星期三, 4月 18, 2018

當媽也要靚│泰國大熱面膜。RAY蠶絲面膜

當全職媽媽之後發覺仲忙咗，休息時間少咗，有時甚至可能要半夜先有得訓添。
亦都因為咁小JM媽我殘咗又攰咗。。。

為咗可以令自己個樣睇落去醒神啲又無咁攰，所以我決定急救一下。

最近就試咗一款喺泰國大熱嘅面膜 - 「RAY蠶絲面膜」，大熱嘅程度就連范爺范冰冰同電影<美人魚>女主角林允都有用，咁小JM媽我就緊係要試試，睇下我仲有無得救啦。

「RAY蠶絲面膜」小簡介:
泰國妝蕾RAY面膜源於泰國清萊。
於2014年由諾帕頓·礽西先生（又稱坤儂先生）在泰國研發妝蕾RAY蠶絲面膜，
並於同年8月在泰國本土售賣。

RAY Mask香港澳門總代理為清邁草本貿易公司 Chiangmai Herbs Trading Limited。
而妝蕾® 係 RAY 蠶絲面膜嘅官方中文版名稱來架！



RAY蠶絲面膜係有兩款嘅，分別係金色同銀色包裝，而功效亦都有唔同架！

金色及銀色面膜嘅功效及主要成分：
金色款主要成份包括有：
金箔、蝸牛原液、膠原蛋白、EGF 表皮細胞生長因子、海藻-尿囊素
而金色款嘅功效就係可以令肌膚緊緻彈潤、淨斑亮白、淡紋去痘，最重要係可以令肌膚回復柔嫩幼滑。

銀色款主要成份包括有：海藻 - 尿囊素、蝸牛原液、膠原蛋白、甘油、甜菜鹼
而銀色款則有深層補濕、修復肌膚、提亮膚色及嫩膚抗皺嘅功效。

小JM媽用後感：
●　比一般用開嘅紙面膜更薄更柔軟貼面
●　夠滋潤補濕，但唔會有黏膩嘅感覺
●　無香料無味配方，大幅減低過敏機會

而小JM媽個人而言比較喜歡銀色款嘅蠶絲面膜，敷完一次已經明顯覺得肌膚有改變。
最重要係少咗多餘油光，毛孔亦細緻咗。


售賣點資訊：
最新消息來緊4月尾開始全線屈臣氏、 SASA 化妝品(包括香港及澳門地區)、萬寧(包括香港及澳門地區)、香港屈臣氏、雅施ASTER 及阿布泰國生活百貨都有售啦！


不過話時話，小JM媽聽朋友講過有冒牌貨嘅出現，所以今次都俾小小貼士大家，
等大家一齊做個精明嘅消費者，咁就唔駛怕俾人呃買咗假嘢啦！
●　正版金色面膜會有Gold字樣
●　左下角泰文字較長而且位置貼近盒邊
●　正版背後會有圖文並茂嘅使用教學
●　有【妝蕾RAY】字樣嘅QR CODE防偽標籤
●　防偽標籤印有正版網站: www.rayanskin.net 及顯示十六位數字防偽碼




張貼者： 於 沒有留言:

星期五, 4月 13, 2018

【Marvel】十周年展 + 《復仇者聯盟3:無限之戰》展覽

來緊Marvel系列電影又有新戲碼即將上映，更適逢Marvel Studio踏入十周年，可以話係一件盛事！
小JM家就收到邀請出席由又一城、HOT TOYS及渣 打銀行舉辦嘅 「Mavel Studios十周年及 《復仇者聯盟3︰無限之戰》 展覽。

又一城率先全港獨家獨出由Hot Toys 超逼真打造嘅十個超級英雄、宇宙霸主魁隆原大雕像及一系列極像真嘅1: 6比例珍藏人偶；以及 超巨型 「鐵甲奇俠Mark50」！

不如就一齊來跟住小JM家睇下有咩打卡呃LIKE熱點啦!

