仲有一個月就聖誕節，係時間要為屋企嘅大小朋友預備聖誕禮物啦！
想為家人送上一份貼心而且要啱一家大細用嘅聖誕禮物，真係唔容易，諗到我頭都大埋。
上星期見到呢款GENIE花灑頭嘅介紹，性價比好高（HK$165咋），好啱一家大細用，特別係小朋友。仲未開始自己沖涼嘅小JM，呢份禮物就啱哂佢，自己拎住花灑頭學習自己沖涼，同時訓練佢嘅自理能力。半透明花灑面睇到哂啲水流動，小JM話好得意丫！
^聽完朋友介紹之後已經忍唔住入手咗GENIE花灑頭，仲提前拆禮物添啦！
原來GENIE花灑頭來頭都唔少，曾經拎過多個國際設計大獎，包括Red Dot Design Award、iF Design、Good Design Best 100、Á&D China Awards及DFA Design for Asia Awards。
最近仲拎埋水務署「創新節水花灑頭設計大賽」專業及企業組嘅金獎添。
^GENIE花灑頭係透明架！仲有小配件係拆開花灑頭清潔用。
GENIE花灑頭有別於一般傳統花灑頭，不單外型同顏色討好，而且實用得來仲可以慳水節能添，可以話係一舉數得。
想知GENIE花灑頭有幾吸引? 等我JM媽話你知啦！
小JM媽點評:
內外兼備
GENIE花灑頭可謂內外兼備，不單設計輕巧，而且有三款顏色可以揀，有多數小朋友會鍾意嘅半透明糖果色系既綠色、粉橙色、灰色。
花灑出水面嘅設計包含咗120個微噴孔，有助穩定水壓，唔怕會刺激皮膚。
清潔Easy Go
GENIE嘅半透明花灑面可以拆開清潔，比傳統花灑頭更易打理。
只需使要用附送嘅小工具或硬幣就可以輕鬆地將半透明花灑面扭開並清走積聚嘅污垢、礦物沉積物等。
定期清潔花灑頭仲可以確保水質衛生，咁就用得更加安心又放心啦！
慳水節能
花灑頭每分鐘出水量達8.4公升，比傳統花灑節省四成用水量，
而且仲得到水務署嘅一級用水效益標籤，有效節省用水兼慳水費
自從屋企換咗GENIE花灑頭之後，對學習緊自己沖涼嘅小JM來講係一件樂事，沖涼都變得開心又好玩。
除左我呢款綠色，仲有粉橙色同灰色架～
沒有留言:
張貼留言