認識小JM家嘅朋友都知道我地屋企有一位好鍾意入廚嘅小人兒，最喜歡同我或JM爸一齊整嘢食同整甜品。要打造一個安全嘅廚房畀小朋友整嘢食，一個好嘅廚房設計係必須嘅，廚櫃間隔得好，用具都整齊啲，咁樣大家都可以開開心心享受下廚樂。
仲記得小JM鍾意入廚嘅程度僅次於我同JM爸，三歲嗰陣仲同JM爸一齊參加親子烹飪比賽，而且有幸入咗三甲，令小JM對煮食嘅信心得以增強，仲提升咗對煮食嘅興趣添。
隨著小JM日漸長大，我地亦開始為小JM著手物色一啲大人同小朋友都啱用嘅廚具，以鼓勵小JM繼續學習烹飪。一想話買新廚具問題就嚟啦，發現原有嘅收納位置唔多夠用，可能需要嚟嗰大執位。
屋企嘅廚櫃係入伙時已經有，當時覺得應該夠用所以無改動，但而家多咗兩個小朋友就係出晒事，發覺現有嘅廚房收納位置同埋廚櫃間隔都唔見駛，攪到啲嘢好多時會亂糟糟咁。 早幾日JM爸終於忍唔住提議不如搵人裝修個廚房。
畢竟一個完善嘅廚房設計對喜歡煮食嘅人而言係好重要，唔單止方便拎到廚具同食材，最重要係可以增加廚房收納空間同提升廚櫃間隔嘅實用性，咁就唔駛擔心煮食時工作檯面唔夠位啦。
要整廚櫃都唔係咁簡單，所以我都上網睇咗唔少嘅廚櫃設計圖，希望可以物色到一個啱心水嘅設計。我睇咗咁多資料之後, 可以歸納下面兩大重點：
1. 睇廚櫃設計圖時要留意尺寸比例
廚櫃設計圖有鳥瞰同側視角度兩款圖則，設計廚櫃時最好參考晒兩組圖的尺寸，亦要留意標示數字和比例係唔係正確，如果搵埋設計案例仲可以方便構思第日真實廚櫃成品。
2. 規劃廚櫃高度時要預留足夠空間
廚櫃設計圖有另一個要留意嘅地方，就係要睇返廚櫃之間嘅距離，每個廚房最常用到嘅地櫃同埋吊櫃最好預留最少650cm嘅空間，咁就唔怕煮餸切菜時撞頭啦！
而工作檯嘅高度如過低或者過高都會影響下廚嘅效率，所以最好係根據返身高度身訂造地櫃，咁就最方便入廚。我都有留意到依家有啲地櫃係可以隨意調較高度，咁JM爸入廚時或者同小朋友一齊煮野食就可以按情況需要再作調節！
除咗搵圖則同設計案例來做參考資料外，最好就搵廚櫃設計師親身上門嚟視察兼度尺，因為佢地可以了解多啲用家嘅煮食習慣，再去度身訂造廚櫃，咁樣出嚟嘅Size就會更加準確。
早排搵圖時偶爾發現Mia Cucina嘅網頁，入面有好多設計案例參考，亦都有唔同嘅門板建材同選色，最吸引我嘅係佢地喺設計到加咗一系列嘅廚房收納配件，令收納空間提升之餘仲更整齊，加上Mia Cucina係煤氣公司品牌，更加有信心保證，我仲Bookmark咗佢地嘅網頁添。
尋日，我去咗Showroom，經Sales姐姐同我地講解之後，我地對Mia Cucina嘅設計多咗認識之餘仲發現咗好多貼心嘅設計，好啱我地有小朋友嘅屋企。
小JM喜歡煮食但又未夠高埋爐，用櫈企高又怕會危險，剛好佢地有個設計係以廚櫃腳作踏板，可以俾小朋友企高一齊煮食之餘又可以方便大人企高拎櫃頂嘅物品，唔單止咁，仲可以喺腳踏板位置當櫃桶用，增加收納位置添！
櫃桶嘅深闊度比我地而家廚房用緊嘅大好多，而且仲可以喺櫃桶配置唔同嘅配件，如廚具分隔、調味架、拉籃等。有咗呢一D嘅廚房收納配件，就可以好有條理咁擺放廚具。Sales 姐姐話如果有需要，我可以喺櫃桶配埋了附有兒童安全鎖刀架，可以防止小朋友誤觸而引致受傷; 同時有弧形門板提供選擇，可以避免大人小朋友撞到角落頭整親嘅機會。
另外，sales姐姐知道我屋企有小朋友，都推介一隻防細菌防霉嘅納米技術物料， 抑制細菌滋生仲可以抗指紋，岩晒有小朋友又要時常保持廚房衛生嘅家庭！
睇完一輪我地已經心郁郁想盡快攪攪個廚房，宜家真係可以搵Mia Cucina幫手。我仲發現左佢地有好多唔同門板飾面，連櫃身都有幾隻顏色可以選擇; 我湊住小朋友未必可以成日分身, Mia Cucina提供一站式服務，由上門度尺到設計、訂造及安裝廚櫃都會一手包辦，真係好啱我 ! 我而家已經好期待一個全新既廚櫃設計出現喺我屋企 !