Mavel Studios十周年及 《復仇者聯盟3︰無限之戰》 1:1 雕像與1:6珍藏人偶展覽
位置: 又一城LG2層
場內展出多個不同Marvel中嘅經典角色及場景，包括有: Iron Man、美國隊長、雷神、Hulk Buster等
就連年青版嘅樹人同奇異博士都一樣有!
唔單止咁，同場仲有 1:6比例珍藏人偶及1:4比例無限手套珍藏品添！
而係展覽會場之內亦設有IG相片打印專區，
只要係場內影完靚相，再按指示上載相片及標籤: #festivalwalkhk #Avengers3
即可列印出一式兩張嘅靚相架啦!
有需要嘅可以請在場工作人員為你剪開相片，咁就可以同好朋友分享啦！

IG相片打印專區:
開放日期:
4月14~15日, 21~22日, 28~29日
5月1, 5~6日
開放時間:
下午1時至6時




Hot Toys 期間限定店 獨家發售  《復仇者聯盟3︰無限之戰》 電影精品
位置: 又一城LG2層
Pop Up Store唔單止有各式各樣嘅精品出售及預訂，
場內亦設有多個Q版COSBABAY人偶，啱晒打卡同影相呀！

喺Pop Up Store消費滿HKD$200以上就可以獲贈Hot Toys COSBABY A5文件夾添架!
數量有限送完即止，想要就要快手啦！

Mavel Studios十周年電影戲服及道具展
位置: 又一城G層
場內展出咗六套復仇者聯盟主角嘅經典戲服及道具，包括 ：美國隊長、雷神、黑寡婦、奇異博士、蟻俠及紅女巫。
同場亦有兩個1:1原大嘅「戰爭機器」，以及來自神秘國度嘅「黑豹」！

而數到全場最矚目嘅就莫過於呢個超巨型六米高嘅「鐵甲奇俠Mark 50」!
係咪好有氣勢呢?
咁巨型又咁吸晴，又點忍到手唔打卡影相呢！

VIDEO:






張貼者： 於 沒有留言:

【熊熊來啦!】We Bare Bears 熊熊自拍遊@LCX

小JM雖然人仔細細，但其實都係一名熊熊愛好者。
今日好開心可以同小JM 一齊出席位於尖沙咀LCX嘅【LCX x We Bare Bears 熊熊自拍遊】展覽！
《We Bare Bears》 早已經風靡全球各地，迷到不少大人及小朋友，而今次三位主角Grizzly、Panda及Ice Bear 受到LCX嘅邀請，所以遠道從美國來到香港大玩Working Holiday添！
呢三個熊Bear Bear 夢想紅爆網絡世界，所以三兄弟不惜入鄉隨俗，實行要深入體驗香港地道飲食文化咁話。
而喺LCX更設置咗四大打卡影相位俾大家一齊同熊熊三兄弟Selfie 、打卡同呃LIKE添架!


打卡影相位介紹:
「熊茶居」
要講最吸晴、最曯目嘅打卡點就莫過於以懷舊「港式茶樓」作賣點嘅「熊茶居」!
除咗佈置風格夠復古之外，呢度仲有三隻接近1.6米高嘅3D熊熊添架。

大哥Grizzly叫到滿枱點心，但就坐喺枱前不停「相機食先」；
二哥Panda就拎住個包包搏命擺Pose自拍；
弟弟Ice Bear就一邊做嘢一邊自拍，連神器都出動埋添！

「熊和堂」
提到香港特式又點少得涼茶鋪呢！
熊熊由美國而來一定未見識過，就緊係要帶熊熊見識見識啦！
之但係，Panda好似面有難色喎，唔通Panda怕飲苦茶?

「熊邊攤」
美國有美食車，香港舊有傳統呢就有木頭車！
仲有好多香港地道嘅傳統小食添，就好似雞蛋仔同夾餅咁，夠晒風味。

「熊熊士多」
講到傳統自然唔少得舊式嘅士多啦！
絕對唔會輸蝕俾超市架。

【LCX x We Bare Bears 熊熊自拍遊】 展覽情報
日期：2018年4月 13 曰至6月 17 日
時間：上午 10:00 至 晚上 10:00
地點：尖沙咀海港城海運大廈三階 LCX


💕 LCX x We Bare Bears期間限定店 －「熊熊雜貨店」情報
營業日期：4月下旬至6月中
營業時間：上午 10:00 至 晚上 10:00
*(詳情請參閱LCX官方Facebook及Instagram @lcxhk)


💕 LCX x We Bare Bears限量版禮品  換領情報
日期：2018年4月 13 曰至6月 17 日
時間：上午 10:00 至 晚上 10:00
地點：尖沙咀海港城海運大廈三階 LCX 顧客服務部
(A) 消費換領
於 LCX消費滿 HKD$1,500或以上(最多4張即日發票)，可免費換領 「LCX x We Bare Bears限量版摺疊購物袋」 乙個；
消費滿HKD$5,000或以上(最多8張即日發票)，可免費換領 「LCX x We Bare Bears限量版八達通配飾」 乙個 。

