小JM從小就喜歡黏著我同爸爸一齊訓，直到小JM長大，我地就開始嘗試放手俾小JM試著自行入睡。
係小JM歲半時開始，我地就試試俾小JM自行入睡，
初時小JM扭鬧得比較多，總係要扭著要我或爸爸陪睡，而且仲唔俾我地熄晒全部嘅房燈添。
我同爸爸都明白，想要小JM自行入睡並非一時三刻可以做得到，
所以我地亦試著循序漸進地慢慢為小JM改變一下模式。
為咗令小JM可以知道「係時候訓覺」，我地會訂定一啲「睡前儀式」：
1.) 預告式：預早十五分鐘講定稍後需要刷牙、訓覺
2.) 刷牙
3.) 入睡房準備開始Bed Time Story
5.）將燈光調暗 或 熄燈
6.）Kiss Good Night
其實小JM想我地「陪訓」大多係因為缺乏安全感及怕黑。
小JM習慣要開微微嘅燈光之餘，仲要手拖住我地嘅手。
有時手鬆咗，或訓咗之後大家甩開，小JM亦試過突然起身摸黑搵手拖。
為咗令呢位小妮子可以克服怕黑呢個舉動，我地連伴讀嘅童書都會選擇與黑暗或訓覺相關嘅主題。
而朋友知道我地揾呢類童書，亦為我地推薦咗兩本由小麥文化所出版嘅燈泡書。
呢個系列一共有兩冊，分別係《貓頭鷹的秘密派對》及《小魚兒的深海寶藏》。
而小JM最終係揀咗貓頭鷹先生嘅，當晚返到屋企亦急不及待想睇。
我自己都喜歡呢個系列嘅童書，不單只因為書本設有小燈泡可以吸引小JM注意，
而係因為呢本書仲附送咗一本「開口說、動手做」嘅小冊子。
「開口說、動手做」小冊子除咗俾到提示爸媽去提升講故事嘅技巧之餘，仲提供咗數個不同嘅延伸遊戲、活動及小手互等，等小朋友可以一同融入故事之中。
^親子伴讀嘅小提示喔!
^延伸小遊戲
對於大個少少嘅小朋友，仲可以一齊做簡單討論添。
唔單上咁，小冊子仲有一啲中英對照嘅字詞提供，可以俾小朋友邊讀邊學添。
^中英對照字詞
當晚我同小JM一齊展開我地嘅燈泡書之旅，一齊去睇貓頭鷹先生添。
小JM亦顯得好投入，大部份時間亦可以做到互動嘅效果。
^真係有聽指示去指出月亮係邊架!
^狐狸小姐好靚呀!
^臨訓要捉晒啲燈放係額頭，之後就要熄燈訓囉！
到故事結束時，我亦會關上燈泡書嘅燈光，表示貓頭鷹先生都要訓覺，而小JM亦肯合作準備入睡。
小提示：
書中嘅LED小燈係用電池嘅，如果無電亦可以隨時更換。
LED小燈已通過國際 ISO 安全標準，所以爸媽都可以放心喔。
有興趣入手小燈泡系列童書嘅爸媽，不妨留意一下出版社嘅優惠資訊喔！
出版社亦會不定期推出限時優惠嘅消息架。
購買資訊：
小麥童書館： https://goo.gl/7ekCEK
各大書店有售
沒有留言:
張貼留言