星期三, 7月 11, 2018

小JM愛玩樂。反轉葵涌。PopStar X Amomo Party Planet

早前收到邀請出席由PopStar所舉辨嘅Mommy Gathering暨五、六月份生日派對。
派對當日好熱鬧，有數十位靚媽同小朋友一同出席，係一個好好嘅親子活動，
可以俾機會媽媽們相聚傾下湊B經之餘，小朋友又可以大玩特玩放電一番。
咁你又估唔估到今次嘅活動喺邊度舉行呢？
無錯啦，就係 Amomo Party Planet 啦！

VIDEO:


小簡介:
Amomo Party Planet位於葵興區，佔地約2000呎，場內設有180度落地玻璃，夠晒開揚。
場內滿佈藝術氣息，牆上及滑梯都有繪畫，令人感覺份外溫馨。
而且場內鋪晒地墊，可以安心俾小朋友喺場內盡情玩樂。
適合舉辦中小型派對之用。


派對當日Pop Star預備咗好多唔同嘅禮物準備用來送俾小朋友們。
而且禮物仲好豐富添喎！
最重要就緊係要同五、六月嘅壽星靚媽同BB們慶祝生日啦!
Pop Star仲特意訂咗個蛋糕添，影靚相啱晒。
同時亦安排咗到會俾大家享用，食物都唔錯，小JM都食唔停喔。

食飽飽之後小朋友們都開始周圍探索，發掘Part room嘅各樣好玩玩意。
場內設有一個小型波波池，池內仲有滑梯可以俾小朋友玩。場區內仲有一個由軟墊組成嘅滑梯組件添架。
小JM就好鍾意呢個三合一嘅組合鞦韆滑梯架。
其實去台灣影家庭相嘅時候小JM已經玩過，所以一見到就已經好雀躍。
呢個架除咗有鞦韆同滑梯之外，仲有埋籃球架添架。
場區內除咗有玩具廚房之外，仲有各式唔同嘅玩具，可以俾小朋友隨意玩樂。
仲意外地俾小JM發現咗有玩具梳妝台添。
媽媽都好意外呀見到小JM「扮吹頭」，原來小JM係模仿緊爸爸平時返工GEL頭嘅手勢。
睇來「有其父必有其女」呢句說話係真架。
而另一邊仲擺放咗數款不同嘅搖搖馬添。
唔單止咁，仲有小B都啱玩嘅蟲蟲隧道，可能俾小B自由爬行。

場方更貼心地預留咗一個溫馨角落俾小B們換片之用，
牆上亦畫上咗好得意又可愛嘅圖案添架。




Amomo Party Planet
https://www.facebook.com/amomopartyplanet/

#POPSTAR #星光博客 #PopStarGlobal #popstarevent2018 
#AmomoPartyPlanet #Amomo #babyparty #百日宴 #生日會 #messyplay

張貼者： 於 沒有留言:

星期二, 7月 10, 2018

小JM愛玩樂。反轉白石。B.DUCK充氣水上樂園+BBQ優惠

「炎熱夏天到了，艷陽如火高照...」
話咁快又到咗夏天，又係玩水嘅季節啦！

每年白石燒烤場及小欖燒烤樂園都會舉辦唔同主題嘅充氣水上樂園俾大家去盡情玩水狂歡。
今年亦都唔例外，更首次與B DUCK合作，舉辦全港最大型嘅B DUCK主題充氣水上樂園添。

白石燒烤場嘅充氣水上樂園會以B Duck浴室派對作為主題，而小欖則會以B DUCK 沙灘派對作主題，兩者一樣咁別具特式，想知有咩分別就真係要去晒先知啦。

VIDEO:



小簡介:
白石燒烤場位於馬鞍山烏溪沙，場內可以飽覽吐露港、八仙嶺及船灣淡水湖大壩嘅美景，可以嘆住海景BBQ，令人份外心曠神怡。燒烤場佔地過萬呎，包括有大型露天BBQ場地、有蓋BBQ燒烤場及海景獨立BBQ屋，啱晒用來手攪活動呀。


