小JM由九個月大開始，已經同我地一齊去旅行。
幸好小JM乖巧，從來都無試過哭鬧，而且仲好喜歡同享受搭飛機添！
除咗台中以外，我地帶小JM飛我最多嘅就係日本。
日本亦係一個好啱一家老少出遊嘅好地方，唔單止有動物園同水族館等，仲有好多免費嘅遊樂設施添，小朋友就最開心。
其實之前帶住小JM及長輩去日本時遇過一啲小問題架，好彩最後得朋友提點先解決到。
記得有次去大阪，想話飛之前預約定間餐廳食國產牛。
誰知餐廳網頁係全日文之餘，仲要只接受電話預約。結果我地只好等到埗後再打電話去訂位。當時大家都好擔心會Fully Book架。
不過而家就唔駛再擔心訂枱問題啦！
點解？因為朋友介紹咗我用一個超實用而且免費嘅預約日本餐廳網站「tripla.ai」！
呢個網詞唔單止免費，仲有五種語言可以揀添，包括：英文、日文、中文繁體、中文簡體及韓文添。
我地用過之後已經深深被「tripla.ai」所吸引，真係不得不同大家分享一下！
事不宜遲，等小JM即時話俾大家知「tripla.ai」有幾方便易用啦！
「tripla.ai」預約程序大暴光
1.) 先以電腦登入「tripla.ai」網站
登入後，可於右上角地球圖案選擇所需語言。
網本提供咗五種語言以供選擇：英文、日文、繁中、簡中及韓文
2.) 揀好語言後，可根據右下角小提示嘅指引以開始使用聊天視窗訂位。
小提示：
係開始預約前可以預先記下所需預訂嘅餐廳資料，以便加快預約速度。
如：餐廳名稱、電話及地址等。
今次我地嘗試預約大阪有名嘅 國產牛燒肉あぶりや (道頓堀御堂筋店)！
3.) 按指示輸入餐廳名稱或分店名稱 以及 餐廳電話
4.) 提供所需預約嘅資料。
如：日期、早午晚餐選擇 及 時間
5.) 完成選項後將會返回對話框。
並需按指示提供以下資料以繼續預約：
－人數 (分別填寫大人及小朋友人數)
－小朋友年齡
－電郵地址
－預約者姓名
－特別要求 （如兒童椅、禁菸席、素食等，都可以係呢度註明）
6.) 填寫好所有預約資訊後，「tripla.ai」將會發送一個Email以確認訂枱。
而我地亦需要係Email點擊「連結 」以確認預約。
7.) 確認完成後就會見到係狀態欄呈現：完成預約
即表示你已經成功預約到啦！
取消預約小分享：
明白到行程會受到不明因素而影響以致有機會需要改期。
如需要改期的話，緊記必須要預先取消原有的預約，做個有責任心嘅客人，同時亦免卻浪費了店家嘅一番心血。
1.) 再次開啟確認預約嘅Email，並點擊「連結 」以進入相關版面以取消預約。
2.) 於資料下方點擊「取消預約」，即可將預約取消。稍後「tripla.ai」亦會再次以Email告知已成功取消。
日本餐廳小推介：
大阪：
国産牛焼肉あぶりや道頓堀御堂筋店
大阪府大阪市中央区西心斎橋2-5-9 ドン・キホ―テ道頓堀御堂筋店10F
050-5280-4570
小JM家小分享:
牛魔王小JM 爸點名要食嘅日本餐廳之一。
以吃到飽嘅放題而言，其實CP值都尚算Okay，唔會太差。
當時我地帶埋小JM同行，小JM仲細，所以未有計算在內。
店家都有提供小B用嘅掛枱式餐用椅、兒童餐具及即棄圍兜，即使坐卡位都一樣可以安置到小B！
卡通迷之選：
東京：
姆明Cafe
東京都文京区春日1-1-1 東京ドームシティ ラクーア1F
03-5842-6300
小JM家小分享:
小JM第一次出遊日本嘅第一站就係拜訪位於博多運河城內嘅姆明Cafe！
當年結婚都係以姆明做小主題，小JM可能對得多姆明嘅嘢，從小就有認識！
到達Cafe後小JM見到周圍都係姆明，表現我非常開心，仲忍唔住錫咗Menu一啖添！
舊Blog回顧：
福岡：
Snoopy茶屋
大分県由布市湯布院町川上1524-27
0977-85-2760
小JM家小分享:
Snoopy茶屋亦係值得一去嘅親子對食好地方之一。
不論裏裏外外都有打卡影相位，影相打卡一流。
Snoopy茶有提供小朋友餐椅同餐具，而且店內食物都極具Snoopy色彩添架！
舊Blog回顧：
