LEGO迷之選。玩樂與創作兼備 (含優惠資訊)

 小JM雖然係女仔，但亦係一名LEGO迷。

最近小JM又睇中咗幾款LEGO 系列嘅積木，皆因小JM知道LEGO又有新嘅FrozenII 積木推出，

另外仲俾小JM無意中睇到幾款LEGO Friends系列同而家大熱嘅LEGO DOTS系列添，呢位人仔即時心心眼出晒嚟。

所以我地就趁爸爸放假捉咗爸爸一齊去期間限定店揀LEGO！ 

一去到期間限定店就俾小JM發現Elsa嘅身影，仲即時要我幫佢同Elsa合照添！

同Elsa影完相，小JM一個飛身就已經去咗試玩區砌LEGO！果然係LEGO迷無誤！

溫馨提示：

試玩時記得要戴好口罩兼且要消毒雙手呀！

玩完一輪LEGO之後，小JM終於開始係店內行逛，物色新寵！

而媽媽呢，就緊係要為爸爸留意下啲優惠啦！

原來而家期間限定店仲有一系列嘅場內優惠添，可以話係買得越多，送得越多兼夾抵！

場內優惠一覽：

折上折優惠：

即日起至4月6號 用一田信用卡 購買有額外9折；而4月7至12號買就有額外95折! 

復活節特選：

買任何LEGO盒裝玩具滿$500-，即送30579復活蛋乙份  **優惠至5月2日，送完即止

購物優惠：(以單一發票計算)

1.) 購物滿$199 即送 30557可愛相片座

2.) 購物滿$300 即送 30413小花店

3.) 購物滿$450 即送 手工藝箱D.I.Y. BOX

**數量有限。送完即止

見到有咁多重優惠，我地都放手啲俾小JM揀多一兩件小玩意，點知有人心大心細又多心。

小JM心水精選： 

公主系列嘅吸引力果然非同凡響，不過第一位依然係由Elsa獨佔！

💗Elsa's Jewelry Box Creation （特價$319）

💗LEGO Disney 43189 : Elsa and the Nokk Storybook Adventures （85折） 

💗75551 Minions The Rise of Gru （85折）

Minions又係小JM嘅飛佛之一，不過今次連媽媽我都心心眼。

呢個Minions內有乾坤架，係可以打開嚟玩添架！

小JM有顆港女心，對裝扮自然著緊，所以LEGO DOTS嘅手鏈真係啱晒佢，想點砌點配都得！得咗！

💗LEGO DOTS Starlight Bracelets V29 （85折）

小JM話好想整一條村莊同屬於自己嘅城市喎！

話呢個公園好啱放係城市入面，可以俾啲人仔去野餐咁話。

💗Heartlake City Park（特價$289）

同場加映：

兩父女一齊邊睇SHOWCASE邊傾下點建構屬於自己嘅小天地。。LOL

最終貪靚嘅小JM都係揀咗將LEGO DOTS系列帶返屋企!

(其實有人係想戴手鏈扮靚囉!)

呢位小朋友一返到屋企就已經急不及待要開始砌LEGO，

仲要砌到忙晒形，差啲想飯都唔食涼都唔沖！XD

雖然係誇張咗少少，不過LEGO DOTS系列又真係幾吸引嘅，好玩之餘又靚兼可以戴，夠實用，

而且仲可以俾小朋友發揮一下創意添！

你睇下小JM砌得幾開心就知啦！

一田 x Lego期間限定店

🗓日期︰即日起至4月12日

📍地點︰一田百貨沙田店1樓

二寶加固日常。Superfood薯蓉+簡易寶寶粥 (內含食譜)

 相信好多二寶媽係疫情停課嘅日子要一打二搞到頭都痛埋，由一起身就安排小JM食早餐同上online class，細妹醒咗又要換片飲奶，之後就要開始準備兩姊妹嘅午餐，完全雞手鴨腳！

幸好今胎入手咗Philips Avent嘅 4合1嬰兒食品處理器，係依段時間的確幫咗我唔少忙。呢部機蒸煮及攪拌一take過，令我可以快捷又輕鬆地預備唔同嘅果蓉及輔食，有時仲煮埋家姐同大人果份添！

最近我就為二寶預備咗兩款至「營」嘅Superfood薯蓉同寶寶粥，健康有益之餘仲易於烹調，只需三十分鐘就可以食得架啦！營養豐富得來又美味，啱晒小朋友食用，即使係小JM都一樣啱食！每次整薯蓉真係要整兩份先夠佢地食，好彩部機容量1L咁大，咁先滿足到兩個為食妹！

羽衣甘藍蕃茄薯蓉 (7m+)

羽衣甘藍：含豐富維生素、鈣、鐵、葉酸和胡蘿蔔素，營養價值高👍🏻

蕃茄：有豐富維生素A，有助維持呼吸系統健康同時仲有護眼嘅效用👁️

薯仔：含有蛋白質、礦物質（磷、鈣等）同維生素等多種成分，維生素C係蘋果嘅10倍

紫洋蔥：蛋白質、膳食纖維以及鈣、磷、鐵、鈉等礦物質含量都比普通洋蔥高。仲有花青素，可以降低身體嘅發炎同過敏反應

材料：

羽衣甘藍 一小棵

蕃茄 一個

日本小薯仔 三至四粒

紫洋蔥 適量

做法：

1.) 先將材料洗淨，並將日本小薯仔及紫洋蔥切粒備用

2.) 蕃茄表面𠝹十字，再放水中煮滾以方便去皮，再去籽及切粒備用

3.) 羽衣甘藍以水沖洗乾淨並起出菜葉

4.) 將蕃茄、日本小蕃薯及紫洋蔥放入嬰兒食品處理器中，蒸煮20~25分鐘

5.) 將羽衣甘藍菜葉撕成小塊再放入滾水中稍為焯熟後撈起備用

6.) 待材料完成蒸煮後，將羽衣甘藍菜葉加入並攪拌，即成

^羽衣甘藍蕃茄薯蓉

呢款羽衣甘藍蕃茄薯蓉無論係二寶抑或係小JM都一樣咁鍾意食，味道香甜易入口，所以每次都要煮多啲，咁就唔駛怕爭食或者唔夠分！

鮮淮山粟子寶寶粥 (7m+)