今次我地就兩家人一齊帶住小朋友去BBQ兼玩水，實行係去旅行前來個下水禮兼前哨戰，為我地兩家嘅Family Trip打開序幕！

一浦踏入白石燒烤場，眼前已經出玩一隻巨型嘅B DUCK準備迎接大家。

台上設有一個小浴缸，而且仲裝滿波波及B DUCK添，兩位小朋友見到就已經忍唔住要衝上台玩啦！


今次BBQ我地試咗個5人海鮮餐，真係好多嘢食，我地5個大人都食唔晒，食到最後個個都飽晒。


而且套餐嘅用具亦都好齊全，包括有炭、蜜糖 、餐具 、燒烤網鉗 、較剪、盒裝紙巾，可謂一應俱全呀。



今日最辛苦就莫過於兩位爸爸啦，要為我地大熱天時燒嘢食，辛苦晒！

不過兩位爸爸辛苦燒嘢食之餘亦好識得自娛，燒燒下嘢食仲檀咗個人樣出來添。


食到一半又係時候進入戲肉啦！
我地準備去同B DUCK一齊玩水，迎接我地嘅初夏下水禮！

喺入場前我地需要到手帶換領處換取進入水上樂園嘅識別手帶。

小JM雖然未夠一米，但同樣需要戴上手帶架。

溫馨小提示：
*　每名成人每節只可帶同一名1米以下小童免費進場
*　1米以下小童不可獨自進場，爸媽們需要自行照顧同行小朋友喔
*　年齡限於1－65歲，體重不可超過100kg
*　需穿上合適裝備進場
*　場區設更衣室、 沖身區及儲物區

水上樂園嘅充氣裝置設有濾水裝置，於運作期間亦會不停注入新水，以確保衛生。
同時樂園亦會向各個裝置灑水降溫，以確保安全。

小JM戴上手帶之後就已經急不及待同爸爸即時進場，
而我就居高臨下咁施施然地觀賞樂園嘅全個景觀添。
充氣水上樂園一共設有九條滑梯、一個大水池、三至四個小水池及一個大船池，
每條滑梯嘅高度、斜度不一，速度亦夠快，真係激刺非常。

係手帶換領處旁邊有一個小船池，大人小朋友都一樣可以玩。
可惜小JM不太感興趣，因為「滑梯是皇道」。






一於等小JM家來介紹下有邊條滑梯最吸引啦！
先來輕鬆啲嘅，先到旁邊兩個水池玩下水、擲下波波，當做熱下身啦！


熱完身就可以先試個小朋友都啱玩嘅城堡滑梯！

刺激度：*** (5*為滿)
呢個城堡滑梯小朋友玩就剛好，但爸爸玩完話PAT痛~XD
小JM就覺我未夠刺激，只係玩咗一次就算。


之後小JM就同表妹一齊去咗有三條滑梯嘅小型滑道組合。
呢個池係為小朋友而設嘅，池水亦係暖暖地架，好貼心。

呢組裝置除咗有滑梯之外仲可以將波波當籃球咁玩「入樽」！
表妹仔都忍唔住快手快腳自己走咗上去玩，真係好大膽豬。
旋轉滑梯設計亦富速度感！

最後兩個人仔仲一齊溜滑梯落來添。小JM滑完仲表現得好興奮。
刺激度：**** (5*為滿)


刺激度：*** (5*為滿)
呢條滑梯去到尾會停一停緩衝咗，所以刺激度大減。
但對小朋友而言仍算不錯喔。


而喺場區嘅另一邊仲有一個大池，池內佈滿白色嘅波波同B DUCK，小朋友們都不停去「捕捉」B DUCK，想將B DUCK一個個排好係池邊。
同時亦有一個大船池，可以俾大人小朋友坐香蕉船喔！


