二寶媽日常。加固由此起

 轉眼間二寶已經踏入加固階段，亦意味住我呢個二寶媽又要忙多幾轉。

為咗可以節省更多時間同工序，今次我決定入手嬰兒食品蒸煮攪拌機來幫輕下！

以前整糊仔同果蓉俾小JM真係要花好多時間去洗洗切切，又要蒸又要煮，而家仲遇著 #停課 湊住兩個喺屋企，完全無可能花咁多時間係廚房🤦🏻♀️

前排同媽媽朋友講開加固問題時，大家都有提議選用蒸煮攪拌機幫手整糊仔。由二寶開始，不論奶泵、奶樽定奶嘴我都係揀有信心保證的 #PhilipsAvent，所以今次都毫不猶疑入手咗同時兼備蒸煮、攪拌、解凍同加熱功能於一身嘅 4合1嬰兒食品處理器！

早排係BB展我已經有留意到呢部機，機身慳位之餘仲要同時集四大功能於一身，啱晒廚房細細嘅我地！

同一部機、同一個器皿就可以輕鬆完成蒸煮同攪拌，既可省卻處理生熟食物嘅衛生問題，又可以節省洗嘢嘅時間，可以話係一舉幾得！

^食材切成小粒放入機就可以開始蒸

^蒸完倒轉就可以攪伴，夠晒方便快捷

對於加固初期嘅BB而言，糊仔質地最緊要係夠幼滑，可以從中訓練BB學習吞嚥技巧，之後再隨著成長而改變食材嘅質感同份量，照顧到BB唔同階段嘅食物需要。

^攪伴完嘅食材變到好幼滑好Creamy，啱晒二寶食！

呢部蒸煮攪拌機用咗嶄新嘅蒸煮技術，令蒸氣可以係器皿內循環對流，確保食材可以均勻受熱，同時唔影響食物本身嘅質感，咁樣BB食得自然開心啲啦！

仲有！呢部機容量大，1000毫升咁多一次過預備定多一、二餐份量都唔成問題。最重要係部機嘅配件較少，好容易就可以拆件清洗，我多數煮嘅係蔬果同少量肉類，好多時開水龍頭直接沖洗都已經洗得七七八八，三兩下手勢就好快洗乾淨，啱晒而家停課湊住兩個嘅Busy Mum！

^一次過整定二至三份，再用食物儲存杯裝好，下餐拎出來加熱就可以食。

見到二寶食得咁開心又追住食，當媽嘅自然就更加落力煮多幾味添啦。

^為食二寶