鮮淮山粟子粥係一款老少咸宜嘅養生粥品，味道帶甜，老人家同小朋友都喜歡食

鮮淮山：補脾肺腎而且益氣養陰，讓消化道系統運作得更好，亦可改善血糖

粟子：含不飽和脂肪酸，對心血管有益

材料：

鮮淮山 一段

粟子 八至十粒

白米 適量

做法：

1.) 將白米洗淨，並浸泡

2.) 將鮮淮山洗淨刨皮，切成小粒備用

3.) 粟子去衣，切成小粒

4.) 將鮮淮山及粟子放入嬰兒食品處理器中，蒸煮25分鐘

5.) 將洗淨嘅白米煮成粥，備用

6.) 待材料完成蒸煮後再攪拌，並加入粥略煮即成

^整多少少又可以下一餐加熱來食，好方便！

後記：

雖然煮副食要花好多心機，但見到小朋友食得開心就咩都抵返晒🥳

幸好今胎有用到Philips Avent 4合1嬰兒食品處理器，令我輕鬆煮出美味嘅食物俾兩位小主。重點係由煮食到清洗用具才不過40分鐘左右，唔駛花時間睇火同清洗，真係慳好多時間。

最正嘅係連JM爸都會忍唔住用部機來整野食俾兩位小主，又會幫手洗添🤭 (雖然其實洗都好方便, 幾分鐘沖水搞掂)

媽媽慳番D時間就可以陪小JM玩啦！

二寶加固日常。爸爸輕鬆煮輔食

 由二寶出世開始，我所選用嘅奶泵、奶樽同奶嘴都係有絕對信心保證嘅Philips Avent！前排二寶開始加固，我地入手咗Philips Avent嘅 4合1嬰兒食品處理器。呢部蒸煮攪拌器用落真係好方便快捷，可以蒸煮及攪拌之餘，仲有埋解凍同加熱功能添。

神隊友JM爸話以前無蒸煮攪拌器個陣要整蔬果蓉俾小JM都需要較長時間，又要睇火又要洗一堆廚具，所以都好少出手整蔬果蓉！

不過自從有咗呢部4合1蒸煮攪拌器之後，JM爸都話整蔬果蓉快好多，只需三十分鐘就已經整好有得食添啦！重點係一部機已經可以做齊晒蒸煮同攪拌，唔駛特意轉換容器之餘仲可以洗少啲嘢。 

部機有幾方便易用？

不如就等JM爸示範一下啦！

^將需要蒸煮嘅食材切成小粒，並放入主器皿準備蒸煮。 

^2大個王林蘋果只需蒸約20分鐘即可。 

完成蒸煮後可直接將容器倒轉，鎖好便就可以開始攪拌

^每次輕按鈕即可開始攪拌，將食材打成蓉後即可取出食用 

最近就連JM爸都愛上咗用Philips Avent 蒸煮攪拌器來幫二寶準備加固嘅食材，皆因易於操作便於使用呀嘛。不過最緊要就係洗嘅嘢唔多，而且配件少！

每次用完只需要用水喉簡單咁沖下洗下就已經乾淨晒，無乜窿隙位，唔駛擔心會暗藏污垢，而且只係得5件配件，幾分鐘就洗乾淨哂。

你話係咪好方便好快手呢？ 

題外話：

如果蒸煮嘅份量太多的話，可以用隨機附送嘅儲食盒或以儲食杯存放於雪櫃就得啦。下一餐再取出並加熱即可食用，過程夠晒方便快捷。對於而家一打二嘅媽媽來講簡直係恩物，可以節省唔少時間。  

^用攪拌棒將儲存盒放入器皿內即可加熱食用喔！

^加熱15~20分鐘就可以食得啦！

準備為小baby加固的話，不妨考慮入手喔。易用到連JM爸都攪得掂，值得推薦

其實投資一部蒸煮攪拌器，換嚟嘅係時間同方便。

新手爸媽最缺乏時間同精神，而呢部機嘅簡易就正正令到我地輕鬆唔少，用過你就知佢嘅好。

此外，開始加固之後要記得俾小baby開始飲下水呀，唔係就會好易造成腸道不適或者便秘架啦！講到飲水，我都為二寶入手咗隻好可愛又得意嘅幼兒飲水杯，係咪好似恐龍咁呢？

呢隻係飲管杯有防滴漏活門設計，唔洗驚會倒到成身都係，同埋配備符合人體工學設計嘅手柄，防滑又易揸，多D俾二寶揸住飲水仲可以訓練埋佢嘅小手肌添。

我最鍾意呢款飲水杯可以頂部翻蓋，保護飲管唔會咁易整污糟，而且你見佢條吸管下半部係採用彎曲設計，就返寶寶嘅自然姿勢去吸吮。仲要所有配件都可以拆出來清洗，咁就唔怕會藏咗啲污垢啦嘛！

唔知媽媽們知唔知，其實用飲管杯飲水係可以訓練到小baby嘅口腔肌肉，有助口腔嘅發展架。除咗飲管杯之外，我地仲可以因應小baby唔同嘅口腔發展階段而轉換防滴漏幼兒杯或者啜飲杯架！