而講到最好玩嘅滑梯應該非呢兩、三條莫屬！



呢條咁鮮艷奪目嘅粉紅BUFFY滑梯就成為咗我地當日嘅「至HOT推介」！
淨係小JM都已經玩咗不下五次，而且小JM仲大膽到話要自己瀡，睇來真係大個女啦。
舅舅同爸爸仲大炸水花添。就連我同小JM婆婆都忍唔住要玩埋一份你就知幾好玩。

刺激度：***** (5*為滿)




而另一條爸爸推薦嘅滑梯就較短，但以速度取勝。
我仲因為諗住拍片而被爸爸炸水花變到未玩先濕身。
想知係邊條滑梯？咁就要留意片段啦。
刺激度：**** (5*為滿)


最後仲有一條速滑嘅滑梯，我同小JM玩咗三幾次，真係刺激又好玩！

刺激度：**** (5*為滿)
小JM媽我瀡完仲要打轉，堅好笑。想知有幾好笑就記得睇片啦。


想買平飛去玩水就記得BOOK MARK定日子!

早鳥優惠

由6月至8月，每逢8, 18, 28日為搶購日，凌晨12時正開始搶購，會有早鳥8折優惠，屆時可以8折優惠購買指定時段門票，每人限購5張，售完即止。
Mark定日子撲飛啦喂！

每節票價 (大小同價) :
星期五收費
16:30-18:30： $160
19:00-21:00： $160

星期六，日和公眾假期收費
11:00-13:00： $200
13:30-15:30： $200
16:00-18:00： $260
18:30-20:30： $200

全日票：$460




B Duck用品專賣店
現場設有B Duck 水上用品限定店 ，首批全新兒童游泳服裝和各款B DUCK 浮水用品場內開售。
而且剛好都做緊85折優惠，B Duck大小粉絲們要留意喔!
記得準備好B Duck 裝備一齊去同B.Duck玩水喇!

*於限定店以FB即時讚好專頁更加獲贈一把B DUCK扇喔！*





仲有樣野喺你BOOK場之前一定要知，就係「BBQ優惠」啦！

由5月開始至8月31日白石燒烤及小欖燒烤樂園都會有BBQ折扣優惠！
優惠包括：
- 所有套餐8折
- 平日開爐費全免；星期六、日及公眾假期，開爐費半價
- 會員優惠可享折上折優惠





白石燒烤
電話: 2744 8188 (沈先生)
電郵:dee.shum@whiteheadbbq.hk
網址:www.whiteheadbbq.hk
地址：馬鞍山白石1950號

張貼者： 於 沒有留言:

星期二, 7月 03, 2018

小JM愛玩樂。反轉澳門。Planet J 冒險王國初體驗

話說，以前小JM媽都係一名「宅女」，閒時假日都愛宅在家中，為嘅都只係想爭取多啲時間去煲劇同打機。
講到打機我就最鍾意玩RPG遊戲，因為呢系列遊戲可以喺遊戲世界中化身成一位人物角色，再透過訓練、等級提升、發展劇情和過關冒險等方式去完成遊戲，每當「過關」或「打爆機」時都額外興奮。

而今次我地一行五人嘅澳門之旅終極任務就係「反轉Planet J Macau」！
VIDEO:




Planet J 冒險王國 小簡介:
座落於金沙城中心3樓嘅冒險王國喺2017年暑假正式開幕，佔地約9,300平方米，由九個唔同主題園區組成，擁有超過200種互動遊戲，包括AR及VR遊戲等。

Planet J冒險王國有別於一般傳統主題樂園，喺冒險王國呢度可以俾機會大家一齊參與冒險遊戲嘅創作及發展故事，單係呢一點已經甚為吸引。
入場後我地一行人就去櫃台準備領取【魔導卷】及了解點用!

