踏入六月份，又到咗一年一度嘅爸爸節時間啦，你地諗好帶爸爸去邊威威未呢？
未諗到都唔緊要，今日我同小JM就率先出動去咗位於黃埔嘅九號水產預先探路，準備帶爸爸來呢度。食。好。西！
唔講唔知，原來韓國人慶祝父親節個陣會屋企食海鮮慶祝，仲會加埋當造嘅鮑魚添架。
而咁啱黃埔嘅九號水產最有名就係韓國鮑魚，仲會一連四日舉辦全港首個嘅『韓國鮑魚節』添！
韓國鮑魚節 活動小簡介：
黃埔嘅九號水產搖身一變成為一個『鮑魚嘉年華』， 場內設有大型嘅POP-UP美食市集、攤位遊戲之外，仲有韓國文化及舞蹈團體到場表演！唔單止咁，場內更設置咗鮑魚探知館介紹養殖鮑魚及生態識添架。
日期 : 6月15日至18日（星期五至一）
時間 : 5pm-8pm（6月15日）、 2:30pm-7:30pm（6月16日至18日）
地點 : 紅磡德豐街 8號九號水產
事不宜遲，等我同小JM一齊同大揾出發去食好西啦！
講到明係【韓國鮑魚節】，無理由唔試下鮑魚架嘛！所以今日又點少得「食」呢個環節呢！
POP-UP美食市集:
【美食市集以HKD$20 成本價售賣鮑魚美食!】
為咗可以令大家盡情享用鮑魚美食 ，今次嘅韓國鮑魚節係會以 儲值通行証(food pass)形式進行 。
每張美食通行証售價為 HKD$200，只要我地拎住卡仔就可以喺場內攤檔按菜式及飲品 定價蓋印來使用 架。
場內仲設有購買通行証優惠添架，多買送：
1. 一次過購買兩張通行証，即送指定 小食一客（六款任選其中之一）
（包括： 一口博多地 雞、吉列炸蝦 、章魚小丸子 、豚角煮 、炒北海道辛辣魷魚 、涼拌北海道魷魚 )
2. 一日內買滿 九張美食通行証(最多累積兩張即日單據 )，即獲送即食鮑魚一 罐(100克， 內有三顆鮑魚 )，
3. 憑美食通行証一張 ，到場內精 品食材店購買任何鮑魚產均可享九五折。
鮑魚節仲另設酒精飲品通行 証(wine pass)，每張 HKD$100，憑卡可以暢飲各款酒類飲品。
(包括 清酒 、北海 道汽酒、 燒酎 、智利 白酒 及北海道 啤酒等)
圖中呢四款小食每款都只係HKD$20@
由上左起：
豚角煮、炒北海道辛辣魷魚
一口博多地雞、吉列炸蝦、章魚小丸子、角切鮑魚串配北海道黑薯糕
我同小JM兩個比較為食，所以我地都好不客氣地喺市集食咗好多嘢：
食咗咁多嘢就等我地來個小點評啦！
豚角煮
－ 昆布煮得好淋，而且豚肉爽彈，小JM都一樣啱食
章魚小丸子
－ 稍為有點乾身，但味道唔錯，熱食為佳
原隻汁煮鮑魚
－ 鮑魚都算淋，而且味道唔錯，一啖一口，讚！
炒北海道辛辣魷魚
－ 我出名唔食得辣，但呢個辣又真係好過癮。辣味係慢慢出來，魷魚爽口。
鮑魚汁溏心蛋蒟蒻麵
－ 呢個值得推介，小JM大愛！溏心蛋恰到好處！
角切鮑魚串配北海道黑薯糕
－ 黑薯糕小JM都食咗兩件，想話繼續食添！角切鮑魚夠淋夠軟。
（小JM食相。。。失禮晒～）
食完一輪就緊係玩下先再食啦，休息其間不妨到旁邊嘅鮑魚探知館了解一下鮑魚嘅習性同喜好呀！
