運作兩次30分鐘即可使用
小提示:
記得每次使用時先要洗淨，並盡量FING走啲水珠先放入機。
而碗、水樽、奶樽 等物件則需要將樽口向上喔！
跟機有兩個層架，可以方便替換。
同時亦有兩塊過濾網附送添架，記得唔好掉咗呀。
^過濾網位置係背後喔!
Kidcoo
https://goo.gl/FBGsoC
沒有留言:
張貼留言