爸爸今次帶我哋去山頂呀！
VIDEO:
因為假期嘅關係，我地決定朝早去，希望人流會少啲，所以爸爸揀咗揸車去山頂纜車站。
纜車站附近有一個停車場，時租每小時都係三十零蚊咋。
如果唔搭纜車的話仲可以直接揸車上山頂喔!
來緊山頂纜車會係四月底開始翻新並暫停服務到七月先開返，所以我地決定趁機帶小JM體驗一下坐纜車嘅感覺。
係山頂纜車翻新期間，蠟像館方面亦會提供免費穿梭巴士上山架，所以都好方便架！
我哋到達纜車時已經十點多，見到好多外國遊客準備排隊買飛。
^購票時已經見到老大嘅蠟像喔！
小提示：
如果想快啲搭到山頂纜車嘅，不妨提早預訂定纜車飛或套票，咁就可以節省排隊時間。
另外，亦可以使用八達通以便乘搭，以代替購票架。
^各款套票資訊及優惠
由於纜車同一般列車唔同，較細小，坐位有限，我哋等第二班車先再上。
︿從纜車車窗望出去嘅景色
剛好可以坐窗邊位置，可以睇下香港嘅景色。
喺車上，爸爸同小JM一路細心欣賞沿途嘅美景，仲不時同小JM講解添。
^細心欣賞、細味香港景色
^落車後亦不忘影相留念
^旁邊嘅幻彩齒輪牆壁
^山頂市集
影完相之後我哋就慢慢步向山頂市集，市集內有好多各式地道手工藝品，如手繩、花結、袋等等，
就連熊貓飾品都一樣有。
行完市集，我地就向住香港杜莎夫人蠟像館進發!
購票小提示：
提早上網訂票價錢會比較優惠啲，成人每位都係HK$232-，即係八折添架。
亦可以用另一個優惠係正門購票：
香港人專享「買二送一」優惠
由即日起至2019年5月5日，香港居民憑香港永久居民身份證或臨時居民身份證於蠟像館正門售票處購買兩張即日成人門票，即可免費獲贈即日成人、小童或長者門票一張。
買完飛又係時候準備入場啦！
一進場就已經見到第一個影相點，就係同國際巨星成龍合照啦！
除咗成龍之外，場內仲有另外兩個影相點，分別係：奧巴馬與特朗普、習近平夫婦
同國際巨星影完相之後，我地嘅蠟像館之旅正式展開！
蠟像館一共分為十一個展區及一個精品廊，爸爸話比以前來嘅時候仲多咗好多野睇，而且仲有得玩添。
當中仲有草間彌生藝術館及由本地插畫師Jan Curious 設計嘅Lady Gaga 插畫蠟像，充滿住藝術嘅氣派架！
事不宜遲即刻睇下小JM家嘅推介展區啦！
魅力香江
穿過樓梯，隨之而來嘅我地會見到多位荷里活巨星盡現眼前。
你，又認得出幾多位呢？
^爸爸最愛嘅舞台王者!
^爸爸話要感受一下華仔嘅心跳
^父女放閃，連Kelly都無眼睇
時尚專區
話到明係時尚專區，當然係同 Fashion有關啦!
一踏入時尚專區就見到大大個攝影棚景，等你體驗一下置身攝影棚嘅感覺!
係區內仲可以同尊尼特普影相添架! 想影就要細心揾下啦!
唔單止咁，呢度仲有一條Cat-walk天橋，俾你試下行貓步！
我同小JM就試左行「親子貓步」啦！
^電車內影相，你又試過未？
風雲人物
講到風雲人物，又點少得奧巴馬及特朗普呢？
難得來到，緊係要同兩位來個合照啦！
唔單止咁，場內仲有習近平夫婦及英女皇添架！
^爸爸就帶住小JM坐係皇座上面一齊影相。
功夫專區
功夫專區內有數位著名嘅武打巨星坐陣，包括有李小龍、甄子丹、楊紫瓊等... ...
^武打巨星李小龍
^爸爸話女仔都要有功架!
展區內設有互動裝置，可以俾小朋友玩下小遊戲！
而當中嘅韓流專區應該最為人喜愛，彷彿令人置身於明洞街頭一樣。
^爸爸一見到韓國美女秀智就已經捨棄小JM囉！
^我同小JM都唔執輸同小鮮肉s合照！
區內設有互動遊戲，可以體驗一下穿著傳統韓服嘅造型喔！
^爸爸穿起韓服個樣好有趣呢！
而區內仲有一個咖啡室場景，可以供拍照之用。
^你睇! 父女二人似乎已經唔記得媽媽嘅存在了。
場內有一個互動舞台，可以二人同時與韓星一齊起舞。
小JM同爸爸玩得甚為興奮添。
想玩嘅話，記得留意下係邊啦。
動漫遊戲世界
呢一個展區除咗有大人喜歡嘅Marvel人物角色之外，仲有小朋友喜愛嘅卡通人物添架。
真係大人小朋友都啱玩，而且仲有好多打卡位添！
^噢~爸爸俾綠巨人捉住咗呀!
幾經辛苦係綠巨人手中逃脫，原來係為咗帶小JM去搵妖怪手錶。
爸爸同小JM仲去咗參觀景太嘅房間，小JM仲話景太間房好舒服添！
呢個展區內所設置嘅互動裝置比較多，小朋友都玩到唔願走。
^妖怪手錶互動遊戲
^魔法變身體驗
除咗日本著名嘅卡通之外，仲有香港出品嘅麥兜同麥太係度架！
唔單止咁，場內仲有一個以卡通片入面出現嘅香港舊式樓宇做背景嘅打卡點添架！
係打卡點旁邊仲有一個考驗創意嘅建設遊戲，就連爸爸都一樣被吸引到。
其他相片:
^I'm Mini GAGA
^大笑。大笑姑婆
^LEON號單車
去到尾站就會係精品廊，想買手信或者紀念品的話都可以係度選購。
小JM已經一個快步自己去咗睇嘢啦!
爸爸都唔執輸即時去咗睇動漫精品。
埸內仲有一系列嘅Hello Kitty精品添!
有興趣嘅仲可以用HK$10整一個紀念銅幣做收藏添架！
原先仲諗住去埋山頂凌霄閣，點知玩咗半日小JM已經斷電，所以我地決定回程囉。
凌霄閣就唯有等下次再去係啦！
除咗蠟像館之外，其實山頂仲有其他嘅景點好啱一家大細帶小朋友去放電架！