(B) 分換領
LCX獎賞咭會員憑5,000分可免費換領 「LCX x We Bare Bears限量版隔熱墊」 乙個；
憑10,000分可免費換領 「LCX x We Bare Bears限量版八達通配飾」 乙個 。


💕 We Bare Bears熊熊三兄弟驚喜現身 情報:
日期：2018年4月28及29日
　　　2018年5月1、12、13、16及17日
時間：下午 3:00 至 5:00
地點：尖沙咀海港城海運大廈三階 LCX 正門





歡迎追蹤 小JM 既Fanspage 「傑。斯與晴」：
如有任何查詢/合作，歡迎聯絡我同小JM 參與產品試用或者各樣活動
媽咪既Email係： sleepyceci＠hotmail.com
張貼者： 於 沒有留言:

星期三, 4月 11, 2018

小JM料理台。腸道問題。通便湯水

小JM媽我從小到大腸胃都屬於敏感型，稍為食到一啲不潔或油膩嘅食物時就會好容易出現肚瀉嘅現像，嚴重嘅有時仲會引發成腸胃炎添。

係孕期嘅時候，小JM喺我肚入面個陣醫生曾經照到小JM腸道有光影，
所以成個孕期都需要照超聲波去監察小JM既腸道健康問題。（政府同私家兩邊走。。。）
而小JM出世個陣仲即刻被送去NICU留院觀察咗一晚，要到第二日嘅中午先可以返來我身邊。

初生時期，小JM都好努力，所以我地都無遇到特別問題。
直至到小JM開始加固之後，問題就慢慢開始浮現啦。

明顯地見到小JM加固後去便便嘅時候比較辛苦，但事實上小JM嘅膳食一直都係多菜少肉，而且小JM每日都會飲足夠嘅水添。

眼見小JM因為去便便而攪到坐立不安同大喊，當媽既又點會唔擔心。
為咗可以緩解小JM去便便嘅問題，亦試過好多唔同嘅方法，簡單如按摩肚仔及飲用益生菌一樣試過。但好可惜，問題依舊存在。

講真，每當見到小JM因為去便便而攪到喊晒嗰陣，個心真係好痛，亦覺得好自責，因為可以做嘅都做晒，但仍然幫唔到小JM舒緩不適。

為咗可以有效地舒緩便便問題，我決定再次喺小JM嘅飲食方面著手。結果小JM嘅問題終於有所改善，去便便個陣唔再喊晒口，媽媽我亦終於都可以鬆一口氣。


保持腸道健康小提示：
－　多進食各類水果、蔬菜、豆類、果仁、全穀類食物，攝取多啲纖維。
－　進食酸奶、乳酪及經過發酵嘅食物有助促進腸道健康
－　最重要當然係要飲多啲水


【印度椰子紅蘿蔔粟米雪耳百合湯】
唔好以為呢個湯好普通無咩特別，其實每樣湯料都對身體好有益處架！
適合男女老少飲用，而且清潤得來唔油膩，湯渣都啱小朋友食。

印度椰子：化痰止咳，潤肺清熱，滋陰養顏之效
紅蘿蔔：　健胃養肝明目。
粟米：　　利尿去腫退黃、降血糖及膽固醇
雪耳：　　補脾開胃、益氣清腸、養胃生津、滋陰潤肺
百合：　　潤肺養陰、止咳及清心安神作用


材料：
印度椰子　一個
紅蘿蔔　　一個
粟米　　　一條
雪耳　　　半朵至一朵
百合　　　適量
瘦肉　　　
南北杏　　適量
蜜棗　　　一粒

做法：
1.)　預先將雪耳以清水浸泡約三至四小時。
　　浸泡後可將雪耳蒂除去並切成小塊。
　　南北杏、百合及蜜棗以水浸泡或清洗，備用。

2.)　印度椰子、紅蘿蔔及粟米先洗淨並切成小塊，備用

3.)　將瘦肉稍作清洗再汆水，以除去多餘油份，備用。

4.)　預先煲滾一煲水，再將湯料逐一放入。

5.)　煲約個半小時即可。



歡迎追蹤 小JM 既Fanspage 「傑。斯與晴」：
如有任何查詢/合作，歡迎聯絡我同小JM 參與產品試用或者各樣活動
媽咪既Email係： sleepyceci＠hotmail.com

張貼者： 於 沒有留言:
訂閱： 文章 (Atom)