有魔導卷我地先至可以開始我地嘅冒險之旅架！而魔導卷亦會引領我地喺魔石王國內進行唔同嘅任務。
同時亦會記錄遊戲進度，即使未玩晒下次再玩亦可以繼續。
魔導卷一共有四種不同語言，分別係：廣東話、普通話、英文及韓文。
而每部嘅魔導卷可以使用一小時架！
領取咗魔導卷之後我地就跟隨工作人員指示一同前往「皇宮」！
喺去皇宮嘅路上大家依然有講有笑，或是大家都未意識到前路會遇上嘅挑戰啦！
進入皇宮後，我地一行人都即時變裝，仲順手揀咗啱用嘅武器來傍下身添！
唔講唔知，皇宮之內又真係幾多靚衫同武器。
（咦，小JM手上嘅唔槌唔會係雷神架嘛？）
變裝完成後，我地就由綠田村出發，準備展開我地嘅冒險之旅！
而係出發前指導員亦會同我地講解一下要點睇地圖，以免我地迷路。
圖區內劃分咗多個唔同嘅區域，每一個區域都配有名稱，
想唔迷路嘅話睇來就要留心一下魔導卷嘅指示同認下路啦！

出發前小JM都好認真咁制訂策略及路線~唔知到最後又會唔會成功呢?

我地今次玩咗好幾個遊戲，真係考智慧、體力之餘仲好考你膽量，真係缺一不可架。
當中有部份遊戲連小JM都一樣可以參與，所以真係好啱一家大細一齊來冒險！

得意又可愛嘅遊戲機台，配合小遊戲模式，彷彿好似個玩拍拍機咁！
小JM都一樣玩到無難度，可以輕鬆過關。

想難度高一啲？無問題！我地派出爸爸應戰解解謎。
咦，似乎爸爸被呢個巨型時鐘考起喎。
無計啦，原來要玩呢個遊戲真係要一眼關七之餘仲要有好強勁嘅臂力先得，
要擰郁呢個大鐘都唔係易事架，所以有呢個成績都算係不過不失啦！

想動態多啲？一樣得！
屠龍又啱唔啱？不過唔好意思，小JM怕怕，所以我地都係唔好嘈醒條巨龍好啲。

唔層龍亦可以考慮去用魔法來收拾一下怪物。
叔叔出手果然係快手，幾下手勢啲妖怪都俾你打暈晒。抵你Chok嘅!
玩完呢個仲可以玩埋VR遊戲添。
係遊戲中與橡皮免兔們對抗，實行打個你死我活。

咦，原來係我地打生打死嘅同時小JM去咗同怪怪嘆茶，仲好唔客氣咁想瓜分怪怪件蛋糕添！

小JM食飽飽之後，就去咗玩拍拍蘑菇遊戲~^^
蘑菇造型得意，而且仲會變色添架。

如果中途無晒HP呢度都有救護站架，場景好可愛喔。
咦，呢位怪叔叔做咩事呀？小JM快啲遠離怪叔叔啦。

玩到咁上下亦不妨到場內一啲靚景中打卡影下相。
而講到靚，小JM媽就覺得呢個場影真係靚到一個點，真係睇到嘩一聲。
除左呢度，其實仲有馬車可以俾你坐上去影相添架，想影就快啲來啦。

交還魔導卷嘅同時亦可以選擇購買紀錄相架做紀念架。
如果想睇埋其他周邊精品就可以去相鄰嘅自家精品店，入面有好多不同造型嘅怪獸精品，
上至毛公仔擺設，下至個人T-Shirt都一應俱全，而且價錢相宜喔。


其他澳門相關BLOG:



Planet J 冒險王國
澳門路氹金光大道金沙城中心3樓 (鄰近美食廣場)

收費：
MOP / HKD / RMB $220 / 位 
*費用已包魔導卷遊戲裝置使用一小時*

開放時間:
星期一至星期五: 
10:00 至19:00(最後入場時間︰18:00) 

星期六、日及公眾假期︰
10:00 至20:00 (最後入場時間︰19:00) (全年無休)
張貼者： 於 沒有留言:
訂閱： 文章 (Atom)