實不相瞞，其實我都已經有好多年無再轉過粉底，即使係陀B時，都係一直沿用呢個品牌！
對上幾次到訪Covermark時，
都只係衝忙、快速地同店內嘅BA姐姐講:「唔該，我要呢隻粉底嘅OB20!」，之後就即時俾錢再快閃。
無他嘅，每次放工都想快啲衝返屋企湊小JM呀嘛。
^多款不同嘅粉底
前排同小JM行街個陣，因為想配粉底，終於膽粗粗咁帶埋小JM一齊入咗Covermark！
原先諗住一如以往咁「快閃」就算，但因為聖誕節又多咗好多優惠，所以媽媽不得不留多一會！
^成個表俾晒你睇，夠晒一目了然～！
其實係我買粉底前已經係Covermark做過一個叫【〈JUSME COLOR〉真我肌膚色調】嘅小測試，
呢個小測試係根據Covermark獨有嘅調色理論而測試出最為合適自己嘅「肌膚底色」。
而小JM媽我就係屬於藍調肌膚嘅～
配啱自己膚色其實都可以免卻咗一啲時有發生嘅尷尬事，就好似：面頸兩個色、面部過白、面色不均等情況。
我同BA姐姐講其實我較為鍾情於草本漢方系列嘅粉底，而自己亦用過同系列嘅好幾款粉底，包括：水感精華粉底液、完美持久粉底霜及草本漢方修護粉底霜。
原先諗住照舊同BA姐姐講:「唔該，我要呢隻粉底嘅OB20!」嘅時候，
BA姐姐話原來有新品出咗，仲比係我用開嘅更滋潤、更補濕同更易推開添。
聽完我就緊係心動想試試啦！
咁就唯係帶住小JM嘅情況下繼續享受我嘅「購物時光」！
雖然BA姐姐知道我有用開，但亦好有耐心咁拎唔同色嘅粉底俾我試，等我可以清楚了解呢個新品嘅色系。
同時亦好細心咁同我講解產品內含嘅草本漢方成分，等我可以更安心咁選購。
「無瑕素肌緻貼粉底霜」，一如我用過嘅粉底系列，同樣含有珍貴草本漢方成分，當中更包括：頂級人蔘、靈芝、當歸、薏苡仁 等成份添。
^推勻咗顏色好均勻，而且唔乾
每試完幾隻色BA姐姐都會幫我隻手「落妝」，再搽返補濕先再試其他粉底或產品，呢一點亦係值得一讚嘅。
即使小JM在旁有點喧鬧，BA姐姐亦好有耐性咁幫忙氹小JM，等我可以安心Shopping。
今次除咗試咗「無瑕素肌緻貼粉底霜」之外，媽媽我亦為咗來緊嘅周年紀念而準備再添置一啲靚靚妝物！
所以想趁住聖誕節呢個優惠檔期就緊係想睇下有咩好物啦！
我當日仲試咗一系列嘅眼影同唇膏添架！
小JM媽我係手殘，唔太識化妝扮靚，呢度嘅眼影對我而言就已經好足夠，因為有我最鍾意嘅Earth Tone！
BA姐姐可能見我對啲眼影心心眼，所以幫我試咗其中三隻顏色教為啱我嘅眼影。
同時亦教我邊一個格仔搽邊，等我有個基本概念，唔駛亂咁來～
試完眼影就緊係要顧埋個唇架嘛，唔係一陣變到剎白唇或者血盤大口就真係嚇親爸爸啦！
於是我就問BA姐姐邊幾款係最熱賣嘅唇膏！
BA姐姐就介紹咗我試而家最熱賣、最多買嘅水漾光綻唇膏，仲拎咗兩隻大熱嘅顏色俾我試添！
水漾光綻唇膏04同11號:
的確兩隻都好出色，好靚，而且仲水潤到好似搽咗唇彩咁！
不過後來俾我發現咗另一隻更淡更自然嘅12號色，一試就已經俾呢個色吸引！
BA姐姐留意到我較為鍾意自然色，於是就推薦我試透澤護唇精華UV系列，
同樣都係自然色，低調中見亮麗水潤感，而且BA姐姐仲話呢個系列嘅唇膏仲會隨住人體體溫而有所變化添架!
來緊係聖誕節，BA姐姐都有提我可以選購聖誕套裝，相對更加優惠添。
睇咗差不多成個鐘，我就較為鍾情呢兩個聖誕組合:
^呢一系列絕對係1st Choice! 有齊晒我想要嘅野，包括限量版胭脂同眼影，價錢仲抵好多！
^呢套同樣有兩盒粉底，但就變咗無眼影同胭脂。
BA姐姐超好人，佢都有提我唔駛衝動，可以過一兩日到12月時再去睇，話唔定又會多幾款Package。
聽完即時放鬆晒，可以順便問下朋友一唔一齊買添！
臨走時小JM都有同BA姐姐講拜拜，但就唔小心倒轉咗包糖，攪到成地都係糖，
好彩BA姐姐都好好人幫小JM一齊執，
BA姐姐原本叫小JM唔駛執架，但媽媽都堅持要小JM幫媽媽同姐姐手執返，
小JM仲幫忙掉埋垃圾添！
老老豆豆，今次帶小JM去買野扮靚都係第一次，原本由戰戰兢兢到後來輕鬆放心都係全靠BA姐姐嘅幫忙。
講真，問心講真係唔敢帶小朋友去買化妝品同護膚品，好怕小朋友會攪攪震而令到店員黑面，
但今次嘅經驗就反而令我好輕鬆放心。
沒有留言:
張貼留言