探知館放置咗多張資料板，可以俾我地了解一下「鮑魚」。
睇完之後你會了解到鮑魚鍾意食咩及鍾意躲藏喺邊添架。
唔單止咁，內場仲放置咗一缸活鮑魚俾大家近距離觀賞，小JM仲慢慢研究鮑魚係點行添！
除咗有鮑魚俾大家觀賞，隔離仲放置咗兩個小裝置模擬一下養殖場及鮑魚生活嘅環境架。
小朋友夠大膽嘅可以好似小JM咁伸手入箱內探索一下喔！
了解完鮑魚嘅習性同喜好之後我地可以帶小朋友去玩下嘉年華攤位遊戲添架！
而每一張遊戲券為HKD$40，每張遊戲券可以玩兩個攤位遊戲。
1.) 把圈圈掟出套住汽水就可以有分，中得越多，得到越多印章
2.) 掟乒乓球入空心樽，每人 10次機會
3.) 每人有５個銀仔，將銀仔掟向底板，而無出界又中鮑魚仔就有獎
掟中九號水產 logo加鮑魚仔可獲５個印章
掟中兩隻鮑魚仔可獲３個印章
掟中鮑魚仔或九號水產 logo可獲２個印章
*我同小JM似乎唔太識玩嘉年華遊戲，所以只係得到安慰獎*
玩完一大輪又想食嘢嘅話可以去【即場磯燒專區】試下!
呢度係自助形式架，可以自己揀鮑魚，即撈即食不單止，仲有好多唔同食法添架！
上至鮑魚刺身，下至活鮑魚煎厚燒玉子都一樣咁吸引！
我同小JM都試食咗好幾款鮮活鮑魚，真係好味到不得了！
不如一齊睇下我地食咗啲咩再推介工嘢俾大家啦！
係，你無睇錯，真係咩食法都齊晒！
由上至下一一為大家介紹一下！
HKD$80- 活鮑魚煎厚燒玉子(連肝 )
HKD$40- 迷你鮑魚沙律杯
HKD$60- 活鮑魚刺身
HKD$40- 黑松露一口鮑魚鮭他
HKD$100- 磯燒海鮮拼盤C餐
HKD$100- 磯燒海鮮拼盤B餐
當中最為推薦嘅係:
活鮑魚煎厚燒玉子(連肝)
－ 將鮮鮑魚切片連肝臟一齊混入蛋漿煮，令鮮味提升不少。小JM一個人仔就已經食咗三份二。
活鮑魚刺身
－ 味道鮮甜，肉質爽脆味美！
由鮑魚節啟動開始至六月底，場內兩間食肆「饒之味 」及「翔太 」將推出 精心炮製限定鮑魚創作料理 ，包 括：
1. 「饒之味 」居酒屋 ：
鐵板鮑魚 ($68)、鹽燒鮑魚 ($68)、汁煮鮑魚 ($168/3隻)、鮑魚雞絲蟹 鮑魚雞絲蟹 肉粥 ($128)，全部以成本價出售。
2. 「翔太 」：
鮑魚刺身拼盤 ：鮑魚刺身拼盤 ，包括原隻磯煮韓國鮑魚，還有北海道拖羅、蝦貝類等七款 包括原隻磯煮韓國鮑魚，還有北海道拖羅、蝦貝類等七款 當 造海產 ($600)
唔單止咁，係6月16號當日仲會有表演添架!
6月16日 （星期五） 3:45 - 4:00 pm
Friends Junction Danz K-pop舞
6月16日 （星期五） 5:00 - 5:30pm
Dance Lab K-pop舞
有咁多咁正嘅好節目就快快手約定爸爸一齊去九號水產嘅韓國鮑魚節食正嘢啦!
事不宜遲，快啲記低資料啦！
Video:
歡迎追蹤 小JM 既Fanspage 「傑。斯與晴」：
如有任何查詢/合作，歡迎聯絡我同小JM 參與產品試用或者各樣活動
